Fréttablaðið - 10.11.2012, Page 95

LAUGARDAGUR 10. nóvember 2012
Skrípó er nýtt borðspil sem
inniheldur 150 teikningar
eftir nokkra færustu skop-
teiknara Íslands. Spilið er
eftir höfunda Fimbulfambs
og er ætlað allri fjölskyld-
unni.
Skrípó er nýtt borðspil eftir höf-
unda Fimbulfambs og er ætlað
allri fjölskyldunni. Spilið inni-
heldur um 150 skopteikningar eftir
Hugleik Dagsson, Halldór Baldurs-
son, Lóu Hlín Hjálmtýsdóttur og
Sigmúnd og eiga þátttakendur að
semja brandara við teikningarnar.
Spilið er samið af bræðrunum
Kjartani Erni og Ragnari Helga
Ólafssonum, en þeir einnig höfund-
ar hins vinsæla spils Fimbulfamb.
„Þetta er gömul hugmynd í
grunninn; að skapa myndatexta
við mynd. Spilið gengur ekki út á að
keppa í þekkingu, heldur að virkja
sköpunargleðina. Í þau skipti sem
við prófuðum spilið kom það oft á
óvart hverjir áttu fyndnustu skýr-
ingarnar. Ömmur hafa til dæmis
slegið í gegn og yngstu börnin
eru sömuleiðis stórkostlega hug-
myndarík og skemmtileg,“ útskýrir
Ragnar Helgi.
Teikningarnar í spilinu eru um
150 talsins og eru eftir nokkra fær-
ustu skopmyndateiknara landsins.
Að sögn Ragnars Helga fór mikil
vinna í að velja þær myndir sem
þóttu henta best í spilið.
„Það var skemmtileg vinna en
ansi drjúg að fara í gegnum öll
þessi verk og finna myndir sem
voru nógu opnar til að vera gott
hráefni í spilið. Við vildum ekki
hafa pólitískar myndir með enda
er pólitík leiðinleg og óþarfi að
draga hana inn í skemmtilegt spil.
Þannig standa líka allir spilararnir
jafnfætis.“
Ragnar Helgi segir þá bræður
líta meira á sig sem ritstjóra Skrípó
en höfunda í venjulegum skilningi
þess orðs og tekur fram að raun-
verulegir höfundar spilsins séu
skopteiknararnir. En hvað fékk þá
bræður til að setjast niður og semja
spil?
„Við teflum ekki og spilum ekki
golf, þetta er því aukavinna sem
gott er að grípa til þegar við bræð-
urnir hittumst. Þetta kemur líka til
af því við hittumst alltaf á jólunum
og spilum með stórfjölskyldunni og
þá vakna þessar pælingar,“ segir
Ragnar að lokum.
Skrípó fæst í öllum helstu bóka-
búðum og stórverslunum.
sara@frettabladid.is
Ömmur slá í gegn í Skrípó
SKEMMTUN FYRIR ALLA
Skrípó er nýtt fjölskylduspil sem
inniheldur teikningar eftir nokkra
færustu skopteiknara landsins. Hér má
sjá myndir úr spilinu.