Ársrit Nemendasambands Laugaskóla - 01.01.1933, Qupperneq 80

jónsson, er verið hafði skólastjóri á Laugum (til Rvík-
ur) og Helga Kristjánsdóttir kona hans, og til Rvíkur
fór líka Katrín Kristjánsdóttir, er verið hefur hús-
móðir skólans hin síðari ár. Tjöld hafði flokkurinn
með sér og nesti til fararinnar. Farið var í tveimur
yfirbyggðum vörubílum, er þeir áttu Illugi og Har-
aldur, og sátu þeir við stýrið því nær alla leiðina.
Fjármál flokksins annaðist Geir Ásmundsson. Ungu
stúlkurnar höfðu matreiðsluna á hendi, en kosið var
»matarráð« til aðstoðar þeim.
Ferðinni var fyrst og fremst heitið til Rvíkur. Þar
ætluðu knattspyrnumennirnir að reyna sig við það fé-
lag, er þeir hugðu bezta knattspyrnufélag landsins,
Knattspyrnufélag Reykjavíkur, og þangað ætluðu leik-
fimismennirnir að sækja sinn dóm. En svo átti að
koma við á ýmsum stööum á annari hvorri leiðinni og
sýna leikfimi og þreyta knattspyrnu, t. d. Akureyri,
Sauðárkróki, Blönduósi, Hvammstanga, Haukada! í
Biskupstungum og ef til vill víðar, ef vel gengi. Enn-
fremur var það annað erindið, að sjá landið sem víð-
ast, njóta fegurðar þess í vordýrðinni rétt um Jóns-
messuleytið.
Því fer alls fjarri, að hægt sé að segja að ferðin hafi
gengiö að óskum. Flokkurinn var óheppinn með veður.
Þó naut hann sólskins og veðurblíðu í Borgai’firði á
suðurleið og enn meira sólskins og blíðu fyrir austan
fjallið, á Suðurlandsundirlendinu. Víst voru það mikil
vonbrigði, að algerlega hafði misfarizt að boða til sýn-
ingar og samkomu í Haukadal, en mikils var lílca not-
ið: að sjá ölfus og Grímsnes, Laugardal, Tungur og að
síðustu Þingvöll í blikandi sólbaði. Og það var líka
ánægjulegt að mæta slíkum viðtökum, sem flokkurinn
mætti þar í sveitunum öllum sunnanlands, bæði að
hlýhug og risnu. Það var ánægjulegt að koma í Hauka-