Ársrit Nemendasambands Laugaskóla - 01.01.1933, Side 58

56
Þessi nýja list hefur jafnvel náð inn í grafirnar í
E1 Amarna. Allar myndirnar þar eiga að vera til lof-
gerðar hinum nýja sið og konunginum og fjölslcyldu
hans. í eldri list var konungurinn oftast sýndur eins
og hálfguð, yfir sigruðum övinum, eða sitjandi hátíð-
lega í hásæti sínu. Sú list er borin uppi af sinni föstu
ró og einfaldleikanum í því hátíðlega. En E1 Amarna
listin stendur okkur nútímamönnum miklu nær. Þar
sjáum við konunginn sjálfan fyrst og fremst sem
mann. Þegar hann stendur í vagninum sínum, sem
eldfjörugir folar eru spenntir fyrir, er drottningin og
lítil dóttir þeirra með. Dótturinni litlu hefur verið trú-
að fyrir örvamæli föður síns, en drottningin gefur
honum koss í algleymisfögnuði. — Alltaf er Eehnaton
með drottninguna og dæturnar þeirra umhverfis
sig. Það er ef til vill í því eitthvað af yfirlæti yfir
hamingju heimilislífsins, en ef til vill er hann líka
með því að gefa ofurlítinn geisla af eigin hamingju.
Á einni myndinni sitja þau, hann og drottningin, og
leika við tvær litlar dætur sínar. Konungur lyftir
annari upp að vörum sínum, en drottningin situr með
hina í kjöltunni. Og í einni gröfinni er mynd af kóngi
og drottningu, þar sem þau sitja til borðs, og drekka
úr gullbikurum, en dætur þeirra gæða sér á ávöxtum
úr skál á borði, sem er skrýtt blómum. Og svona mætti
lengi telja. Flestar myndirnar eiga aö sýna innilega,
sanna gleði, og ást á heimili. Og lotning fyrir þeim
guði, er sólina hefur skapað, á að vera í baksýninni
eins og dýrðlegar hillingar.
En þessar myndir hafa líka raunsæan blæ. Mynd-
irnar af konunginum virðast ekkert vera fegraðar,
heldur eiga þær fyrst og fremst að vera honum líkar.
Þó virðist stundum, að fært sé í öfgar, það sem ein-
kennilegast hefur þótt við hann, löng hakan og hvað