Fréttatíminn - 21.12.2012, Síða 16

Vikan í tölum
950
milljónir króna borgar Reykjavíkurborg
Orkuveitu Reykjavíkur fyrir Perluna.
Að njóta fýlufrírrar Þorláksmessu
Eru jól án skötuveislu?
R étt eins og ég tilkynnti afmælis­gestum í pistli hér á þessari síðu að ég myndi ekki veita áfengi í
fertugsafmælinu mínu hef ég afráðið
að nýta þetta tækifæri og lýsa því yfir
að við hjónin höldum ekki hina árlegu
skötuveislu í ár.
Afsakið það, skötuunnendur og vinir.
En það er bara allt of vond lykt af sköt­
unni sem gerir það að verkum að á Þor­
láksmessukvöld neyðumst við
til að þrífa heimili okkar hátt
og lágt í því skyni að útrýma
henni.
Ekki misskilja mig. Mér
finnst ofboðslega gaman að
fá vini mína í heimsókn og
hringja inn jólin með vel kæstri
skötu að Vestfirðinga sið – því
ég er Ísfirðingur í aðra ættina
og alin upp við Þorláksmessu­
skötu. Heimilið er allt komið í
jólabúning, kveikt á kertum um
allt hús og hátíðin að færast í
höfn.
Ef það væri ekki fyrir þessa
ógurlegu lykt, þá myndi ég
ekki hugsa mig um tvisvar.
Við höfum svo sem reynt ýmislegt
til þess að draga sem mest úr henni.
Við höfum soðið skötuna á prímus úti
á svölum (sem gengur eiginlega ekki
í tíu stiga gaddi eins og í hittifyrra) og
á rafmagnshellu í bílskúrnum (sem
nú er búið að innrétta og breyta í íbúð
þannig að ekki gengur það) en það er
sama hvað við gerum, lyktin af skötunni
kominni á borð er svo stæk að finna má
skötulykt af rúmfötum í mars (þessi
sem voru neðst í staflanum í línskápn­
um á Þorláksmessu).
Ég hef velt því fyrir mér að halda
skötuveislu án skötu. Bara svona til að
fá að hitta fólkið. En það er ekki eins.
Það er dálítið eins og að halda jól án jóla­
gjafa (pæling). Ég hugleiddi að bjóða
upp á hákarl og síld – en féll frá þeirri
hugmynd.
Því hef ég ákveðið – ekki í samráði
við manninn minn frekar en fyrri dag­
inn – að aflýsa skötumessuhaldi í ár.
Mig langar bara á Laugaveginn með
börnunum í rólegheitum á Þorláks­
messu, drekka heitt súkkulaði og borða
piparkökur. Pakka inn síðustu gjöfunum
og hlakka til. Þið hljótið að skilja mig.
Reyndar getum við gert eitt: haldið
skötuveislu daginn fyrir Þorláksmessu.
Þá getum við tekið daginn snemma á
Þorláksmessu og þrifið og gert fínt en
samt notið dagsins og kvöldsins í róleg­
heitum í jólatilhlökkun.
En er það ekki eins og að fagna nýju
ári daginn fyrir gamlárskvöld?
Ég hef velt því fyrir mér að halda skötuveislu án skötu.
Fæ
st í apótekumMÝKJANDI
Í MJÚKA PAKKANN
Mýkir húðina og liðkar liði
Mýkjandi
hælasokkar
Mýkjandi
ylsokkar
Mýkjandi
ylglófar
Mýkjandi
gelsokkar
Mýkjandi
gelshanskar
www.portfarma.is
 Vikan sem VaR
Vinstri-grænir friðaðir
Það henti Pál Vilhjálmsson, framkvæmda-
stjóra Heimssýnar, að blogga stórkarlalega
á dögunum í garð Vinstri-grænna. Allt var
það rétt sem hann sagði nema það að það á
engum að útrýma og Heims-
sýn á sér ekkert markmið
um að útrýma Vinstri-
grænum í kosningunum
í vor.
Guðni Ágústsson, fyrr-
verandi ráðherra, stakk
niður penna til þess að
útskýra skrif félaga síns í
baráttunni gegn ESB, Páls
Vilhjálmssonar, sem hætti í
stjórn Heimssýnar eftir að hann styggði vinstri
græna innan raða félagsins.
Deilt við dómarann
Ég er mjög ósáttur við þennan dóm. Þetta eru
mikil vonbrigði og ég geri ráð fyrir að áfrýja.
Börkur Birgisson var dæmdur í sex ára fangelsi
í héraði. Verjandi hans, Ingi Freyr Ágústsson,
var óhress með niðurstöðuna.
Ráðherra fækkar fötum
Var beðin að afklæðast lopapeysu minni hér
áðan.
Katrín Jakobsdóttir
menntamálaráðherra mátti
ekki vera í lopapeysu í
þingsal enda er staðinn
dyggur vörður um
virðingu Alþingis eins og
alþjóð veit.
Indæll strokufangi
Þetta er rólyndur og indæll
drengur en það er bara eitt-
hvað í skapinu hjá honum og skapferlinu sem
kveikir svona bál og þetta gerðist.
Manneskja sem þekkir vel til strokufangans
Matthíasar Mána Erlingssonar skýrði lundarfar
flóttamannsins í DV.
Skilaboð til fanga
Ekki gera eitthvað sem þú sérð ávallt eftir. Ást
mamma.
Móðir strokufangans Matthíasar Mána sendi
honum skilaboð á Facebook.
Nótt hinna löngu hnífa
Ég sá bara glitta í blaðið og svo byrjaði hann
að sveifla hnífnum eins og brjálæðingur.
Leó Kristberg Einarsson, yfirdyravörður á
Hressingarskálanum, sagði DV frá hnífaárás
sem hann varð fyrir.
Geðgóð framtíð
Það er því með söknuði og
stolti sem ég í dag segi
af mér sem formaður
Geðhjálpar vegna
mikilla anna sem ég
má vænta á hinum
nýja vettvangi.
Björt Ólafsdóttir,
sem leiðir lista
Bjartrar framtíðar í
Reykjavíkurkjördæmi, hætti
störfum fyrir Geðhjálp.
Sigríður
Dögg
auðunsdóttir
sigridur@
frettatiminn.is
sjónaRhóll
36
ár er samanlagður brotaferill þeirra
Annþórs Karlssonar og Barkar
Birgissonar, samkvæmt frétt Vísis.
1,2
milljónir króna söfnuðust í söfnun til
styrktar sauðfjárbændum á Norður-
landi sem urðu fyrir búskaða vegna
veðurofsa í september.
547
milljarðar króna voru heildar-
eignir sjávarútvegsfyrirtækjanna um
síðustu áramót, 104 fjórir milljarðar
umfram heildarskuldir.
40
prósent Íslendinga ætla að gæða sér
á skötu á Þorláksmessu, samkvæmt
könnun MMR.
110
sóttu um sanngirnisbætur vegna
vistunar á unglingaheimili ríkisins frá
árunum 1971 til ársins 1994.
16 fréttir Helgin 21.-23. desember 2012 vikunnar