Freyr - 01.06.2005, Blaðsíða 19

SVÍNARÆKT
Geir Gunnar Geirsson, framkvæmdastjóri Stjörnugríss: „Það er stór partur af sjálfstæði okkar sem þjóðar að framleiða eigin matvæli og
vera sjálfum okkur næg."
FÓÐURSTÖÐIN
í upphafi var ákveðið að byggja myndarlega
fóðurstöð á Melum en fyrir því voru ýmsar
ástæður að sögn Geirs Gunnars. Helstu
kostir við heimablöndun felast í ódýrara
fóðri og því öryggi að vita nákvæmlega
hvers konar fóður er verið að gefa hverju
sinni. „Fóðurstöðin er hjarta búsins og það
eru gömul sannindi og ný að grísirnir eru
það sem þeir éta. Búnaðurinn gerir okkur
kleift að blanda okkar eigið fóður eftir eig-
in uppskriftum. Við erum með mörg síló
undir hráefni og nokkrar gerðir af vítamín-
um sem við notum eftir þörfum. Þetta gef-
ur okkur mikinn sveigjanleika, við breytum
blöndum með skömmum fyrirvara, aukum
við vítamín ef þarf eða bætum við nýjum
hráefnum. Fóðurgerðin fer líka eftir hag-
kvæmni í innkaupum að hluta til en gott er
að geta víxlað sambærilegum korntegund-
um við verðbreytingar á tegundum. Einnig
getum við tekið inn í fóðurstöðina stóra
farma sem eykur hagkvæmni í innkaupum.
Öryggi við eigin fóðurstöð felst svo ekki síst
í því að hér getum við verið með birgðir af
fóðri ef eitthvað kemur upp á hjá innflytj-
endum. Helsti ókosturinn er sá að bygging-
arkostnaður er hár en ég tel það hafa verið
rétta ákvörðun að spara ekki um of rými til
fóðurgerðar. Búnaðurinn sjálfur er ekki svo
dýr og við teljum að þetta borgi sig þegar til
lengdar lætur. Við tökum um 400 tonn af
hráefnum í stöðina en ráðum við mun
meira."
Stór hluti af rekstri Stjörnugríss er
sláturhúsið í Saltvík á Kjalarnesi
sem sérhæfir sig í svínaslátrun. Þar
er slátrað fyrir búið á Melum,
Bjarnastaði og Sléttusvín. Húsið
þjónustar einnig svínabúið í Braut-
arholti og Vatnsleysubúið. í Saltvík
er slátrað um 40 þúsund grísum á
ári en húsið var byggt árið 1999
og hefur verið stækkað og betr-
umbætt síðan. Þar fer fram úrbein-
ing og grófpartasala. Stjörnugrís
hefur nýlega dregið sig út úr full-
vinnslu með því að selja hlut sinn í
Ferskum kjötvörum. Að sögn Geirs
Gunnars framkvæmdastjóra vildi
fyrirtækið með því einbeita sér að
því sem það teldi sig best í, þ.e.
uppeldi og slátrun. Hann bendir á
að það sé einnig kostur að vera
hlutlaus gagnvart öðrum kjöt-
vinnslu en afurðirnar séu nú
seldar á opnum markaði.
GETA SVÍNABÆNDUR
RÆKTAÐ EIGIÐ KORN?
I umræðu um kornrækt á Islandi hefur ver-
ið minnst á mikla kornnotkun á svínabúum
og hvort í því felist möguleikar fyrir íslenska
kornbændur. Geir Gunnar segir að það fari
tvennum sögum af gæðum íslenska korns-
ins og hvort það sé heppilegt í svínafóður-
blöndur en það sem þeir hafi reynt gefi
góða raun. „Þetta þurfum við að skoða bet-
ur en ef íslenskt korn er á sambærilegu
verði við erlent þá er ekki spurning að við
eigum að rækta það sjálfir. Það hefur lengi
blundað í okkur að fara út ( byggrækt, ekki
síst til að nýta allt það land sem við eigum
ásamt því að nýta búfjáráburðinn sem til
fellur. Margir horfa á skítinn sem óþægilega
mengun en ég vil fremur ííta á hann sem
verðmæti. Hann er vel samsettur næringar-
lega séð fyrir gróður. Ef við getum nýtt skít-
inn sem áburð í kornrækt myndum við ná
þessum verðmætum fram. í dag erum við
að dreifa skít reglulega en hann er plægður
niður í móa og mela. Þannig nýtum við ekki
beinlínis þá orku og næringu sem er í skítn-
um."
Það má taka fram í þessu samhengi að á
Melum er skítnum safnað saman í 6 þúsund
tonna tank sem stendur nokkru fyrir neðan
svínabúið. Tankurinn rúmar u.þ.b. hálfs árs
úrgang af svínabúinu en hann er tæmdur á
vissum árstímum. Þá er skítnum dreift eða
hann plægður niður í jarðveg eins og áður
sagði.
FREYR 06 2005
19