Almanak Hins íslenska þjóðvinafélags - 01.01.1918, Blaðsíða 159
Óbilnndi kjarkur.
Cyrus Fjeld var fæddur í Bandafylkjunum 1819.
Arf fékk hann lítinn, en fyrir framúrskarandi dugnad
og heppni varð hann brátt einn af hinum stóru auð-
mönnum Ameriku.
Pegar auðæfin fóru að lirúgast að honum, kom
honum í hug, að gagnlegt væri, og líka mögulegt, að
leggja síma yfir Atlantshafið milli Ameríku og Eng-
lands. Hann byrjaði á pví að leggja síma frá New
York til St. John í Nýfundnalandi nálægt 250 mílur,
en verkið var ekki auðvelt, pví þar þurfti að leggja
þráðinn gegnum þéttvaxna frumskóga yfir 100 mílur.
En þegar því verki var lokið, að koma þræðinum
til sjávar, var þegar byrjað (1857) að Ieggja sæsím-
ann. En þegar búið var að leggja nokkrar mílur
austur í haf, lenti þráðurinn í skrúfu skipsins og
slitnaði um Ieið. Svo var byrjað á nýjan leik, en
þegar komið var 50 mílur frá landi, hætti rafmagns-
straumurinn. Ætlaði Fjeld þá, sem var með skipinu,
að láta höggva á þráðinn, en í því byrjaði rafmagns-
straumurinn aftur á jafnóskiljanlegan hátt eins og
hann hvarf. En næstu nótt slitnaði þráðurinn aftur
í ofviðri, svo að hætta varð í það skifti. Ekki lét Fjeld
það aftra sér frá að byrja enn þá. Hann keypti 400
mílna þráð og nýja vél í skipið, sem hentugri var til
símalagningar. Hann byrjaði á því að slæða upp
símaendann sem áður slitnaði, og fann hann, þó
hafdýpið væri mikið, setti hann svo endann við hinn
nýkeypta þráð. Þrisvar slitnaði þráðurinn meðan lagt
var yfir þessar 400 mílur, endarnir náðust aftur og
voru tengdir saman. Pegar síminn slitnaði i fjórða
sinn, mistu forgöngumennirnir og almenningur traust
til þess, að mögulegt væri að framkvæma verkið.
Fjeld var sá eini, sem enn þá var ótrauður, hann
hæði safnaði fé og lagði sjálfur mikið til, til nýrra
tilrauna. Hann keypti nú sterkara þráð og byrjaði á
(105)