Fréttatíminn - 18.11.2011, Síða 8

Þurfum við nokkuð að
spara orku?
Hvernig er vistvænt skipulag og hvaða
hlutverki þjóna einstakar byggingar í því sam-
hengi? Er vistvænt skipulag ekki framtíðin?
Þurfum við Íslendingar nokkuð að spara orku?
Reynt verður að svara þessum spurningum og
öðrum álíka á opnum fundi Vistbyggðarráðs
um orkunýtnar byggingar í vistvænu skipulagi
í dag, föstudaginn 18. nóvember. Að fundinum
standa tveir af vinnuhópum ráðsins sem
hafa verið að fjalla um orkunýtni vistvænna
bygginga og vistvænt skipulag. Markmiðið er
að koma af stað umræðu um orkuvænar bygg-
ingar og hlutverk þeirra í skipulagi. Fundurinn
hefst klukkan 8.30 og stendur til klukkan 10 og
verður í fyrirlestrarsal Listasafns Reykjavíkur,
Hafnarhúsinu við Tryggvagötu. - jh
Tónleikar Óperukórsins í Langholtskirkju
Óperukórinn í Reykjavík
verður með fjölbreytta
tónleika á morgun,
laugardaginn 19.
nóvember klukkan 18
í Langholtskirkju. Þar
flytur kórinn ásamt
sinfóníuhljómsveit og
tveimur ungum ein-
söngvurum, Karin Björg
Torbjörnsdóttur og
Aroni Axel Cortes, tónlistardagskrá sem samanstendur af íslenskum og sænskum
tónlistarperlum. Þar á meðal er Messa eftir kunnan sænskan tónlistarmann, Robert
Sund. Hann verður viðstaddur þennan frumflutning hér á landi. Við stjórnvölinn er
Garðar Cortes. Einnig verða flutt íslensk kórverk eftir Pál Ísólfsson, Jón Ásgeirsson
og Atla Heimi Sveinsson. Karin Björg og Aron Axel eru bæði við nám í Tónlistarhá-
skólanum í Salzburg og undir stjórn Garðars Cortes. -jh
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík - Reykjanesbæ
Akureyri - Húsavík
Vestmannaeyjum
í Múrbúðinni
VEGLEG VERKFÆRI
DURATOOL
Rafhlöðuborvél 18V
2.990 kr.
NOVA 18V Rafhlöðuborvél
2 hraðar
4.990 kr.
NOVA TWISTER 4,8V
Skrúfvél og skrúfbitar
1.790 kr.
Flísasög 800w,
sagar 52 cm
19.900kr.
Þóra Friðriksdóttir og Guðrún Heimisdóttir. Sprotafyrirtæki þeirra, „Puzzled by Iceland“, keppti um athygli erlendra fjárfesta í
hollenskum sjónvarpsþætti á miðvikudaginn.
 PúslusPil FjárFestar í hollenskum sjónvarPsþætti áhugasamir
Getur skipt sköpum
fyrir sprotafyrirtæki
Puzzled by Iceland, sprotafyrirtæki tveggja íslenskra kvenna, keppti í hollenskum sjónvarpsþætti
og vakti athygli erlendra fjárfesta. Möguleiki er á allt að milljón evra fjárfestingu. Fyrirtækið
býður minjagripi sem byggjast á púsluspilum.
v ið erum mjög ánægðar enda vilja tveir af þeim fimm fjárfestum sem tóku þátt í keppninni ræða frekar
við okkur,“ sagði Guðrún Heimisdóttir
í samtali við Fréttatímann og talaði frá
Rotterdam. Fyrirtæki hennar og Þóru
Friðriksdóttur, Puzzled by Iceland, var
fulltrúi Íslands í viðburðinum „Meet the
Dragons“ í Rotterdam á miðvikudaginn.
Um er að ræða hollenskan sjónvarpsþátt
sem byggður er á sjónvarpsþáttunum
„Dragons Den“ á sjónvarpsstöðinni BBC.
Þar kynna sprotafyrirtæki hugmynd sína
fyrir fimm erlendum fjárfestum og fá
til þess þrjár mínútur. Fjárfestarnir fá í
kjölfarið fimm mínútur til að spyrja fulltrúa
sprotafyrirtækjanna spjörunum úr og semja
við þá um kaup á hlut í fyrirtækinu ef áhugi
er á. Möguleiki er á fjárfestingu frá 100.000
til 1.000.000 evra. Sjónvarpsþátturinn var
opnunarviðburður alþjóðlegrar athafnaviku
í Hollandi.
Guðrún og Þóra stofnuðu fyrirtækið
í ágúst í fyrra en þá voru þær báðar í
fæðingarorlofi. Hlutverk þess er að hjálpa
ferðamönnum að varðveita minningar frá
ferðalögum sínum um allan heim með
því að bjóða upp á vandaða minjagripi
sem byggðir eru á hinni klassísku vöru,
púsluspili.
„Tækifæri á borð við þetta getur skipt
sköpum fyrir sprotafyrirtæki eins og okkar.
Að komast í alþjóðleg tengsl og fjárfestingar
getur ráðið úrslitum um hversu hratt og
örugglega lítil hugmynd getur orðið að
stóru, alþjóðlegu fyrirtæki,“ sagði Þóra.
Guðrún tók undir það en þær stöllur hafa
lagt nótt við dag að undanförnu til þess
að undirbúa keppnina: „Auðvitað er þetta
stressandi en svona tækifæri eru fátíð,“
segir hún. Það kemur síðar í ljós hvernig
samningar milli hugsanlegra fjárfesta og
íslenska sprotafyrirtækisins takast.
Púslin frá Puzzled by Iceland eru seld í
Duty Free versluninni á Keflavíkurflugvelli,
Minju, Epal, Rammagerðinni og í fleiri
verslunum. Þá býður Puzzled by Iceland
fyrirtækjum upp á sérframleiðslu
púsluspila. Fyrirtækið er með aðstöðu
í frumkvöðlasetrinu Toppstöðinni í
Elliðaárdalnum. Það lenti í öðru sæti í
Gullegginu, frumkvöðlakeppni Innovit, í vor
og hlaut veglegan styrk frá Atvinnumálum
kvenna stuttu síðar.
Vörumerki fyrirtækisins, „Puzzled by“,
hefur verið skrásett á Íslandi, í Noregi,
Evrópusambandinu og Bandaríkjunum.
Það býður upp á ótal möguleika í vöruþróun
þar sem laga má vöruna að hvaða landi
sem er. Nú þegar hafa verið framleidd púsl
undir nöfnunum „Puzzled by Denmark“ og
„Puzzled by Norway“.
„Frá því við stofnuðum fyrirtækið
fyrir rúmu ári höfum við unnið hörðum
höndum við að byggja það upp. Við
fengum í upphafi hugmynd og ákváðum
að láta reyna á hana. Núna fáum við
þetta tækifæri vegna þess að við erum
duglegar. Ég ætla ekki að halda því fram
að síðastliðið ár hafi verið auðvelt því töpin
eru vissulega sár en sigrarnir eru þeim
mun sætari,“ segir Guðrún.
Svona
tækifæri
eru fátíð.
Jónas
Haraldsson
jonas@
frettatiminn.is
Taktu stjórnina með
Tímon tímaskráningarkerfi
www.timon.is
VILTU VITA Í
HVAÐ TÍMINN FER?
FÍ
T
O
N
/
S
ÍA
8 fréttir Helgin 18.-20. nóvember 2011
Réttur aðila getur hafið störf 1. desember.
Fyrirspurnir og frekari upplýsingar fást með því að
senda tölvupóst í netfangið asar@hjalli.is eða hjá
skólastýrum í síma 564-0200.
Matur, börn,
heilbrigði
og vellíðan
Leikskólinn Ásar í Garðabæ leitar af
einstaklingi sem matreiðir með hjartanu.
Í boði er áhugavert og krefjandi starf fyrir
einstakling með metnað fyrir matargerð
og heilbrigðum lífsstíl.
Leikskólinn Ásar er rekinn af
Hjallastefnunni og starfar eftir
hugmyndafræði hennar.
Í skólum Hjallastefnunnar er mikið lagt
upp úr gæðum og hollustu matar,
heilbrigði og vellíðan. Í skólanum eru um
eitthundrað börn og þrjátíu starfsmenn.