Fréttatíminn - 19.04.2013, Page 75

Helgin 19.-21. apríl 2013 brúðkaup 7
 Tækifærisræður flesTir fá fiðring í magann
Góð ráð fyrir ræðuhöld í veislum
Unnur segir mikilvægt að grípa tækifærið og að
allir geti haldið góða ræðu. „Það er súrt í broti
að átta sig á því að veislunni lokinni að maður
hefði viljað halda ræðu, sem er því miður allt of
algengt.“ Fyrir þá sem fyllast kvíða við tilhugs-
unina um ræðuhöld í margmenni segir Unnur
gott að hafa í huga að flestir fái einhvern fiðring
í magann áður en að slíku komi. Það merkilega
sé þó að kvíðinn líði hjá eftir stutta stund. Unnur
bendir jafnframt á að ekki sé vænlegt til árang-
urs að hvolfa í sig nokkrum vínglösum til að
slá á kvíðann heldur geti slíkt haft öfug áhrif.
„Málið er að skora sig á hólm, draga andann
djúpt og byrja. Kvíðinn hverfur á svipstundu og
hver veit nema úr verði hin ánægjulegasta lífs-
reynsla og eftirminnileg ræða.“
„Það mikilvægasta er að hafa frá einhverju
að segja, til dæmis skemmtilegri sögu af brúð-
hjónunum eða hjartnæmu atviki en gæta þess
þó að sagan sé innan velsæmismarka,“ segir
Unnur og bendir á að skemmtilegar sögur fangi
athygli áheyrenda og séu eftirminnilegar en
ráðleggur fólki þó að hafa ræður ekki of langar
og að gullna reglan sé sú „að góð tækifæris-
ræða sé samsett úr upphafi og lokaorðum, og
sem minnstu þar á milli.“
Unnur segir nauðsynlegt að undirbúa ræð-
una vel, ákveða hvað eigi að segja og æfa sig
nokkrum sinnum en varast þó að skrifa ræðuna
niður frá orði til orðs. „Ræðan er ekkert annað
en samtal við brúðhjónin og missir marks ef
hún er skrifuð frá upphafi til enda. Gott er að
vera með á hreinu hvernig á að byrja ræðuna,
hvaða sögu á að segja og ekki síst hvernig á að
ljúka henni svo hún dragist ekki um of á lang-
inn.“ Í veislum er oft kliður og því getur verið
mikil áskorun að fanga athygli veislugesta og
ráðleggur Unnur fólki því að byrja ræðuna ekki
fyrr en óskiptri athygli veislugesta er náð og slá
frekar nokkrum sinnum í glasið til viðbótar svo
háværir veislugestir yfirgnæfi ekki ræðuna.
„Góð tækifærisræða er samsett úr upp-
hafi og lokaorðum og sem minnstu þar á
milli,“ segir Unnur Valborg Hilmarsdóttir
stjórnendaþjálfari hjá Vendum, sem hef-
ur um árabil þjálfað fólk í ræðuhöldum
og leiðbeint á námskeiðum við ræðu­
kvíða. Í brúðkaupum tíðkast að vinir og
vandamenn haldi ræður brúðhjónunum
til heiðurs og fékk Fréttatíminn Unni til
að uppljóstra helstu leyndarmálunum að
baki vel heppnaðri tækifærisræðu.
Unnur Valborg Hilmarsdóttir stjórnendaþjálfari
segir alla geta haldið góða ræðu.
Sjö, níu, þrettán er
vinsæll dagur
Frá aldamótum hafa árlega komið
upp vinsælar dagsetningar til
giftinga, svo sem fyrsti janúar
2001, annar febrúar 2002 en
eftir að árið 2012 rann sitt skeið á
enda má ekki eiga vona á slíkum
dagsetningum í bráð. Það vill þó
til að sjöunda september 2013,
7, 9, 13, ber upp á laugardag og
má búast við að sá dagur verði
vinsæll hjá brúðhjónum.
Að sögn Einars Eyjólfssonar,
prests í Fríkirkjunni í Hafnarfirði,
eru fimm giftingarathafnir
bókaðar þann dag, frá ellefu
um morguninn og til hálfsjö. Að
auki eru nokkur verðandi hjón
á biðlista. Hjá Guðríðarkirkju í
Grafarholti verður einnig þétt
setinn bekkurinn og eru fjórar
giftingarathafnir bókaðar þann
dag. Sama á væntanlega við í
öðrum kirkjum.
Breyttir tímar
Nú til dags velja fleiri borgara-
legar giftingar en áður þótt hjóna-
vígslur í kirkju séu enn í miklum
meirihluta. Tímabilið 1966-1970
voru 1.556 hjón gefin saman í
kirkju en 94 með borgaralegum
hætti. Fjörutíu árum síðar, tímabil-
ið 2006-2010 voru 343 hjón sem
völdu að gifta sig borgaralega en
1.332 sem völdu kirkjulega vígslu.
Meðalaldur þeirra sem gifta
sig í fyrsta sinn hefur hækkað
töluvert á undanförnum árum því
tímabilið 1966-1970 var meðal-
aldur þeirra kvenna sem giftu
sig í fyrsta sinn 23 ár en karla
25 ár. Tímabilið 2006-2010 var
meðalaldur kvenna sem giftu sig í
fyrsta sinn kominn upp í 32 ár en
karla 34 ár.