Vera - 01.06.2001, Qupperneq 25

ekki samband við spænskumælandi fólk því mér fannst
það alltaf vera að benda á neikvæða þætti í fari íslend-
inga. Þetta eru erfiðustu fimm ár sem ég hef lifað en þau
voru þess virði þvf með þessu móti tókst mér að þrjótast í
gegnum múrinn og komast inn í heim íslendinga. Allt í
einu small eitthvað og allt varð í lagi. Þegar ég gekk með
eldri dóttur mína þurfti ég að liggja á meðgöngudeild og
þá kynntist ég náið tveimur íslenskum konum sem lágu
með mér. Við hittumst enn og þessi vinátta er mér óskap-
lega mikils virði.
En það er skrýtið að þegar allt var komið í lag fór ég að
taka eftir fordómunum sem margir íslendingar hafa gagn-
vart útlendingum og mér finnst að þeir hafi verið að
aukast. Ég varð t.d. vör við þetta í kuldalegri framkomu af-
greiðslufólks en versta upplifunin var á heilsugæslustöð-
inni minni þegar ég fór með yngri dóttur mína í barna-
skoðun. Ég var búin að horfa á hjúkrunarkonuna taka á
móti börnum á undan mér og sýna þeim mikinn áhuga og
vinsemd en þegar kom að okkur sýndi hún allt aðra fram-
komu, var ísköld og skipandi. Mér sárnaði þetta að innstu
hjartarótum því þarna var um barnið mitt að ræða en ekki
mig sjálfa og spurði konuna hvort eitthvað væri að. Hún
sagði svo ekki vera en ég kvartaði undan þessu og var
beðin afsökunar, bæði af yfirmanneskju hennarog henni
sjálfri. Ég skipti samt um heilsugæslustöð því ég get ekki
þolað að börnin mín, sem eru íslenskir ríkisborgarar fái
ekki sömu þjónustu og önnur börn. Ég tala við þær
spænsku og kenni þeim um mína menningu en að sjálf-
sögðu vil ég að þær verði fullgildir borgarar hér," segir
Angélica að lokum.
Fjölmenningarkórinn
Heimsljós
í tengslum við Miðstöð nýbúa hefur verið unnið skapandi starf með börnum af ýmsu þjóðerni.
o Börnin eru á aldrinum 7 til 14 ára og eru flest fædd hér á landi. Megin áhersla hefur verið lögð
J á kórastarf en einnig verið unnið að myndlist og fleiri listgreinum. Júlíana Indriðadóttir
-a hefur æft kórinn sem er nefndur Heimsljós og hefur komið fram á ráðstefnum og fundum þar
^ sem fjallað hefur verið um fjölbreytni þjóða. Lögin eru frá mörgum löndum og eru sungin á
ýmsum tungumálum. Starf kórsins hefst aftur í haust og má hafa samband við Miðstöð nýbúa til
að slást í hópinn.
Foreldar Angelicu og amma hennar heima í Mexikó. Móðir
hennar er mexíkönsk en faðir hennar fransk/ítalskur.
Angelica, lengst til vinstri, ásamt skólasystrum við útskrift
úr menntaskóla.