Fréttablaðið - 10.11.2012, Síða 110

10. nóvember 2012 LAUGARDAGUR78
PERSÓNAN
„Ég get fullyrt að á næsta ári verð-
ur uppgangur í útgáfu á íslensk-
um erótískum bókmenntum,“
segir Egill Örn Jóhannsson, fram-
kvæmdastjóri Forlagsins, þegar
hann er inntur eftir því hvort
íslenskir höfundur séu að stökkva
á erótísku bókmenntabylgjuna líkt
og kollegar þeirra úti í heimi.
Í kjölfar mikilla vinsælda bókar-
innar Fimmtíu gráir skuggar eftir
bandaríska höfundinn E.L. James
hefur orðið mikil fjölgun í útgáfu
á skáldsögum sem falla í flokkinn
erótískar bókmenntir. Egill Örn
segir íslenska höfunda ekki ætla
að láta sitt eftir liggja.
„Ég get ekki neitað því að hér
hafa komið margar hugmyndir og
drög að handritum í þessu veru,
sem sagt erótísk handrit og hug-
myndir,“ segir Egill og staðfest-
ir að þetta sé afleiðing vinsælda-
skáldsagnanna um Christian Grey.
„Þessi handrit og hugmyndir
sem eru að berast okkur koma frá
nýjum höfundum, höfundum sem
hafa gefið út áður og svo höfund-
um sem vilja skrifa og koma fram
undir dulnefni.“
Guðrún Vi lmundardóttir,
útgáfustjóri hjá Bjarti, segir þau
þar ekki verða vör við fjölgun á
innsendum erótískum handritum.
„Ég vil samt meina að rithöfund-
urinn Bergsveinn Birgisson hafi
verið leiðandi í þessum flokki með
bókinni Svar við bréfi Helgu, sem
kom út 2010. Í síðustu viku seld-
ist Svar við bréfi Helgu til dæmis
betur en Fimmtíu gráir skuggar í
Noregi. Bækur E.L James röðuðu
sér svo í sætin fyrir neðan Berg-
svein, en þessar bækur komu út
á svipuðum tíma þar í landi. Svo
var það danskur gagnrýnandi sem
benti á að þeir sem vildu alvöru
erótík ættu að snúa sér að Svar
við bréfi Helgu fremur en Fimm-
tíu gráum skuggum.“
alfrun@frettabladid.is
EGILL ÖRN JÓHANNSSON: HEFUR BORIST BÆÐI HANDRIT OG HUGMYNDIR
Erótísk íslensk bókajól 2013
FINNUR FYRIR UPPSVEIFLU Í ERÓTÍK Egill Örn Jóhannsson segir Forlaginu hafa borist
fjöldinn allur af erótískum handritum og hugmyndum frá þekktum sem og nýjum
rithöfundum. FRÉTTABLAÐIÐ/ANTON
■ Í apríl 2012 var höfundurinn, E.L.
James, útnefnd sem ein af 100
áhrifamestu einstaklingum í heimi
af Time.
■ Bókin hefur selst í yfir 60 milljónum
eintaka úti um allan heim.
■ 37 lönd tryggt sér útgáfuréttinn.
■ Fimmtíu gráir skuggar sló met Harry
Potter-bókanna þegar kiljan seldist
upp á mettíma.
■ Framleiðslufyrirtækið Universal
Pictures í samvinnu við Focus
Features tryggðu sér kvikmyndarétt-
inn. Handritið er í höndunum á Bret
Easton Ellis sem skrifaði handritið
að American Psycho en Hollywood-
sjarmörinn Ryan Gosling er orð-
aður við annað aðalhlutverkanna,
auðjöfurinn Christian Grey.
VINSÆLDIR FIMMTÍU GRÁRRA SKUGGA Á HEIMSVÍSU
„Þetta er orðið spurning hvort hann fer
yfir fimmtán eða öllu heldur hvort hann
nær tuttugu þúsundum. Það stefnir í það,“
segir Eiður Arnarsson, útgáfustjóri Senu,
um nýjustu plötu Ásgeirs Trausta, Dýrð í
dauðaþögn.
Platan hefur selst í um sjö þúsund ein-
tökum síðan hún kom út í byrjun október
og er því löngu komin yfir gullsölu, sem er
fimm þúsund eintök. „Og það er langt til
jóla enn,“ segir Eiður, hæstánægður með
söluna. Fari svo að Ásgeir Trausti nái tutt-
ugu þúsund eintaka múrnum verður hann
farinn að nálgast Haglél Mugisons óðfluga
en sú plata seldist í um þrjátíu þúsundum
í fyrra.
Auk þess að eiga vinsælustu plötu
landsins á Ásgeir Trausti vinsælasta lagið
samkvæmt Lagalistanum, titillagið Dýrð í
dauðaþögn. Hann er því án efa heitasti tón-
listarmaður landsins um þessar mundir.
Kappinn hefur verið mjög áberandi síðan
þessi fyrsta plata hans kom út. Hann hefur
spilað víða og er meðal annars bókaður
í Háskólabíó 14. desember ásamt Moses
Hightower og á hátíðina Hátt í Höllinni 19.
desember.
Spilamennska hans á Airwaves-hátíðinni
vakti einnig athygli og fengu tónleikar
hans í Hörpunni fullt hús, fimm stjörnur,
hjá gagnrýnanda Fréttablaðsins. Í janúar
heldur Ásgeir Trausti svo til Hollands, þar
sem hann spilar á bransahátíðinni Euro-
sonic. - fb
Ásgeir Trausti stefnir í tuttugu þúsund
VINSÆLL Ásgeir Trausti gæti selt plötu sína í tuttugu þúsund
eintökum að mati Eiðs Arnarssonar. FRÉTTABLAÐIÐ/VALLI
„Ég er mjög spenntur að prufa þetta,“ segir Helgi
Björnsson.
Þrjátíu ára aldurstakmark verður á ball Helga og
Reiðmanna vindanna í Hlégarði í Mosfellsbæ í kvöld.
Þetta er í fyrsta sinn á löngum ferli sem hann syngur
á slíku balli. „Ég hef ekki gert þetta áður en ég hef
fengið fyrirspurnir um þetta hér og þar,“ segir Helgi,
sem hefur oft séð „þrjátíu plús“ uppákomur auglýstar
í Berlín. „Ég er spenntur að vita hvernig allt saman
fer. Það er spurning hvernig sá sem er 29 ára fer að
sem langar á ballið en kemst ekki inn. Þetta er nýr
veruleiki að til dæmis þriggja barna móðir eða faðir
kemst ekki á ball vegna ungs aldurs.“
Aðspurður segist Helgi ekki vita hvers vegna
aldurs takmarkið er svona hátt. „Ef ég dreg mínar
ályktanir þá gengur hægar fyrir okkur að eldast í
dag en fyrir einhverjum árum. Maður átti kannski
að vera kominn í ruggustólinn á mínum aldri. Í dag
vilja allir sprikla eins og unglingar. Kannski vill
fólk um fertugt eða fimmtugt ekki skemmta sér með
þeim sem eru átján ára eða tvítugir. Það vill kannski
ekki hitta börnin eða barnabörnin á ballinu.“
Þetta verður annað opna ball Helga og Reiðmanna
vindanna á árinu. Það fyrra var á Landsmóti hesta-
manna í sumar. - fb
Yngri en 30 ára ekki velkomnir
SPENNTUR Helgi Björnsson segist vera mjög spenntur að spila
fyrir þrjátíu ára og eldri. FRÉTTABLAÐIÐ/GVA
Valgerður Guðsteinsdóttir
Aldur: 27 ára.
Starf: Vinn hjá
Securitas.
Foreldrar:
Steinþór V.
Guðmundsson
tollendurskoð-
andi og Fanney
Jónasdóttir
svæfingarhjúkr-
unarfræðingur.
Fjölskylda:
Gift Halldóri Má Jónssyni.
Búseta: Reykjavík.
Stjörnumerki: Ljón.
Valgerður hlaut gullverðlaun í
ACBC-hnefaleikamótinu sem fram
fór í Gautaborg um síðustu helgi.
Hárgreiðslur, förðun og sushi í dag kl. 14
Theodóra Mjöll kennir greiðslur úr Hárinu
Lækjargata 2a 101 R. sími 5115001 opið 9 - 22 alla daga
Hárið 3.990 kr.
Förðunarhandbókin 2.990 kr.
Einfaldara sushi 2.990 kr.
KEEPING UP WITH THE KARDASHIANS
E! ENTERTAINMENT ER Á STÖÐ 2 FJÖLVARP | FÁÐU ÞÉR ÁSKRIFT Á STOD2.IS