Fréttatíminn - 02.12.2011, Qupperneq 15

Bjartsýni eykst á ný
Landsmenn virðast vera að jafna sig
á svartsýniskasti októbermánuðar,
ef marka má nýja Væntingavísitölu
Capacent Gallup. Vísitalan hækkaði um
10 stig og mælist nú 62,9 stig. Hækk-
unin á vísitölunni kemur í kjölfar þess
að í síðasta mánuði tók vísitalan dýfu
og lækkaði um 16,5 stig á milli mánaða.
Þá eru landsmenn einnig bjartsýnni nú
en í sama mánuði fyrir ári. Vísitalan nú
er nú 12,3 stigum hærri en í nóvember
í fyrra. Enn er þó nokkur bölmóður í
fólki en þegar vísitalan er undir 100
stigum eru fleiri neytendur svartsýnir
en bjartsýnir. Vísitalan fór síðast yfir
100 stig í febrúar 2008. Undanfarna
12 mánuði hefur vísitalan verið að
meðaltali 58 stig. Meirihluti stjórnenda
fyrirtækja er svartsýnn en 60 prósent
þeirra segja ástand efnahagslífsins
slæmt. - jh
Már gerir ráð fyrir
óbreyttum stýrivöxtum
Már Guðmundsson seðlabankastjóri
sat fyrir svörum á opnum fundi efna-
hags- og viðskiptanefndar Alþingis fyrr
í vikunni. Á fundinum sagði hann meðal
annars að stýrivextir væru hæfilegir
við núverandi efnahagsaðstæður og
að mikið
þyrfti
að koma
til ef
bankinn
hækkaði
eða
lækkaði
vexti á
næst-
unni.
Næsti
vaxta-
ákvörðunarfundur Seðlabankans
verður á miðvikudaginn, 7. desember.
Seðlabankinn hækkaði vexti bankans
um 0,25 prósentur á síðasta vaxta-
ákvörðunardegi, 2. nóvember.
Stýrivextir bankans urðu í kjölfarið
4,75 prósent. Greining Íslandsbanka
segir að verðbólga á síðasta fjórðungi
þessa árs verði minni en Seðlabankinn
spáði í byrjun mánaðar. - jh
Aukning í sölu
atvinnuhúsnæðis
Velta með atvinnuhúsnæði á höfuð-
borgarsvæðinu heldur áfram að aukast,
að því er fram kemur í tölum Þjóðskrár
Íslands. Alls var 65 kaupsamningum og
afsölum með atvinnuhúsnæði þinglýst
á höfuðborgarsvæðinu í október miðað
við 45 samninga í sama mánuði í fyrra.
Aukningin nemur 45 prósentustigum
á milli ára. Ekki er sömu aukningu að
sjá á markaði með atvinnuhúsnæði
utan höfuðborgarsvæðisins. Í október
var 56 kaupsamningum og afsölum
um atvinnuhúsnæði þinglýst utan
höfuðborgarsvæðisins og er það sami
fjöldi og í október í fyrra. Á fyrstu 10
mánuðum þessa árs hefur veltan aukist
um 33 prósent á höfuðborgarsvæðinu
miðað við sama tímabil fyrra árs en
veltan á landsbyggðinni hefur dregist
saman um fimm prósent. - jh
Í frímínútum á skólalóðinni á miðvikudag. Mynd/Hari
 Skólamál leiktæki í ÖldutúnSSkóla ekki lagfærð
Börnin ganga iðjulaus í hringi á skólalóðinni
Auðvitað
skilur maður
að allt er á
hausnum en
börnin eiga að
hafa forgang á
öllum sviðum.
Gunnhildur
Arna
Gunnarsdóttir
gag@
frettatiminn.is
Skólaráð Öldutúnsskóla hefur sent bæjar-
yfirvöldum harðort bréf og krefst þess að
kastali á skólalóð verði tafarlaust lagaður
eða fjarlægður vegna slysahættu. Vegna
þess hve aðbúnaður á skólalóðinni sé
slæmur og fábreyttur lýsi börn, sem hafi
ekki gaman af boltaíþróttum, því hvernig
þau gangi í hringi í frímínútum, þar sem
ekkert sé við að vera.
Í bréfinu kemur fram að skemmdir
voru unnar á skólalóðinni í sumar og hafa
ekki verið lagfærðar. Einu leiktækin við
skólann, sem ekki tilheyra heilsdags-
skólanum, standa í polli flesta daga. Þrátt
fyrir ítrekaðar beiðnir hafi ekki verið
hugað að frárennsli vatns. Harmað er
að hætt hafi verið við byggingu íþrótta-
húss við skólann, eins og áformað var í
góðærinu.
Friðrik A. Brekkan, fulltrúi foreldra
í skólaráði, gagnrýnir að þegar börnin
þurfa að fara í íþróttir fjarri skólanum séu
dæmi þess að þau missi af hádegismatn-
um vegna tímaskorts. „Auðvitað skilur
maður að allt er á hausnum en börnin
eiga að hafa forgang á öllum sviðum. Það
skortir alls staðar á það,“ segir Friðrik:
„Það er ekki stórmál að laga þetta og það
þarf að byrgja brunninn áður en barnið
dettur ofan í hann.“
HELLNAR
ÁSBYRGI
VATNSVÍK
LANGISJÓR
EINIFJALLFJALLABAK
ELDGOS Í EYJAFJALLAJÖKLI
HVANNADALSHNJÚKUR
SELJALANDSFOSS
fréttir 15 Helgin 2.-4. desember 2011