Ársrit Nemendasambands Laugaskóla - 01.01.1933, Side 81

70
dal þrátt fyrir öll mistökin, það var ánægjulegt að
koma að Gullfossi, að Spóastöðum, og þá ekki sízt ac
Laugarvatni! í Reykjavík voru hinsvegar látlausar
rigningar. íþróttamönnunum var því tómlega tekið úti
á vellinum. Þegar knattspyrnumennirnir kepptu við
K. R., kom ekki nema sárfátt áhorfenda, enda munu
fáir hafa búizt við frækilegum leik. En við leikinn
máttu Laugamenn una. Þeir töpuðu að vísu, K. R.
vann með 2:1. En ekki var hægt að sjá, að verulega
hallaði á. K. R.-mennirnir höfðu betri samleik og meiri
lipurð og þeirra menn voru jafnvígari. En sem ein-
staklingar voru Laugamenn margir hvorir öllu vask-
ari. Enginn K. R.-ingur lék með jafn miklu fjöri og
öryggi og t. d. Sverrir Guðmundsson. Eftir því scm
á leikinn leið, unnu Laugamenn meiri hylli áhorfenda,
og þó að fáir ætluðu þeim sigur í upphafi, virtist svo
að flestir óskuðu þeim sigurs eða a. m. k. jafns ieiks,
er leið að lokum. Með ofurlítið meiri æfingu og ofur-
lítið meiri gæfu mátti það líka vel takast. Aftur tókst
leikur við Val kvöldið eftir mjög illa. Líklega hefur
þreytu verið um að kenna að nokkru leyti. En inestu
hefur líklega ráðið, aö leikurinn fór ógæfulega af
stað, trúin á sigur og trúin á samherjana fór út í
veðrið og vindinn, sem algerlega lagðist móti Lauga-
mönnum. Valur hafði unnið K. R. við síðustu keppni
félaganna í Rvík og var því talinn enn betra félag,
þó að kappleikir, er síðar hafa verið háðir, hafi sýnt
hið gagnstæða. Hvað sem valdið hefur, þá er víst, að
Laugamenn brast bæði nauðsynlegt rólyndi og sam-
ieik í leiknum móti Val og töpuðu algerlega. Tíafði
Valur 9 mörk en Laugamenn aðeins 1.
Annars keppti knattspyrnuflokkurinn tvisvar á
Hvammstanga við beztu knattspyrnumenn Vestur-
Húnvetninga og vann í bæði skiftin (með 4:0 og 8: 0),