Fréttatíminn - 26.04.2013, Síða 4

FJÖLDI GRILLA
Á KOSNINGA
TILBOÐISmiðjuvegi 2, Kóp - S. 554 0400
www.grillbudin.is
Er frá Þýskalandi
Gashella
69.900
Opið kl. 11 - 18 virka daga
Opið kl. 11 - 16 laugardaga
KOSNINGAR TILBOÐ
Samdráttur tekna
tæplega 15 prósent
Marel birti fyrr í vikunni uppgjör fyrir
fyrsta ársfjórðung 2013. „Uppgjör þetta
verður að teljast óviðunandi fyrir stjórn­
endur og eigendur félagsins,“ segir
Greining Íslandsbanka. Tekjur félagsins
á ársfjórðungnum námu 158 milljónum
evra, um 24 milljörðum króna, sem er
samdráttur upp á tæplega 15% frá sama
tímabili í fyrra. „EBIT­ framlegð félagsins
var 6,5% af tekjum en var 11,4% á sama
tímabili í fyrra og er því víðsfjarri mark­
miðum stjórnenda sem hljóða upp á að
hlutfallið sé í kringum 10­12%.“ Hlutabréf
félagsins lækkuðu í kjölfar þess að upp­
gjörið var birt.
„Staða pantanabókar félagsins hefur
lækkað frá sama tímabili í fyrra og nemur
lækkunin yfir 20%. Borið saman við stöðu
pantanabókarinnar í lok 4. ársfjórðungs
2012 þá hefur staðan batnað, en hafa
verður í huga við þann samanburð að
í lok ársins 2012 var pantanastaðan í
lægstu stöðu síðan í upphafi ársins 2011.
Upphafsstaða pantanabókarinnar um
síðustu áramót skýrir að hluta hinn mikla
tekjusamdrátt sem er hjá félaginu á fyrsta
fjórðungi ársins miðað við sama tímabil í
fyrra,“ segir Greiningin enn fremur.
Þar kemur einnig fram að Marel hefur
breytt tekjuspá sinni með þeim hætti að nú
er miðað við að velta félagsins nái einum
milljarði evra árinu 2017, en áður var stefnt
að ná þessu takmarki á árinu 2015. Gróft
reiknað jafngildir þetta yfir 10% vexti
tekna á ári, fram til ársins 2017.
„Í ljósi þróunarinnar undanfarið,“ segir
Greining Íslandsbanka, „má segja að hér
sé um mjög metnaðarfullt markmið að
ræða.“ ­ jh
Kaupmáttur eykst
Kaupmáttur launa hefur aukist á síðustu mánuðum vegna kjarasamningsbundinna
launahækkana og styrkingar krónunnar. Nemur kaupmáttaraukningin frá áramótum
1,9%. Hagstofan birti fyrr í vikunni launavísitölu fyrir mars, ásamt afleiddum vísi­
tölum. Vísitalan hækkaði um 1,3% en í mánuðinum kom til framkvæmda kjarasamn­
ingsbundin hækkun á launum opinberra starfsmanna. Launavísitalan hefur hækkað
um 4% frá ársbyrjun. Stærstur hluti þeirrar hækkunar er til kominn vegna 3,25%
kjarasamningsbundinnar hækkunar stærstu launþegahópa í febrúar og mars. Kaup­
máttur launa mælist nú svipaður og hann var á 2. ársfjórðungi 2006. ­ jh
Í rannsókn meistararitgerðar Önnu Lóu Sveins-dóttur frá árinu 2010 á tuttugu og tveimur búum hérlendis kom í ljós að ekkert búanna uppfyllti
öll skilyrði reglugerðar um aðbúnað nautgripa. Sam-
kvæmt reglugerðinni skal nautgripur yfir 220 kílóum
hafa 1,8 fermetra svæði. Rannsókn Önnu Lóu leiddi
í ljós að á rúmlega 70% nautabúanna voru nautgripir
í minni stíum. Til samanburðar má nefna að sam-
kvæmt reglugerð um leikskóla (nr. 438/2002) skal
hvert leikskólabarn hafa að minnsta kosti 7 fermetra
hreyfirými.
„Graðnautum er ekki heimilt að dvelja utandyra
eftir sex mánaða aldur og fullri sláturstærð ná þau
ekki fyrr en um átján til tuttugu og tveggja mánaða.
Þessar skepnur þurfa því að dvelja innandyra á 1,8
fermetrum í tólf til sextán mánuði,“ segir Anna Berg
Samúelsdóttir, bútæknifræðingur og meistaranemi.
Anna Berg hefur efasemdir um að 1,8 fermetrar séu
nægilega mikið pláss fyrir nautgrip til að geta sinnt
grunnþörfum sínum og hreyft sig á eðlilegan hátt.
Því telur Anna Berg mikilvægt að aðstaða naut-
gripanna innandyra verði tekin til endurskoðunar og
tekið meira tillit til velferðar dýranna.
Nautum er það eðlilegt að eyða mestum tíma í að
leita matar og jórtra. Frítíma nota þau svo í samveru
svo sem að hnoðast hvert í öðru. Anna Berg segir
augljóst að kostnaðarsamara sé fyrir bændur að hafa
allar aðstæður fyrir sína nautgripi til fyrirmyndar.
„Ef niðurgreiðslur til bænda duga ekki svo þeir geti
veitt sínum dýrum bærilegra uppeldi þarf ef til vill að
endurskoða opinbera styrki til landbúnaðar,“ segir
Anna Berg.
Að sögn Sigurðar Loftssonar, formanns stjórnar
Landsambands kúabænda, leiddi viðhorfskönnun
meðal þeirra í febrúar síðastliðnum í ljós aukinn
áhuga meðal kúabænda á að stækka rými og bæta
aðbúnað nautgripa. Sigurður segir greinina hafa
verið í erfiðri fjárhagslegri stöðu undanfarin ár þó
afkoman hafi farið batnandi síðust misseri en að
aukin framlög ríkisins til uppbyggingar aðstöðu
myndu hjálpa mikið við að bæta aðbúnað nautgripa.
Oft séu nautgripir í gömlum fjósum sem byggð voru
samkvæmt eldri kröfum og slíku sé kostnaðarsamt
að breyta.
Nokkur nautabú á Íslandi bjóða nautum sínum upp
á fyrirmyndar aðstæður. Þessi bú selja afurðir sínar
þó undir sömu merkjum og þau sem ala nautgripi
við síðri aðbúnað því afurðastöðvar skilgreina bú
ekki eftir aðbúnaði. Anna Berg nefnir sem dæmi að
í Danmörku geti bændur með góðan aðbúnað naut-
gripa aðgreint sínar vörur með vottun, til dæmis frá
Dýraverndarsambandi Danmerkur. Verið er að þróa
þá hugmynd hér á landi.
Dagný Hulda Erlendsdóttir
dagnyhulda@frettatiminn.is
 Dýravelferð Yfir 200 kÍlóa naut alin á 1,8 fermetrum
Naut alin í miklum
þrengslum í fjósum
Aðbúnaður nautgripa til kjötframleiðslu á hefðbundnum búum á Íslandi sviptir dýrin möguleikum
til að uppfylla margar af sínum náttúrulegu þörfum, að mati Önnu Berg Samúelsdóttur, bútækni­
fræðings og meistaranema. Samkvæmt reglugerð skal stíustærð nauta yfir 220 kílóum ekki vera
minni en 1,8 fermetrar. Til samanburðar skal hvert leikskólabarn hafa 7 fermetra hreyfirými.
Áhugi er meðal kúabænda á að auka hreyfirými nautgripa.
Nautgripastía með meira hreyfirými en reglugerð kveður á um.
veður föstuDagur laugarDagur sunnuDagur
Kalt, En Hlýnar mEð rigningu og
slyDDu V-til í KVölD.
HöfuðborgarsVæðið: S­HVASSVIrðI
oG rINGING Í KVÖLd.
allHVöss V-átt og rigning Eða sKúrir.
snjóKoma á fjallVEgum nV-til.
HöfuðborgarsVæðið: STrEKKINGSVINdUr
oG SKúrIr.
gEngur í HVassa na-átt mEð snjó-
Komu og fjúKi n- og na-til.
HöfuðborgarsVæðið: N­áTT oG
KóLNANdI. Að MESTU úrK.LAUST.
Víða kalsasamt á kjördag
Enn er bið á vorlegra veðri. Í kvöld og
nótt er spáð vætu með hlýnandi veðri um
stund. Skil fara austur yfir landið og á
morgun, kjördag er útlit fyirr strekkings V­
átt á landinu með skúrum eða slyddu­
éljum um vestanvert landið.
á fjallvegum, einkum á
Vestfjörðum og Norðurlandi
vestra, verður vetrarveður
með hríð og skafbyl.
Eystra mun sjást til sólar.
útlit er fyrir talsvert NA­
kast á sunnudag með
snjókomu N­ og A­til.
1
-1 -4
-3
1
4
2 3 4
5
1
-2 -1 0
3
Einar sveinbjörnsson
vedurvaktin@vedurvaktin.is
4 fréttir Helgin 26.­28. apríl 2013