Vera - 01.06.2001, Qupperneq 11

Skyndimynd
)osy Lareen -
magadansmær
Josy Anne Nazare Luz er frá Brasilíu og hefur
dansað magadans frá því hún var 13 ára.
Hún kom til íslands fyrir tveimur árum þegar
hún giftist fyrrverandi manni sínum, Islendingi |
sem hún hitti í Brasilíu, en þau eru enn góðir
vinir. Josy er lærður orgelleikari og hún lærði
grafíska hönnun í Universidade do Rio de
Janeiro-Uerj. Hún kennir bæði magadans og
orgelleik og er að æfa fyrir leikhús. Um þess-
ar mundir er hún að Ijúka við gerð mynd-
bands sem verður bráðum gefið út á Islandi.
Hver er uppruni magadansins?
Því er erfitt að svara þar sem magadansinn er elsti dans í
heimi enda er hann stundum kallaður dans fyrir Guð.
Er magadans vinsæll meðal íslenskra kvenna?
Já!!! Ég varð reyndar mjög hissa á því og finnst frábært
hvernig íslenskar konur dansa alveg eins og suður-amerísk-
ar konur!
Undirstrikar magadans hið hefðbundna viðhorf
til kvenna að þær séu bara til skrauts og til að
gleðja karlmenn? Magadans gefur konunni tilfinningu
fyrir því hvað það er dásamlegt að vera kona. Hún finnur
að hún er falleg og kynþokkafull og fær í hendur töfrana
sem fylgja því að vera tælandi. Magadans er líka fín lík-
amsþjálfun og hefur góð áhrif á kviðarhol, fætur og
mjaðmir. Það er hægt að losna við mörg kíló með því að
*fa sig vel. Dansinn hefur líka góð áhrif á blóðstreymið og
auðvitað... á karlmenn! Þeim finnst þetta æði!
Er magadans erótískur?
Nei, mér finnst hann tilfinningalegur. Ég dansa bara, sýni
ekkert meira... dansinn er svo exótískur. Það þarf ekkert
meira.
Hvernig hafa viðbrögð Islendinga verið gagnvart
þér, sem útlendingi og magadansara? Ég hef ekki
fengið vinnu sem grafískur hönnuður þar sem ég hef ekki
náð nógu góðu valdi á íslenskunni. En sem magadansari -
ég sé það í augum fólks að það ber virðingu fyrir mér og
nýtur þess að horfa á mig dansa.
Eitthvað að lokum? Mér líkar mjög vel á Islandi, hér
býr gott fólk og hér er nánast ekkert ofbeldi. Ég er búin að
eignast kærasta, á fjölskyldu og vini og ég býst við að ég
muni gera þetta land að mínu heimalandi.
Josy er með heimasíðu
"ww. josybellydance.na-web.net
V