Fréttatíminn - 26.04.2013, Page 64

64 skák og bridge Helgin 26.-28. apríl 2013
 Skákakademían Góður áranGur á norðurlandamóti Stúlkna
Nansý Norðurlandameistari!
n ansý Davíðsdóttir, 11 ára, varð Norðurlandameistari stúlkna í yngsta flokki, og
bætti þar með enn einum bikarn-
um í safnið. Óhætt er að segja að
Nansý sé efnilegasta skákstúlka
sem fram hefur komið á Íslandi.
Foreldrar hennar fluttu hingað til
lands frá Kína fyrir allmörgum
árum, og Nansý er í þeim stóra
hópi snillinga sem komið hafa
fram á sjónarsviðið í Rimaskóla.
Nansý hefur ótrúlega þrosk-
aðan skákstíl, og landsliðsþjálfari
kvenna, Davíð Ólafsson, segir
með ólíkindum að svo ung stelpa
sé með svo mikinn stöðuskilning.
Jóhanna Björg Jóhannsdóttir var
hársbreidd frá því að vinna gullið
í elsta flokknum, en varð að gera
sér silfur að góðu eftir jafntefli við
Hrund Hauksdóttur í lokaumferð-
inni. Alls tefldu sex íslenskar stúlk-
ur í flokkunum þremur og stóðu sig
allar með sóma. Á síðustu þremur
árum hafa stelpurnar okkar unnið
fjögur gullverðlaun af níu mögu-
legum á Norðurlandamótum, og
er það til marks um mikla grósku
og gott starf. Norðurlandamótið
verður næst haldið á Íslandi, og þá
munu enn fleiri íslenskar stúlkur
verða með. Framtíðin er björt!
Hart barist á minningar-
mótinu um Alekhine
Flestir bestu skákmenn heims
leika listir sínar þessa dagana. Í
París stendur yfir minningarmót
um Alexander Alekhine, fjórða
heimsmeistarann í skák, og í Zug
í Sviss fer fram Grand Prix mót á
vegum FIDE.
Heimsmeistarinn Anand er með-
al keppenda í París. Hann hefur
ekki verið mjög sannfærandi síð-
ustu misserin og hlaut slæman
skell gegn Michael Adams í fyrstu
umferð. Sá góði Englendingur sigr-
aði Rússann Peter Svidler í annarri
umferð, en lá svo fyrir Ísraelanum
Boris Gelfand í þeirri þriðju. Af
öðrum keppendum má nefna Le-
von Aronian og Vladimir Kramnik,
sem eru í 2. og 3. sæti heimslistans.
Þá er gaman að fylgjast með hinum
unga Ding Liren, sem er margfald-
ur skákmeistari Kína.
Fyrstu f imm umferðirnar á
þessu ofurmóti fara fram í París
en seinni helmingurinn verður í
St. Pétursborg, enda var Alekhine
heitinn þegn Rússlands og Frakk-
lands. Hann barðist með Rússum
í fyrri heimsstyrjöldinni og Frökk-
um í þeirri seinni! Síðar var hann
reyndar sakaður um samvinnu við
nasista, enda birtust níðgreinar
um gyðinga í hans nafni á stríðsár-
unum. Eftir stríð harðneitaði Alek-
hine að hafa skrifað greinarnar
sjálfur, en málið var aldrei til lykta
leitt, því hann lést (með dularfull-
um hætti) í Portúgal árið 1946.
Gallerí af snillingum í Zug
Stórmótið í Zug er ekki síður
spennandi. Þar er heilt gallerí af
snillingum og eftir fimm umferðir
af 11 eru Alexander Morozevich
og Veselin Topalov efstir með 3,5
vinning af 5. Á hæla þeirra koma
Ponomariov, Karjakin, Caruana og
Kamsky með 3 vinninga. Af öðrum
keppendum má nefna Anish Giri og
Nakamura.
Hægt er fylgjast með þessum
mótum í beinni útsendingu á net-
inu, til dæmis á www.chessbomb.
com. Þar eru líka útsendingar frá
kínverska meistaramótinu og fleiri
skemmtilegum skákmótum.
skákþrAutin
Hvítur leikur
og vinnur.
Smallbone hafði hvítt
og átti leik gegn Brazier.
Hvítur getur að minnsta
kosti unnið mann, og
jafnvel mátað – með smá
hjálp frá svörtum.
í slandsmótið í sveitakeppni hófst í gær, á sumardaginn fyrsta. Tólf sveitir keppa til úrslita, allir við alla, 16 spila
leikir. Fjórar efstu sveitirnar spila til úr-
slita á sunnudaginn og spila þá þrjá 16 spila
leiki til viðbótar.
Baráttan um titilinn í ár verður að öllum
líkindum hörð og nokkrar sveitir sem
koma til greina. Líklegust hlýtur að teljast
sveit Lögfræðistofu Íslands. Jón og Láki,
Bjarni og Alli eru allir í landsliði Íslands
sem keppir á NM í lok maí og sveitin sigr-
aði mjög örugglega í aðalsveitakeppni BR
sem er nýlokið.
Núverandi Íslandsmeistarar í sveit Karls
Sigurhjartarsonar munu þó ekki gefa
titilinn baráttulaust frá sér. Sveitin hefur
misst Magnús Magnússon frá síðasta ári,
en fengið Snorra Karlsson í staðinn. Spurn-
ingin hvort Bessi haldi áfram að framleiða
Íslandsmeistaratitla en hann hefur verið
í sigurliði ÍM síðast liðinn fjögur ár og er
sigursælasti spilari ÍM síðustu 15 árin.
Síðan eru nokkrar sveitir sem koma til
með að berjast um sæti í undanúrslitum.
Þar má fyrst nefna Grant Thornton, sem
hefur verið í undanúrslitum í mörg ár. Í
sveitinni spilar spútník landsliðsparið Guð-
mundur Snorrason og Ragnar Hermanns-
son.
Garðsapótek hefur oft verið í undanúr-
slitum, en það gæti orðið erfiðari barátta
hjá sveitinni þetta árið.
Sparisjóður Siglufjarðar er vel skipuð
sveit og reynslumikil. Á fullt erindi í topp-
baráttuna á góðum degi.
Sveit Chile er vel skipuð sveit sem hefur
alla burði til að fara langt. Komst óvænt
ekki í úrslitin í fyrra, spurning hvort liðs-
menn þurfi ekki að sanna eitthvað í ár ?
Síðan eru það sveitir sem koma til með
að sigla lygnan sjó í mótinu en gætu á
góðum degi blandað sér í baráttuna um
fjórða sætið. Sveit VÍS er sæmilega sterk á
pappírnum, sérstaklega eftir að þeir bættu
í sveitina Júlíusi Sigurjónssyni og Sigurði
Vilhjálmssyni. Júlíus er nýkominn fra Dan-
mörku þar sem hann vann stórt mót með
Peter Fredin sem makker. Með þá í stuði
getur allt gerst.
Myvatnhotel.is er sveit sem gæti komið á
óvart, en vantar stöðugleika.
Sigtryggur vann er ágætis lið með mikla
reynslu, en eru bara skráðir fjórir og álagið
gæti reynst þeim erfitt.
Vestri, Hreint og VÍS/Lífís eiga langa og
erfiða helgi fyrir höndum og ekki líklegt
að þessar sveitir verði í baráttunni um
fjórða sætið þó svo að góðir einstaklingar
séu í öllum þessum liðum.
Mótið verður spilað í Perlunni og eru
áhorfendur velkomnir á staðinn að fylgjast
með, aðgangur er ókeypis. Bein útsending
á netinu frá hverri umferð á www.bridge-
base.com. Þar er leik lýst beint og tilvalið
fyrir óvana sem langar að kynnast bridge
betur að kíkja inn á bridgebase og kynnast
þessarri skemmtilegu íþrótt betur.
Inn á heimasíðu BSÍ www.bridge.is
má finna stöðuna, getraun hvaða sveitir
komast áfram, butler allra spilara og ýmsar
fleiri upplýsingar.
Spil dagsins er frá úrslitunum árið 2010.
Magnús Magnússon í sveit Grant Thorn-
ton, sem vann þetta ár, endaði sem sagn-
hafi í 6 hjörtum. Lesandinn getur spreytt
sig á spilinu áður en lengra er haldið. Út-
spil spaða ás.
Magnús trompaði útspilið og lagðist
undir feld í heilar þrjár mínútur. Spilið er
ekki í neinni hættu nema trompið brotni
3-0. Hann lagði svo niður hjarta kóng tók
svo tvisvar tromp í viðbót áður en hann
lagði niður tígul ás og spilaði svo laufi á
gosann. Meistaraleg spilamennska og 1660
í dálkinn. Svona spila meistarar!
 BridGe íSlandSmótið í Sveitakeppni hafið
Baráttan um Íslandsmeistaratitilinn verður hörð
Lausn: 1.Hxf5! Gxf5?
(svartur hefði getað leikið
Hd6, en hefði verið manni
undir eftir Dg5) 2.h6 1-0.
Svartur er nú óverjandi mát.
nansý Davíðsdóttir, Norðurlandameistari stúlkna 2013.
Alexander Alekhine heimsmeistari og
einn mesti skáksnillingur sögunnar.
♠962
♥A72
♦KQJ94
♣J4
♠---
♥KJ108543
♦A
♣AQ762
♠ AKQJ54
♥ Q96
♦ ---
♣ K1053
♠ 10873
♥ ---
♦ 10876532
♣ 98
n
s
V A
Sérblað um reiðhjól
Föstudaginn 10. maí gefum við á Fréttatímanum út blað um reiðhjól.
Ef þú hefur áhuga á að koma að efni eða auglýsingu í blaðið þá snúðu þér
til auglýsingadeildar Fréttatímans. Síminn er 531 3310 eða sendu okkur
póst á auglysingar@frettatiminn.is
10.
Maí
Hjól fyrir alla, fylgihlutirnir og menningin.