Ársrit Nemendasambands Laugaskóla - 01.01.1933, Qupperneq 25

23
daga Grundtvigs og Kolds. — Trier var Gyðingur,
ákafur í lund, mælskur og hrífan'di, og einhver sér-
kennilegasti maður innan sinnar stéttar. Hann stofn-
aði skólann í Vallekilde, sem nú er einn af stærstu
lýðháskólum Dana. Kringum skólana í Askov og Val-
lekilde hafa vaxið upp allstór þorp, og svo er um fleiri
skóla. Minnir það á klausturbæi miðaldanna.
Ég hef á öðrum stað lýst nokkuð skólanum í Askov.
Lýsing á starfsháttum lýðháskólanna í heild mundi að
miklu leyti verða endurtekning þeirrar lýsingar. Og
stefna Kolds sýnir meginstefnu skólanna og þann
grunntón, sem þar var. Þótt þeir breyttust smátt og
smátt, eftir því sem tímar liðu og þarfirnar urðu aðr-
ar, var frumneistanum aldrei gleymt. Það veldur þelm
sérblæ, sem er á fræðslunni. Þess skal hér aðeins get-
ið, að lýðháskólarnir skoða það sem sitt aðalhlutverk
að glæða sálaidíf nemendanna, og taka til meðferðar
allt það mannlega, allt það, sem mætir mönnum í dag-
legu lífi, og í sambúð við aðra menn. Kennarinn á að
ná til nemendanna með persónuleg áhrif. Þetta þótti
bezt nást með fyrirlestrum, þar sem efni og efnismeð-
ferð var sem frjálsast. En ýmsir þóttust þó ekki kom-
ast nógu nærri nemendunum á þann hátt, og því eru
víða teknar upp samtalsstundir, þar sem kennari og
nemendur tala saman um ýms efni, t. d. kafla úr les-
bók þeirri, sem notuð er við kennslu í móðurmálinu.
Þá geta nemendurnir lagt fram spurningar um hvað
sem er, sem kennarinn svo svarar eftir föngum, og
umræður geta orðið um. Þykjast margir kennarar ná
góðum árangri af þessum timum.
Ekki get ég um þetta dæmt af eigin reynslu, þvi
þessi aðferð tíðkaðist ekki um það bil, sem ég var
skólunum kunnugastur. Sjálfsagt hefir hún sina
kosti. En líklegt þykir mér að hún sé sérstaklega