Almanak Hins íslenska þjóðvinafélags - 01.01.1939, Side 87

Úr sögu læknisfræðinnar.
Sjúkrahús 293 f. Kr. Árið 293 f. Ivr. er mælt, aS
skæð sótt hafi brotizt út í Rómaborg. Guðir Rómverja
reyndust áhrifalausir, og var tekið til bragðs að
gera út sendiboða til Grikkja til þess að fá að láni
guð hjá þeim. Fyrir hann var reist musteri, must-
eri Æskulaps. Lengi framan af leituðu sjúkir menn
musterins til að dýrka þenna lækningaguð. En árið
41 e. Kr. breytti Claudius keisari musterinu í
hæli fyrir fátæka sjúklinga. Musterið varð þannig
ófullkominn vísir til sjúkrahúss. Eftir því sem veldi
Rómverja breiddist meira út og náði yfir stærra
svæði, voru fleiri sjúkrahús reist á viðeigandi stöð-
um. Þegar kristindómurinn hafði náð fótfestu, stofn-
aði Fabiola sjúkrahús. Veitti hún þar fátækum sjúk-
lingum ókeypis vist og aðhlynningu, og var nú farið
að kalla slíkt kristilega skyldu. Þessi fyrstu sjúkra-
hiis voru venjulega óþrifahreysi, þar sem sjúkling-
arnir lágu lítt hirtir i hálmi á gólfunum, og ægði
þar öllum sjúkdómum saman.
Sóttvarnir 1348 e. Kr. Guy de Chauliac, frægur
franskur læknir á miðöldunum, skrifar á þessa leið
um Svarta dauðann: „Margir voru i óvissu um or-
sakirnar til hins mikla mannfellis. Sums staðar
trúðu menn þvi, að Gyðingarnir eitruðu veröld-
ina, og drápu þá. Annars staðar var skuldinni skellt
á vanskapaða vesalinga, og hröktu menn þá af hönd-
um sér. Loks höfðu menu verði um borgir og þorp
og leyfðu engum aðgang, er ekki voru að góðu
kunnir ..Þetta skeði 1348 e. Kr. og er talið,
að verið hafi hinar fyrstu sóttvarnir. Árið 1383
var sjófarendum á skipum, sem grunuð voru um að
flytja með sér pest, haldið í 40 daga á höfninni í
M&rseille, áður en þeim var leyft að ganga á land.
Sóttkvíun heitir enn i dag á útlendum málum
Karantæne, Quarantine o. s. frv., og þýðir 40, sem
(81)