Fréttatíminn - 21.12.2012, Blaðsíða 102

Opið: Föst. 11 - 18, laugard. 11 - 18, Þorláksmessa 11 - 18
 Bækur Sölvi Björn SigurðSSon gefur út nýja ljóðaBók
Sláturtíð í jólabókaflóði
Sölvi Björn
Sigurðsson
sendir nú
frá sér sína
fjórðu ljóða-
bók en hann
hefur einnig
skrifað fjórar
skáldsögur.
Ein þeirra,
Síðustu dagar
móður minn-
ar, kemur út
á ensku hjá
Open Letter
forlaginu í
sumar.
t ilurðin er auðvitað sú sama og með allar bækur, maður skrifar eitthvað og svo kemur það út,“ segir Sölvi
Björn Sigurðsson um útgáfu á nýrri ljóða-
bók, Sláturtíðin, sem kom út nú í miðju jóla-
bókaflóði. Hún fæst í betri bókaverslunum
og er útgáfan nokkurs konar gjörningur hjá
höfundinum sem hefur haft í miklu að snú-
ast síðustu ár. Þetta er fjórða ljóðabók Sölva
en hann hefur að auki gefið út fjórar skáld-
sögur sem notið hafa mikillar hylli hjá gagn-
rýnendum. Bók hans, Síðustu dagar móður
minnar, fékk einróma lof þegar hún kom út
2009 og í sumar kemur hún út á ensku hjá
Open Letter forlaginu.
Sölvi segir skáldsögur fela í sér stærri
útgáfu og meira brjálæði en ljóðabækurnar
eru „lágstemmdari gjörningur sem maður
nýtur meira í rólegheitunum. Fyrsta ljóða-
bókin mín var heftuð inn í málaðan striga og
sú næsta kom út á smjörpappír. Ljóðin fara
út í heiminn og eru þar hvort sem einhver
les þau eða ekki. Skáldsaga er miklu meira
samtal við samfélagið.“
Það er Gallerý Brumm sem gefur út
ljóðabókina en það forlag varð til í skottinu á
gömlum Land Rover, segir Sölvi Björn, sem
hefur alltaf verið heillaður af listamönnum
sem blanda ritlistinni og myndlistinni sam-
an („eins og til dæmis William Blake“) því
að einhverju leyti er ljóðagerð líka eins kon-
ar myndlist „því frásögnin verður aukaatriði
og myndirnar tala sínu máli.“
Sölvi er nú upptekinn við að skrifa tvær
skáldsögur og „ganga frá bók sem er ein-
hvers konar óður til gamalla náttúrurita,
gamalla sóknarlýsinga og landkönnuða eins
og Eggerts og Bjarna. Hún fjallar um vötnin
og fiskana og segir til dæmis frá urriða sem
lifir í brunni inni í Bárðardal og hverfur
þaðan undir Ódáðahraun. Og svo er ég þýða
Robert Burns. Ég er að vonast til að klára
Tam O’ Shanter yfir jólin,“ segir þessi metn-
aðarfulli höfundur sem hefur einmitt getið
sér gott orð fyrir frábærar þýðingar.
Mikael Torfason
mikaeltorfason@frettatiminn.is
Forsíðan á nýrri
ljóðabók Sölva
er gjörningur en
hann er hrifinn af
höfundum eins og
William Blake sem
blönduðu saman
myndlist og ritlist.
Ljóðin fara út í heiminn
og eru þar hvort sem
einhver les þau eða ekki.
Tenórarnir þrír
á Ingólfstorgi
Í miðri jólaösinni munu himneskar
raddir tenóranna þriggja óma frá
svölum Vallarstrætis 4 við jólabæinn
á Ingólfstorgi. Í ár eru það þeir félagar
Jóhann Friðgeir Valdimarsson, og Snorri
Wium og Garðar Thor Cortes sem þenja
raddir sínar og flytja vel valin jólalög og
þekktar aríur af svölunum.
Jóhann Friðgeir Valdimarsson er öllum
landsmönnum vel þekktur, hefur sungið
fjölda ópera og tónleika á Íslandi. Snorri
Wium er einnig vel þekktur og hefur
komið víða við á söngferli sínum, þá
sérstaklega í Þýskalandi og víðar. Þriðji
tenórinn að þessu sinni er Garðar Thor
Cortes sem vart þarf að kynna, svo
rækilega hefur hann sungið sig inn í
hjörtu landsmanna á undanförnum
árum.
Steinunn Birna Ragnarsdóttir sér um
meðleikinn á píanó. Tónleikarnir hefjast
klukkan 21 á svölum Vallarstrætis 4 við
jólaþorpið á Ingólfstorgi.
Jóhann Friðgeir Valdimarsson.
102 menning Helgin 21.-23. desember 2012