Fréttatíminn - 19.04.2013, Page 64

 Í takt við tÍmann anna kristÍn Pálsdóttir
Borðar sushi þrisvar í viku
Anna Kristín Pálsdóttir er 25 ára Breiðholtsmær sem býr nú í Vesturbænum. Hún lauk prófi í verkfræði fyrir þremur árum og hefur síðan starfað sem fréttamaður á
RÚV. Undanfarið hefur hún vakið athygli fyrir skelegga frammistöðu í kosningasjónvarpinu. Anna Kristín elskar loðfeldi og hefur þrisvar sinnum hlaupið maraþon.
Staðalbúnaður
Ég hef rosalega gaman af fötum og finnst
bæði gaman að kaupa föt og skoða þau.
Uppáhaldsbúðin mín á Íslandi er Zara. Í út-
löndum reyni ég að birgja mig upp af fötum
og þá finnst mér gaman að fara í Urban
Outfitters og American Apparel. Helming-
urinn af fötunum mínum er svartur en ég
reyni að poppa þetta upp með litum líka til
að lífga aðeins upp á heildarlúkkið. Ég nota
aldrei skart en ég hef lengi verið hrifin af
loðfeldum og finnst gaman að klæða mig
í pelsa. Ég er 1.76 á hæð en elska samt að
vera á hælaskóm, helst mjög háum, en það
eru ekki allir hrifnir af því.
Hugbúnaður
Ég kíki út á lífið eins og venjulegar 25 ára
dömur gera. Kaffibarinn verður oft fyrir
valinu en annars fer það oftast eftir því hvar
vinir mínir eru. Ég er mjög dugleg að hlaupa
og hef hlaupið þrjú maraþon, á Íslandi og
í Danmörku. Nú er ég að reyna að koma
mér í fínt form svo ég geti alla vega hlaupið
hálfmaraþon í sumar. Ég held ekki athygli
mikið lengur en hálftíma þegar ég horfi á
sjónvarp svo það hentar mér ágætlega að
horfa bara á stutta þætti. Undanfarið hef
ég verið að horfa á 30 Rock og
Modern Family til skiptis á
flakkaranum. Svo horfi
ég alltaf á Borgen og
Útsvarið, það eru
eini þættirnir
sem ég fylgist
með á dagskrá
sjónvarps-
stöðvanna
fyrir utan
fréttir og
fréttatengda
þætti.
Vélbúnaður
Ég fer ekki neitt án þess að taka iPhone-inn
með mér. Þar er allt skipulagið mitt og hann
er ómissandi tæki. Ég nota þrjú öpp mest.
Facebook eins og allir, ég kíki reglulega
þangað. Ég er nýbúin að uppgötva Snapchat
sem er mjög skemmtilegt. Og svo Fitnes-
spal þar sem ég skrái allar æfingarnar
mínar. Við erum nokkrar vinkon-
ur sem gerum það og getum
fylgst með hvernig hinum
gengur. Ég er ennþá
með gömlu góðu Dell-
tölvuna mína úr
verkfræðinni. Ég
verð að vera með
PC því þar kann
ég á Excel sem
ég nota ógeðs-
lega mikið.
Aukabúnaður
Það er vandræðalegt að segja frá því en ég
nota aldrei glæsilega eldhúsið mitt. Oftast
nær kippi ég bara einhverju með mér heim
eða fer til yndislegrar móður minnar eða
tengdaforeldra sem eru mjög dugleg að elda
fyrir mig og ég er þakklát fyrir. Þegar mann
langar ekki í kjötbollunar í mötuneytinu í
RÚV er gott að koma við í Glæsibæ. Allt sem
ég þarf er þar; Saffran og Tokyo sushi. Ég
borða sushi örugglega þrisvar í viku. Í fyrra-
sumar fór ég í sex vikna lestarferð um alla
Evrópu og heimsótti fullt af nýjum stöðum.
Það er ekki komin nógu góð mynd á sum-
arið í ár en stefnan er að slaka á í sól. Ég
keyri enn sama bílinn og ég keypti mér dag-
inn sem ég varð 17 ára. Það er 2003 módel
af Yaris. Blá þruma sem ég safnaði mér fyrir
með því að vinna í Hagkaup með skólanum.
Hann hefur nýst mér vel.
Anna Kristín Pálsdóttir er mikil hlaupakona og
nýtur þess að hlaupa á Ægisíðunni og í Elliðaár-
dalnum. Ljósmynd/Hari
 aPPafengur
Little Writer
Tæknin getur
opnað undraver-
öld fyrir foreldra
ungra barna.
Nú er nefnilega
hægt að kenna
börnunum að
skrifa bókstafi og
tölustafi þegar þau
halda að þau séu
bara að leika sér í
símanum hennar
mömmu.
Appið Little
Writer leiðir
börnin í gegn um
hvernig skrifa
skal bókstafi og tölustafi með hjálp
ýmissa dýra sem eru sólgin í epli
og ananas.
Little Writer hefur það fram yfir
mörg erlend öpp að hægt er að lesa
inn allt sem appið
„segir“ á sínu eigin
tungumáli. Með
smá tilfæringum
heyra íslensk börn
því að þau hafi
skrifað „bókstafinn
bé“ og er hrósað
á viðeigandi hátt:
„Flott hjá þér!“
Lengra komnir
geta síðan lært ei-
lítið í ensku. Þá eru
börnin áfram leidd
í gegn um stafina
sem mynda orðið
og þegar búið er
að skrifa þá alla birtist viðeigandi
mynd, fiskur með orðinu „fish.“
Little Writer fær hæstu einkunn
frá heimili þriggja ára stúlkubarns í
Vesturbæ Reykjavíkur. -eh
Háskólinn á Bifröst býður
upp á MS og MIB nám í
alþjóðaviðskiptum til að
sjá fyrirtækjum fyrir vel
menntuðum stjórnendum
og starfsmönnum með
afbragðs þekkingu á
fjármálum, stjórnun
og markaðsmálum.
Alþjóðleg
viðskipti verða
sífellt meira
krefjandi
Alþjóðaviðskipti (MS og MIB)
J
ó
n
s
s
o
n
&
L
e
’m
a
c
k
s

•
J
L
.i
s

•
s
Ía
Nánari upplýsingar á althjodavidskipti.bifrost.is
Umsóknarfrestur er til 15. maí
64 dægurmál Helgin 19.-21. apríl 2013