Ársrit Nemendasambands Laugaskóla - 01.01.1933, Qupperneq 120

118
Virtist eftirtekt þeirra og athygli glæðast mjög við
þessar athuganir.
Laugaskóli á allgott eggjasafn, og fengu börnin að
sjá það, en ekki vannst tími til að láta þau þekkja
nema nokkurn hluta þess.
Margt var börnunum sagt úr lífi og háttum dýra.
— Voru einkum notaðar til þess stundir á kvöldin.
Skorti þá ekki góða áheyrn.
Tvær skemmtiferðir og námsferðir voru farnar
lengra burt. — Fyrri ferðin var farin til Mývatns-
sveitar. Komið var í Slútnes, Dimmuborgir og Skútu-
staði. Síðari ferðin var farin til Húsavíkur. Farið var
upp að Laxá hjá Brúum og skoðaðir fagrir og sér-
kennilegir staðir í Aðaldalshrauni.
Margvíslegan fróðleik öðluðust börnin í þessum
ferðum, bæði um landslag og náttúrufar héraðanna,
og um nafnkunna menn þar.
— Leitast var við að láta börnin njóta reglulegs
svefns og hvíldar eftir vild þeirra og þörfum svo sem
framast var unnt.
Fæði og aðbúnaður var í bezta lagi. Og verður ekki
oflofuð né ofþökkuð hlýja og nærgætin umhyggja
heimilisfólksins á Laugum í allri aðbúð og framkomu
við börnin.
Öll voru börnin vigtuð við komu og burtför og
reyndust þau að hafa þyngst um iy2—2*4 kg. hvert.
Tvennan aðaltilgang átti námskeið þetta að haía.
Að veita börnunum holl og góö skilyrði til líkmlegs
vaxtar og þroska. Skyldi sundnám og íþróttaiðkanir
stuðla að því. í öðru lagi átti til andlegs þroska cg
auðgunar að veita í faðmi gróandi náttúru nokkra ó-
þvingaða fræðslu, er mest væri fengin við eigin
reynzlu og athugun. Að því miðuðu námsferðirnar og
frásagnir úr lífi dýranna.