Fréttatíminn - 19.04.2013, Side 6

Verið
velkomin!
Á réttri
leið!
Samfylkingin
Stórkostlegur kökubasar
Þingmenn og frambjóðendur
Samfylkingarinnar í Reykjavík
selja heimabakaðar kökur í
kosningamiðstöðinni Laugavegi
18b, frá kl. 13 til 16 á morgun,
laugardag.
Andrea Ólafsdóttir
Saman getum við
unnið að réttlæti,
sanngirni og
lýðræði fyrir
heimilin í landinu
 Verslun Fimmtungsaukning í tölVusölu en samdráttur í Fata- og húsgagnaVerslun
Þriðjungsaukning í sölu farsíma
Farsímar seldust eins og heitar lumm­
ur í nýliðnum mars og sama á við um
tölvusölu. Samdráttur varð hins vegar
í sölu á fatnaði og húsgögnum, að því
er smásöluvísitala Rannsóknaseturs
verslunarinnar sýnir. „Velta í dagvöru­
verslun jókst um 8,0% á föstu verðlagi í
mars miðað við sama mánuð í fyrra og
jókst um 14,5% á breytilegu verðlagi.
Leiðrétt fyrir árstíðabundnum þáttum
jókst velta dagvöruverslana í mars um
5,1% frá sama mánuði í fyrra. Verð á
dagvöru hefur hækkað um 6,1% á síð­
astliðnum 12 mánuðum.
Sala áfengis jókst um 11,8% í mars
miðað við sama mánuð í fyrra á föstu
verðlagi og jókst um 13,6% á breytilegu
verðlagi. Leiðrétt fyrir árstíðabundnum
þáttum jókst velta áfengisverslunar í
mars um 3,4% frá sama mánuði í fyrra.
Verð á áfengi var 1,6% hærra í mars
síðastliðnum en í sama mánuði í fyrra.
Fataverslun minnkaði um 4,2% í
mars miðað við sama mánuð í fyrra á
föstu verðlagi og minnkaði um 1,7%
á breytilegu verðlagi á sama tímabili.
Leiðrétt fyrir árstíðabundnum þáttum
jókst velta fataverslunar í mars um 3,9%
frá sama mánuði í fyrra. Verð á fötum
hækkaði um 2,6% frá sama mánuði
fyrir ári.
Velta skóverslunar jókst um 15,6% í
mars á föstu verðlagi og jókst um 13,9%
á breytilegu verðlagi miðað við sama
mánuð fyrir ári. Verð á skóm hefur
lækkað um 1,5% frá mars í fyrra.
Velta húsgagnaverslana dróst saman
um 4,1% í mars frá sama mánuði fyrir
ári á föstu verðlagi og jókst um 1,0% á
breytilegu verðlagi. Verð á húsgögnum
var 5,4% hærra í mars síðastliðnum
miðað við sama mánuð í fyrra. Velta í
sölu skrifstofuhúsgagna jókst um 17,1%
í mars síðastliðnum samanborið við
sama mánuð ári fyrr á föstu verðlagi.
Velta sérverslana með rúm jókst
um 0,4% milli ára á föstu verðlagi.
Velta í sölu á tölvum í mars jókst
um 20,9% á föstu verðlagi frá sama
mánuði í fyrra og farsímasala jókst
um 31,3%. Aukning á sölu minni
raftækja, svokallaðra brúnvara,
nam 16,9% á föstu verðlagi og sala
stærri raftækja, svokallaðra hvít­
vara, jókst um 5,3% á milli ára.“ ­ jh
Velta í sölu á tölvum í mars jókst
um 20,9% á föstu verðlagi frá
sama mánuði í fyrra og farsíma-
sala jókst um 31,3%.
V innuhópur um millidómstig skilaði skýrslu sinni til innanríkisráðuneytisins fyrir tveimur árum. Réttarfarsnefnd
hefur til skoðunar skýrslu vinnuhóps um milli­
dómstig sem var tilbúin fyrir tveimur árum. Um
er að ræða nýjan áfrýjunardómstól sem myndi
fjalla um bæði einkamál og sakamál. Síðustu
mánuði hefur nefndin unnið að því að móta hug­
myndir um tilhögun á nýju dómskerfi. „Þessi
vinna hefur gengið vel,“ segir Eiríkur Tómas­
son, hæstaréttardómari og formaður réttarfars­
nefndar. Hann reiknar með því að
nefndin skili tillögum til ráðu­
neytisins innan skamms. Ráð­
herra getur þá mótað þær enn
frekar og það kemur síðan í hlut
nefndarinnar að vinna frumvarp.
Eiríkur segir hugsanlegt að frum­
varp verði lagt fram í haust, ef
sátt ríkir um tillögurnar. Alþingi
getur þá samþykkti það næsta vor,
í fyrsta lagi. „Bjartsýnustu
spár gera því ráð fyrir
að þetta geti orðið að
veruleika í upphafi árs
2015,“ segir Eiríkur.
Hann bendir á
að líklega þurfi
að setja bráða­
birgðaákvæði
um gildistöku
laganna þannig
að þau tækju
gildi í áföngum.
Dómarar virðast
almennt hlynntir því að
tekið verði upp millidóm­
stig. Meðal þeirra sem tala
fyrir því er Hrafn Braga­
son, fyrrverandi hæstaréttardómari. „Allan
minn dómaraferil, frá árinu 1965, hefur þessi
umræða komið upp öðru hvoru um mikilvægi
millidómstigs,“ segir hann. Enn á ný hefur nú
verið umræða um þetta dómstig í kjölfar nýrrar
bókar Jóns Steinars Gunnlaugssonar, einnig
fyrrverandi hæstaréttardómara, þar sem hann
mælir með því að það verði tekið upp.
Hrafn sat sjálfur í réttarfarsnefnd upp úr 1990
þegar verið var að semja reglur um aðskilnað
dómsvalds og framkvæmdavalds. Þá var Mann­
réttindadómstóllinn í Strasbourg þegar farinn
að gera athugasemdir við vinnubrögð dómstóla
Íslandi. Hann segir einingu hafa ríkt um þessa
vinnu en það var ekki uppi á teningnum þegar
kom að málefnum Hæstaréttar.
„Takmarkaður skilningur var á því hversu
mikið vinnuálag réttinum væri ætlað og hvaða
erfiðleikum það olli að millidómstiginu var
sleppt. Töldu dómarar til dæmis að enginn
vegur væri að Hæstiréttur færi að halda yfir­
heyrslur í sakamálum til þess að réttarkerfið
uppfyllti til fulls endurskoðunarrétt aðila að
sakamáli. Tæpast gæti þetta verið hlutverk
Hæstaréttar og myndi enda skapa allt of mikið
álag á réttinn,“ segir Hrafn.
Með tilkomu millidómstigs væri málum fyrst
áfrýjað þangað og þar yrðu þau rannsökuð
aftur, ólíkt því sem tíðkast nú hjá Hæstarétti.
Mörgum málum myndi síðan ljúka á þessu
millidómstigi. „Umfangsmikil mál með for­
dæmisgildi færu hiklaust til Hæstaréttar,“ segir
Hrafn. „Síðan myndu fimm dómarar dæma flest
málin og jafnvel sjö,“ segir hann, en vegna álags
eru nú oft aðeins þrír sem dæma í málum sem
hafa fordæmisgildi.
Erla Hlynsdóttir
erla@frettatiminn.is
 stjórnskipun Vinna Við tillögur um millidómstig gengur Vel
Nýr áfrýjunardómstóll fyrir
einka- og sakamál í bígerð
Réttarfarsnefnd hefur síðustu mánuði unnið eftir skýrslu vinnuhóps um millidómstig. Ef vinnan
gengur sem horfir verður hægt að leggja fram frumvarp um millidómstig á haustþingi. Sam-
kvæmt bjartsýnustu spám getur þetta þriðja dómstig orðið að veruleika árið 2015.
Gríðarlegt álag hefur verið á dómurum Hæstaréttar í langan tíma. Nýr áfrýjunardómstóll myndi þar breyta miklu.
Hrafn
Braga-
son, fyrr-
verandi
hæsta-
réttar-
dómari,
vill milli-
dómsstig.
Ljós-
mynd/
Hari
6 fréttir Helgin 19.-21. apríl 2013