Árbók VFÍ/TFÍ - 01.06.2001, Blaðsíða 220
218 Árbók VFÍ/TFÍ 2000/2001
170 þúsund manna þjónustusvæði
Þjónustusvæði veitnanna gömlu voru misjafnlega stór og eru að mestu sagnfræðilegar
skýringará því. Orkuvcitan sér Reykvíkingum, Mosfellingum, Seltirningum, Kópavogsbúum
og hluta Garðbæinga fyrir rafmagni. Samtals búa á þessu svæði um 153 þúsund manns. Með
liitaveitu þjónar Orkuveitan Reykvíkingum, Kópavogsbúum, Garðbæingum, Hafnfirðingum
og Alftnesingum beint og selur heitt vatn í heildsölu til Hitaveitu Mosfellsbæjar. A veitu-
svæði hitaveitu búa 164 þúsund manns (auk Mosfellsbæinga). Með vatnsveitu þjónar
Orkuveitan Reykvíkingum beint og selur í heildsölu vatn til vatnsveitna í Mosfellsbæ, á
Seltjarnarnesi og Kópavogi. Nýlega hafa svo bæst við ný svæði, Hitaveita Þorlákshafnar
sameinaðist Orkuveitunni vorið 2000, verið er að leggja hitaveitu í Grímsnes- og
Grafningshreppi og fyrir liggur samkomulag um sameiningu Akranessveitna við Orku-
veituna.
Tryggir alltaf viðbótarrafmagn
Rafveitan var um síðustu áramót tengd 27.158 húsum og voru í þeim 78.277 húsveitur.
Orkusala var 807 GWh, svo meðalviðskiptavinur notaði 10,3 MWh.
A síðasta ári var afltoppur inn á dreifikerfí Orkuveitunnar 156,5 MW og heildarorka inn
á dreifikerfi 850,5 GWh. Var aukning frá árinu 1999 i orku inn á dreifikerfi 6,8% og i afli
4,8%. Þetta er mikil aukning miðað við undanfarin ár.
Ef frá er talin framleiðsla í Elliðaárstöð hefur Orkuveitan keypt alla raforku frá
Landsvirkjun frá stofnun hennar. Þann 1. mars sl. gekk í gildi nýr samningur milli
Orkuveitunnar og Landsvirkjunar. Þar er skilgreint það rafmagn, afl og orka, sem keypt er
af Landsvirkjun og Orkuveitan verður að sjálf að tryggja sér viðbótarrafmagn, annaðhvort
með eigin virkjunum eða nýjum samningum við framleiðendur. Nú er farið að nýta rafmagn
frá Nesjavallavirkjun inn á dreifikerfi Orkuveitunnar.
Nauðsyn nýrra virkjana
Hitaveitan var um síðustu áramót tengd 28.489 húsum og í þeim voru 37.299 húsveitur.
Vatnsframleiðsla var 63,5 milljón rúmmetrar, svo meðalviðskiptavinur notaði 1700 rúm-
metra á ári. Afltoppur í hitaveitu er háður veðráttu og á því sviði er ekki eins jafn vöxtur eins
og fyrir rafmagn. Lághitasvæðin í Reykjavík og Mosfellsbæ gefa um 11.000 rúmmetra á
klst. og eru fúllnýtt, svo aukningu næstu ára verður að mæta með aukinni framleiðslu í
Nesjavallavirkjun. Eftir að Nesjavallavirkjun er komin í full afköst verða að koma inn nýjar
virkjanir.
Líkindareikningur sýnir að mögulegt álag á hitaveitu Orkuveitunnar næsta vetur gæti
orðið 14.600 rúmmetrar á klst., líklegt álag reiknast 13800 rúmmetrar á klst. Til saman-
burðar voru ekki slæm kuldaköst síðasta vetur og raunverulegt hámarksálag um 12.400 rúm-
metrar á klst.