Ársrit Nemendasambands Laugaskóla - 01.01.1933, Qupperneq 13
11
mynd er hlíðin, er við gengum með, og ég held að það
sé leit Einars, þrá hans og draumur, sem við sjáum
þar bæði á flugi og stökki. Annars er það skemmst af
að segja, að það var eins og hver myndin hans Einars
af annari kæmi á móti mér undir eins og Galtafellið
nálgaðist. Myndina af tröllinu í Dögun getur skyggn
maður séð í fellinu, þursabergiö og stuðlarnir, sem
koma aftur og aftur í myndum hans, einkenna Galta-
fellið fremur öllu öðru — og eins og í myndunum
hans: þursabergið liggur yfir stuðlunum. Svo tákn-
ræn sem málverkin hans eru, má þó segja, að flest
þeirra séu frá Galtafelli a. m. k. öðrum þræði. i Braut-
ryðjandanum sér upp til Galtans, á Dauðastundinni
sér niður frá bænum og fjallinu, Fimbulvetur sýnir
hamarinn upp frá beitarhúsunum og Leit hlíðina frá
beitarhúsunum heim. Vordraumur og Lofgjörðin
fyrsta eru draumar um fellið, draumar sem breyta
virkileikanum hæfilega mikið til þess að vera draum-
ar. Og í höggmyndunum gægist þetta sama svo víöa
fram, jafnvel á ólíklegustu stöðum eins og í Fæðing
Psykes. Skemmtilegast er það á myndinni Jólaengill-
inn, þar sem Galtafellið er eins og felumynd. Aftur
er fellið skýrara en talsvert ummyndað í myndinni af
Einbúanum i Atlantshafi.
Mér fannst ég skilja það svo vel, þegar ég gekk með
Einari inn með hlíðinni á Galtafellinu, hvernig mikl-
ir menn vaxa upp. Næmleiki þeirra fær sína fyrstu
næringu í aðbúðinni og í náttúrunni, þar sem þeir
lifa og leika sér börn, og skilningurinn og hugarflug-
ið hefst með fyrstu æfintýrunum, sem hlýtt er á viö
móður- eða föðurkné. Þessi fyrsta uppspretta má
aldrei stíflast. Hver mikill listamaður og hver sannur
maður verður að vera upphafi sínu trúr, því að vera
frumlegur er hið sama og vera upprunalegur. Frum-