Fréttatíminn - 19.04.2013, Side 31

Valitor er stuðningsaðili
Ferðafélags Íslands.
Með fróðleik í fararnesti
Fuglaskoðunarferð um Grafarvog á vegum Háskóla
Íslands og Ferðafélags Íslands, 20. apríl kl. 10.
Fuglarnir fljúga
hingað heim
PIPA
R
\
TBW
A
• SÍA
• 131152
Tómas Grétar Gunnarsson, forstöðumaður
Rannsóknaseturs Háskóla Íslands á Suðurlandi,
leiðir fuglaskoðunarferð um Grafarvog, laugardaginn
20. apríl kl. 10. Safnast verður saman á bílastæðinu
við Grafarvogskirkju og mælst er til að þátttakendur
taki með sér sjónauka. Ferðin er farin í samvinnu við
Ferðafélag barnanna og er öllum opin.
Allar nánari upplýsingar á hi.is
27. apríl kl. 10 – Kræklingaferð í Hvalfjörð.

25. maí kl. 11 – Gönguferð um söguslóðir
Háskóla Íslands.
8. júní kl. 10 – Gönguferð um Þingvallaþjóðgarð
utan alfaraleiðar.
31. ágúst kl. 11 – Sveppaferð í Heiðmörk.

21. september kl. 11 – Gönguferð þar sem
matur, saga og menning verða meginefnið.

Næstu ferðir: Háskóli Íslands og Ferðafélag Íslands
halda áfram samstarfi sínu um
fræðandi gönguferðir sem hófust
á aldarafmæli skólans 2011. Reynsla
og þekking fararstjóra Ferðafélagsins
og þekking kennara og vísindamanna
Háskóla Íslands blandast saman í
áhugaverðum gönguferðum um
höfuðborgarsvæðið og næsta
nágrenni þess. Þátttaka er ókeypis
og allir eru velkomnir.
gert nægilega mikið með endur-
reisnarskýrslu flokksins sem lögð
var fram og samþykkt á landsfundi
árið 2009 og nýverið komst aftur í
umræðuna. Á fordæmalausan hátt
steig Davíð í pontu þar sem hann
úthúðaði formanni endurreisnar-
nefndarinnar, Vilhjálmi Egilssyni,
og fór vægast sagt ófögrum orðum
um skýrsluna sjálfa. Mörgum var
misboðið og reis þáverandi for-
maður, Geir Haarde, Vilhjálmi til
varnar og sagði ummæli Davíðs
„ómakleg og óverskulduð“.
Misskilin skýrsla
Bjarni vísar því á bug að hann hafi
leyft Davíð að komast upp með að
jarða endurreisnarskýrsluna eins
og haldið hefur verið fram. „Þessi
skýrsla hefur lengst af verið mis-
skilin að stærstum hluta,“ segir
Bjarni. „Ég heyri marga spekúlanta
segja að þetta hafi verið skýrslan
sem hefði getað orðið syndaaflausn
fyrir flokkinn, en ég leyfi mér að
efast um að þeir hafi lesið mikið
í henni. Endurreisnarskýrslan
var safn af skoðunum. Hún var
kaflaskipt samantekt á fjölda funda,
ólíkum sjónarmiðum héðan og það-
an en hún var hinsvegar aldrei eitt-
hvað heildstætt uppgjör á hruninu.
Mér fannst hún hinsvegar vera gott
innlegg í umræðuna um það sem
gerðist. Það er mikill misskiln-
ingur að það hafi einhvern veginn
staðið til með þessari skýrslu að
afgreiða málið. Hún var safn af alls
konar athugasemdum en enginn
stóri dómur um eitt eða neitt,“ segir
Bjarni með nokkrum þunga.
En var það ekki einmitt málið.
Var skýrslan ekki einmitt ætluð
sem innlegg í frekari umræðu og
vinnu í átt til endurreisnar? Hefði
ekki mátt nýta hana til að koma
með tillögur um það sem betur
mætti fara? Ég spyr hann að þessu.
„Við gerðum margt af því sem stóð
í skýrslunni,“ svarar hann. „Við
höfum verið að vinna að skipulags-
reglum Sjálfstæðisflokksins sem
hafa verið skrifaðar upp á nýtt. Það
er nú eitthvað. Og þingflokkurinn
hefur lagt fram efnahagsáætlun á
þinginu þar sem finna má margt
af því sem varðar endurreisn efna-
hagslífsins og kemur fram í skýrsl-
unni,“ bendir hann á.
Ég spyr mig hins vegar að því
hvort ein helsta ástæðan fyrir því
að ekki var gert meira með skýrsl-
una en að vinna nýjar skipulags-
reglur fyrir flokkinn og leggja fram
efnahagstillögur sé í raun og veru
sú að í henni kemur fram eindregin
afstaða með Evrópusambandinu –
sem hugnast ekki hinum almenna
flokksmanni. Í skýrslunni er fyrr-
um seðlabankastjóri jafnframt harð-
lega gagnrýndur fyrir „alvarleg
mistök“ í lánveitingu til bankanna
í svokölluðum endurhverfum við-
skiptum sem koma hefði mátt í veg
fyrir og stjórnvöld, undir forystu
Sjálfstæðisflokksins, sæta ámæli
fyrir að hafa leyft innlánasöfnun
íslenskra banka á erlendri grund,
meðal annars í gegnum IceSave.
Sami flokkurinn
Þegar ég spyr Bjarna hvort Sjálf-
stæðisflokkurinn nú sé hinn sami
og fyrir hrun svarar hann: „Já,
hann er flokkur með sömu grunn-
gildin en sem hefur safnað í sarp-
inn gríðarlegri reynslu af mikil-
vægum atburðum sem hann verður
og hlýtur að taka tillit til og nýta
sér inn í framtíðina. Ef okkur tekst
að nýta þá erfiðu atburði sem hér
gerðust til þess að gera góða stefnu
enn betri þá er þetta ekki bara sami
flokkurinn. Þetta er betri flokkur
en hann var.“
Hann hafnar því alfarið að flokk-
urinn hafi færst til hægri – og sé
jafnvel farinn að daðra við teboðs-
hreyfinguna í Bandaríkjunum
sem er hópur sem er hvað lengst
til hægri í röðum rebúblikana og
pirrast örlítið þegar ég spyr hvort
eitthvað sé til í því. „Þetta er ekkert
annað en slagorðakenndur áróður,
þessi hugtök sem þú vísar í. Að
Sjálfstæðisflokkurinn eigi eitthvað
sameiginlegt með teboðshreyfing-
unni sem skaut rótum í Bandaríkj-
unum lýsir annað hvort algjörri
vanþekkingu á því hvernig Sjálf-
stæðisflokkurinn starfar og fyrir
hvað hann stendur eða þá að fólk
veit ekkert hvað teboðshreyfingin
stendur fyrir,“ segir Bjarni.
Skortir á eindrægni
Við víkjum aftur talinu að hinum
stríðandi fylkingum tveimur í
flokknum, stuðningsmönnum
Bjarna annars vegar og Hönnu
Birnu hins vegar og ég spyr hann
hvernig honum ætli að takast að
sameina þær. „Ég vil ekki nálgast
þessa umræðu eins og þetta séu
tvær öflugar fylkingar sem eru að
takast á í Sjálfstæðisflokknum. Það
er ekki að gerast. Það sem hefur
verið vandinn er það að mér hefur
ekki fundist vera nægilega mikil
eindrægni við formanninn í flokkn-
um, við mig. Það eru of mörg dæmi
á umliðnum misserum þar sem
menn voru hikandi í því að styðja
mig og þar með forystu flokksins.
Til þessa hef ég hugsað með mér að
þetta sé hluti af ástandinu og upp-
gjörinu um menn og málefni en í
síðustu viku fannst mér þetta ekki
ganga lengur. Það skipti ekki máli
hvort ég væri í formannsstóli eða
einhver annar, þetta væri ekki hægt
og flokkurinn næði engum árangri
með þessum hætti. Það er örstutt
í kosningar og það var kominn
tími til að menn átti sig á því að við
erum í sama liðinu og öll sammála
um meginatriðin. Það er eingöngu
með því að taka höndum saman
sem við komum þeim í höfn,“ segir
hann.
Getur verið að sú stjórnunarað-
ferð sem hann hefur beitt til þessa
– leið sátta og samkomulags – hafi
einfaldlega ekki virkað og það var
ekki fyrr en hann tók af skarið og
sýndi ögn af þeim leiðtoga sem
sjálfstæðisfólk er vant að á hann
var hlýtt? Hann getur sjálfur ekki
svarað því. En hann er sannfærður
um að eftir kosningarnar þann 27.
apríl verði Sjálfstæðisflokkurinn
aftur stærsti flokkur landsins.
Óska ríkisstjórn hans er ríkisstjórn
breytinga, stefnuföst, með góðan
meirihluta og skýra stefnu.
En með hvaða flokkum myndi
hann helst vilja vinna? „Þeim sem
eru næst okkur í hinu pólitíska lit-
rófi, það er ekki langt í Framsókn-
arflokkinn en hann er ekki eini
valkosturinn. Við höfum starfað
með miðjuflokkum en þessi miðja
er svo sem alltaf á fleygiferð,“ bæt-
ir hann við. „Það eina sem ég get
sagt með vissu í dag er að atkvæði
greitt með Sjálfstæðisflokknum er
atkvæði greitt með stefnumálum
okkar. Við munum ekki svíkja
kjósendur með því að gefa þau
auðveldlega eftir.“
Sigríður Dögg Auðunsdóttir
sigridur@frettatiminn.is
viðtal 31 Helgin 19.-21. apríl 2013