Vera - 01.10.2004, Side 3

/ LEIÐARI /
REYKJAVÍKURLISTINN
fyrir að ráða Steinunni Valdísi Óskarsdóttur sem
borgarstjóra Reykjavíkur til loka kjörtímabilsins.
Steinunn hefur tvímælalaust mestu reynsluna innan
borgarstjórnarhópsins og er sannarlega góður kost-
ur í embættið. Til hamingju, Steinunn!
16 DAGA ÁTAK GEGN KYNBUNDNU OFBELDI
sem stendur frá 25. nóvember til 10. desember.
Sannarlega verðugt að safna svo mörgum samtök-
um saman til að minna á málefnið og vinna að því að
fræða fólk um orsakir þess og afleiðingar.
KARLAR TIL ÁBYRGÐAR
stuðningur við karla sem hafa beitt konur sínar of-
beldi þar sem þeir hjálpa sér sjálfir og hver öðrum til
að taka ábyrgð á gerðum sínum. Verkefnið var í
gangi fyrir nokkrum árum með góðum árangri og nú
er unnið að því að það verði sett í gang aftur. Von-
andi tekst það.
DÓMSKERFIÐ
sem hvað eftir annað hefur sýnt að það virkar ekki
rétt þegar kemur að kynferðisbrotamálum eða
brotum sem hafa átt sér stað inni á heimilum. Er þar
skemmst að minnast niðurstöðu Héraðsdóms
Reykjaness þar sem manninum var talið það til tekna
að konan hefði reitt hann til reiði.
HLUTUR KVENNA í STJÓRNUM
fyrirtækja sem er mun minni hér á landi en á öðrum
Norðurlöndum.samkvæmt nýlegri könnun Nordic
500. Fleiri konur í stjórnum fyrirtækja er ekki aðeins
talin pólitísk rétthugsun heldur nauðsynleg ráðstöfun
til að auka hagnað fyrirtækja því þar getur fjölbreytni
skipt sköpum.
MENNTASKÓLINN í REYKJAVÍK
sem efndi til lagasamkeppni vegna árshátíðar sinnar
og valdi lag með texta þar sem óheyrileg kvenfyrirlit-
ining veður uppi. Krakkarnir í skólanum fá mínus fyr-
ir að velja þetta lag og stjórn nemendafélagsins fyrir
að hafa ekki kjark til að hafna laginu og koma í veg
fyrir að það væri sett á netið.
Við ráðum hvernig við
hugsum
Jólin nálgast og bjóða okkur friðarboðskap sinn,
hvort sem við viljum þiggja hann eða ekki. Við vit-
um um allt áreitið sem dynur á okkur í desember
en það er í okkar valdi að verjast því - ef við viljum
það. Það er sagt að jólin búi innra með okkur en
ekki í öllum ytri glæsileikanum sem okkur er boðið
að taka þátt í. Til þess að finna jólin hið innra verð-
um við líka að vera í góðu sambandi við sjálf okk-
ur, vita hvernig okkur líður og hvað færir okkur
mesta hamingju. Ekki trúa því að við getum keypt
hamingjuna með greiðslukortinu, það kemur að
skuldadögum í byrjun febrúar.
Það er líklega svipað sem verður að gerast innra
með okkur ef við ætlum að breyta heiminum til
hins betra og sporna gegn eyðileggjandi hugsun-
arhætti ofbeldis og valdafíknar sem er hluti af
karllægri hugsun heimsins. Guðrún M. Guð-
mundsdóttir mannfræðingur hefur reynt að
skyggnast að baki hugmyndafræði karlmennsk-
unnar og segir frá athugunum sínum í viðtali í
blaðinu. Hugmyndir um karlmennsku og kvenleika
eru samofnar hugsunum okkar og hafa mikil áhrif
á hegðun okkar og framkomu. Það er því athyglis-
vert að fólkið sem við báðum að svara því hvað
því finnist vera karlmennska og kvenleiki hefur
aðrar hugmyndir um það - vill frekar að sammann-
legir eiginleikar móti bæði kynin.
Þau viðhorf auka bjartsýni á að með tímanum
verði hægt að snúa af braut hinnar forræðislegu
karlmennsku sem stjórnað hefur heiminum fram
að þessu og gerir enn - ekki eru mörg merki um að
valdamenn heimsins vilji snúa af þeirri braut. En ef
við erum nógu mörg í andófinu getum við breytt
heiminum. Það er bráðnauðsynlegt að við berum
ábyrð á hugsunum okkar en látum ekki stjórnast
af hugmyndafræði sem okkur líkar ekki. Nýlega
kom fram ákaflega sorglegt dæmi um slíkt ábyrgð-
arleysi. Það var hjá ungum mönnum í stjórn nem-
endafélags Menntaskólans í Reykjavík sem vildu
ekki „sýna forræðishyggju” og koma í veg fyrir að
árshátíðarlag væri birt á vef skólans, en í texta
lagsins kemur fram botnlaus kvenfyrirlitning af
verstu sort. Svar drengjanna við gagnrýni var að
textinn væri „eðlileg afurð þess samfélags sem við
búum í.” Það er kannski eitthvað til í því - en verð-
um við ekki að reyna að sporna gegn slíkum
óhugnaði og sýna ábyrgð? Við ráðum sjálf hvernig
við hugsum. Við getum fundið jólin innra með okk-
ur ef við viljum, í stað þess að stjórnast af „kröfum
samfélagsins” um þau.
frvrt&Ó £f>f
vera / 5. tbl. / 2004 / 3