Fréttatíminn - 18.11.2011, Qupperneq 38

Alvarlegt umferðarslys á
Siglufirði
Ung stúlka lést, önnur slasaðist alvarlega
og sú þriðja brákaðist á fæti í umferðar-
slysi á Siglufirði á miðvikudagskvöld.
Stúlkurnar voru farþegar í rútu sem var
að koma frá Ólafsfirði. Þær gengu aftur
fyrir hana og út á Langeyrarveg en urðu
fyrir bíl sem var á suðurleið. Sú sem
brákaðist fékk að fara heim eftir skoðun
en hinar tvær voru fluttar með sjúkra-
bifreiðum á Sjúkrahús Akureyrar. Þar var
önnur úrskurðuð látin. Hin er alvarlega
slösuð, illa brotin en ekki í lífshættu.
Stúlkan sem lést var13 ára gömul, fædd
árið 1998 og nemandi í 8. bekk Grunn-
skólans á Siglufirði. Kyrrðarstund var í
Siglufjarðarkirkju í gærkvöldi.
Fjáraukalög samþykkt í
fjarveru stjórnarandstöðu
Alþingi samþykkti í gær, fimmtudag,
fjáraukalög með 29 atkvæðum. Einn
þingmaður sagði nei og fjórir greiddu
ekki atkvæði. Enginn þingmaður Sjálf-
stæðisflokksins var viðstaddur atkvæða-
greiðsluna, aðeins tveir þingmenn
Framsóknarflokksins og enginn úr
Hreyfingunni. Þingmenn stjórnarand-
stöðunnar höfðu gagnrýnt að afgreiða
ætti fjáraukalagafrumvarpið áður en þeir
fengju tækifæri til að kynna sér gögn,
meðal annars í í tengslum við sölu á
eignarhluta Byrs hf. til Íslandsbanka. Þá
væri beðið skýrslu Ríkisendurskoðunar
um Vaðlaheiðargöng. Til að atkvæða-
greiðsla geti farið fram á Alþingi þurfa að
lágmarki 32 þingmenn að vera viðstaddir
þingfund. Sá fjöldi var fyrir hendi.
Rúmir 1300 milljarðar
endurheimtir
Endurheimtur þrotabús Landsbankans
nema nú um 1.344 milljörðum króna.
Það er 25 milljörðum króna meira en sem
nemur forgangskröfum í búið, það er að
segja Icesave og heildsöluinnlán. Ekki
hefur verið ákveðið hvenær greiðslur úr
búinu til Breta og Hollendinga hefjast.
Slitastjórn Landsbankans efndi til
kröfuhafafundar á Hótel Nordica í gær,
fimmtudag. Þar kynnti hún afstöðu til
lýstra krafna.
Vilja endurbyggja
miðalda kirkju
Hugmyndir eru uppi um að endurbyggja
miðaldakirkjuna sem stóð í Skálholti á
sínum tíma. Henni er ætlað að hafa slíkt
aðdráttarafl að aðgangseyrir standi undir
byggingunni. Kirkjan sem menn vilja
reisa í Skálholti er stækkuð mynd af líkani
sem varðveitt er á Þjóðminjasafninu og
byggist á rannsóknum á staðnum. Kirkjan
sem stóð í Skálholti var engin smásmíði.
Hún var tæplega 50 metra löng, 12 metra
breið og voru 14 metrar upp í mæni.
Hún var sögð stærsta timburbygging á
Norðurlöndum á sínum tíma.
Slæm vika
fyrir Jón Ásgeir Jóhannesson
athafnamann
Góð vika
fyrir Jón Gnarr
borgarstjóra
Grét ekki einu sinni
Eftir tíma
erfiðra og
sársauka-
fullra
aðgerða í
Reykjavíkur-
borg gat Jón
Gnarr loksins
gerst boðberi
góðra tíðinda
af fjármálum
Reykjavíkurborgar.
Hann lagði fram fjárhags-
áætlun borgarinnar fyrir árið
2012 í vikunni og var svo ánægður
með hana að hann lýsti því yfir
að hann hafi ekki grátið við gerð
hennar líkt og í fyrra þar sem
hann felldi meðal annars tár á
opinberum vettvangi.
Borga og brosa
Athafnamaðurinn Jón Ásgeir Jóhann-
esson var í vikunni dæmdur til að
greiða 70 milljónir í kostnað vegna
kyrrsetningar skilanefndar Glitnis
á eigum hans í Bretlandi. Jón
Ásgeir hafði þegar greitt tæpar
30 milljónir og taldi sig ekki þurfa
að standa skil á afgangi
kostnaðarins. Héraðs-
dómur Reykjavíkur var
því ósammála og þarf Jón
Ásgeir að grafa djúpt
ofan í galtóma (að eigin
sögn) vasa sína til að
finna 70 milljónirnar.
Hann gæti þó sloppið
ef áfrýjun hans til
Hæstaréttar fer á
annan veg.
15
vikan í tölum
Bjarni vs. Hanna Birna
Landsfundur Sjálfstæðisflokksins
hófst á fimmtudaginn og vitaskuld
eru vangaveltur um hvort hafi betur
í formannskjörinu á sunnudaginn
fyrirferðarmiklar. En sumum á
Facebook er þó slétt sama.
Kristján B Jónasson
Landsfundur Sjálfstæðisflokks hefst
í dag! Jeiii! Heil helgi framundan
af fréttum af ályktunum um að
gervihnettir ESB megi ekki vera á
sporbaug yfir Íslandi.
Stefán Pálsson
Bjarni eða Hanna Birna? Frekar fúll
samkvæmisleikur að giska á hvort
vinnur. Ég er með betri leik - hver
lendir í þriðja sæti?
Björgvin Valur Guðmundsson
Ég vona að annarhvort Bjarni eða
Hanna Birna vinni í formannskjör-
inu. Eða einhver annar sem kann
að bjóða sig fram á síðustu stundu.
Eða Mikki mús.
Orri Björnsson
Mun mæta á landsfund Sjálf-
stæðisflokksins og styðja Bjarna
Benediktsson til formennsku,
vafningalaust!
Sigurjón Egilsson
Tvísýnt um hvort verður formaður.
íslendingar tæma tuskubúð
Íslendingar virðast hafa náð
vopnum sínum og greiðslukortum
eftir áföll hrunsins. Þeir sýndu í það
minnsta hvers þeir eru megnugir
þegar þeir tæmdu lager nýopnað-
arar fataverslunar á þremur dögum
- birgðir sem áttu að duga í þrjár
vikur.
Eiður Svanberg Guðnason
Það er að rofa til. Ný fataverslun er
tæmd á þremur dögum og verður
verslunin lokuð þar til nýjar birgðir
berast frá útlöndum eftir nokkra
daga. Þetta er víst heimsmet hjá
verslanakeðjunni. Lúxusbílar seljast
á ný, skemmtigarðar eru opnaðir
og nýjar líkamsræktarstöðvar taka
til starfa. Það sér betur til sólar
en áður. Nema á síðum Morgun-
blaðsins og í Hádegismóum við
Rauðavatn. Þar er kreppa á
forsíðunni dag eftir dag, kreppa
í Staksteinum, kreppa í leiðurum
og fréttirnar kreppulitaðar. Þar
sér enginn til sólar. Þokubakkar og
svartagallsraus byrgja mönnum
sýn.
Björn Ingi Hrafnsson
Verð að viðurkenna að þar til á dög-
unum hafði ég aldrei nokkru sinni
heyrt um fatabúðina Lindex...
Lilja Katrín Gunnarsdóttir
hætti mér á opnun Lindex....mesta
fail sem ég hef orðið vitni að...
plúsinn var að ég keypti tvær flíkur
og hitti Sigríður Vala Vignisdóttir...
Erótísk fjölskyldumynd?
Uppi varð fótur í fit í vikunni þegar
spurðist út að íslenskar mæðgur
hefðu setið fyrir, fáklæddar, í undir-
fataauglýsingu fyrir bandarískt
fyrirtæki. Myndatakan varð
umsvifalaust tilefni pistlaskrifa
á netinu auk þess sem fólkið á
Facebook lét mæðgurnar sig varða.
Ingólfur Júliusson
Fer ekki að verða aðkallandi að
fá reglur t.d. fyrir listamenn, ljós-
myndara, auglýsinga/ímyndarfólk
og fjölmiðla um hvað ýtir
undir klámvæðinguna? Sérstaklega
varðandi klæðnað og stellingar? Fer
ekki að koma tími á lög um þetta?
Hverjir/hverjar mega vera saman á
mynd og í hvernig klæðnaði?
Sigfús Magnússon
Afbrýðissemin að drepa fólk.Sé
bara ekkert athugavert við þetta..
Arnar Logi Kristjansson
Mér finnst þetta hvorki fallegt eða
ljótt,heldur einfaldlega stórskrítið að
sjá mæðgur í undirfataauglýsingu.
Barn um borð í ruddaskipi
Reiðialda fór yfir Facebook í
kjölfar frétta af dómi yfir fjórum
skipverjum sem skemmtu sér við að
níðast á þrettán ára dreng um borð
í netabát og höfðu meðal annars í
frammi kynferðislega tilburði.
Björn Ingi Hrafnsson
Meiri vidbjodurinn. Rettast væri ad
fjölmidlar nafngreini tessa nidinga!
Baldur Hermannsson
Hann var sjómaður dáðadrengur.
Hér með er felld úr gildi gamla
klisjan: þú ert ekki marktækur því
þú hefur aldrei migið í saltan sjó.
Jón H Hallgrímz
það væri nú gaman að fá að sjá
mynd af þessu föggum sem voru á
sjó á bátnum Erlingi KE-140.......
Ólöf Hugrún Valdimarsdóttir
Hvaða mannleysur og aumingjar
eru þetta eiginlega! Viðbjóðsleg og
óafsakanleg hegðun.
HEituStu kolin á
Það fór á vel með
þeim Hönnu Birnu
Kristjánsdóttur og
Birni Bjarnasyni á
landsfundi Sjálfstæð-
isflokksins sem hófst í
Laugardalshöll í gær.
Hann Birna býður sig
fram til formanns á
fundinum gegn Bjarna
Benediktssyni en uppi
hefur verið orðrómur
um að Björn sé í
stuðningsliði Hönnu
Birnu þrátt fyrir
ættartengsl sín við
Bjarna. Ljósmynd/Hari
Bækur sem metsöluhöfundurinn
Arnaldur Indriðason hefur skrifað að
meðaltalinni þeirri nýjustu, Einvíginu.
38 fréttir vikunnar Helgin 18.-20. nóvember 2011
512
Fjöldi skjálfta undir Mýrdals-
jökli í október samkvæmt
Veðurstofu Íslands.
150
Prósentin
sem
Reykja-
víkurborg
hyggst
hækka
leigugjald á handklæðin í
Nauthólsvík.
1159
Ferðirnar
sem farnar
hafa verið
erlendis á
þessu ári á
vegum vel-
ferðarráðu-
neytisins
samkvæmt
svari við
fyrirspurn Ásmundar Einars
Daðasonar þingmanns.
13
Sigrar lærisveina Alfreðs
Gíslasonar í þýska hand-
boltaliðinu Kiel í þrettán
fyrstu leikjunum í þýsku
úrvalsdeildinni á þessu
tímabili.
Fallegt og fræðandi!
Með myndum og nöfnum á yfir 200
ávaxta-, græmetis- og kryddtegundum,
baunum, hnetum og berjum – bæði
vel þekktum og framandi. Skemmtilegt
að skoða fyrir unga sem aldna.
Eldhúsdagatalið 2012
Pantanir og nánari upplýsingar
á www.jola.is
Veggskraut fyrir alla
sem elska falleg eldhús!