Fréttatíminn - 21.12.2012, Síða 46

„Ég hef farið á nokkra tónleika
með þeim hér í Bretlandi og í Sví-
þjóð og þetta verður sífellt stærra
og stærra. Þau hafa komið fram
í öllum helstu fjölmiðlum og eru
víða til umfjöllunar. Svona árangur
verður auðvitað til þess að óhjá-
kvæmilega skapast aukinn áhugi
og umfjöllun um íslenska tónlist.
Of Monsters and Men er poppaðra
band og meira „mainstream“ en
flest það sem vakið hefur athygli
frá Íslandi og það er skemmtileg
viðbót við þá fjölbreytni sem fyrir
er. Það er án efa hvetjandi fyrir
lagahöfunda í poppmúsík á Íslandi
að þetta band skuli hafa slegið í
gegn.“
Anna Hildur segir að margt
hafi smollið saman til að vel-
gengni Of Monsters and Men hafi
orðið sem raun ber vitni. Útgáfu-
fyrirtækið hafi haft mikla trú á
sveitinni, mikil fjárfesting sé í
verkefninu, gott teymi af fólki hafi
unnið með þeim og þau sjálf séu
vinnusöm og skilji og skynji vel
hvaða leið þau séu að fara. Hún
hrósar sérstaklega starfi umboðs-
manns þeirra, Heather Kolker.
Hún starfar sem tónleikabókari á
stórri skrifstofu í Bandaríkjunum
og vinnan með Of Monsters and
Men var frumraun hennar í starfi
umboðsmanns. Kolker á íslensk-
an mann og býr hér á landi. „Það
var mikill fengur fyrir sveitina að
fá hana snemma inn til að þróa
ferilinn. Hún er mjög öflug,“ segir
Anna Hildur. Rúm tíu ár eru síðan
Sigur Rós sló í gegn úti í heimi.
Anna Hildur segir að fjöldinn all-
ur af listamönnum frá Íslandi hafi
verið að gera góða hluti og vakið
mikla athygli á undanförnum
árum og því spennandi að fylgjast
með því hvaða band yrði næst
til að slá í gegn. Hún segir þó að
enginn hafi getað séð uppgang Of
Monsters and Men fyrir. „Maður
hefði aldrei þorað að gerast svo
djarfur að spá því að við ættum
band sem kæmist beint í sjötta
sætið á Billboard þegar frumraun
þeirra kom út í Bandaríkjunum.
Yfir milljón eintök seld á einu ári?
Þetta er ótrúlegur árangur!“
Hvað geta þau náð langt?
„Ég held að það sé eins og að
spyrja hvar endar himininn. Það
eru í raun engin takmörk fyrir
því hvað þau geta komist langt.
Aðalatriðið er að þau hafi gaman
af því sem þau eru að gera svo þau
haldi áfram að gera góða tónlist.
Þau eru farin að fylla þúsund til
tvö þúsund manna tónleikastaði.
Það eru mjög stórir tónleikar þar
sem þau eru aðalnúmerið. Ég hef
aldrei séð neitt íslenskt band þró-
ast svona hratt ef við horfum bara
á markaðslegan árangur. En þetta
er bara byrjunin hjá þeim.“
Þau voru með „hittarann“ strax í
byrjun, lagið Little talks...
„Það var lag sem spurðist út
fljótt í gegnum útvarpsspilun í
Bandaríkjunum. Þetta var fyrsta
lagið árið 2011 á safndiski ÚTÓN
sem kallast Made in Iceland og er
sendur til háskólaútvarpsstöðva til
að vekja athygli á nýjustu útgáf-
unum á Íslandi hverju sinni. Og
það komu strax mikil viðbrögð.
Sjálf pældi ég mikið í því hvort það
myndi nýtast þeim betur að bíða í
eitt ár því þetta var bara árið eftir
að þau unnu músíktilraunir. Tóm-
as Young sem vinnur hjá ÚTÓN
var hins vegar harðákveðinn í að
þetta væri rétti tíminn.“
Anna Hildur segir að með-
limir Of Monsters and Men hafi
góðan bakgrunn í tónlist og virki
á sig sem duglegt og heilsteypt
fólk. „Þau voru búin að undir-
búa jarðveginn hvert á sinn hátt.
Það er einhver gjöf að akkúrat
þessi blanda skuli smella saman
og ná svona vel til fólks. En þetta
er hörkuvinna og gríðarlegt álag.
Þau ferðast á nóttinni á milli staða
í svefnrútum og þurfa síðan oft
að mæta í fjölda viðtala og á upp-
ákomur fyrir utan að koma fram á
tónleikum. En á meðan þau hafa
orkuna í þetta eru þeim allir vegir
færir.”
Eru þessir krakkar orðnir ríkir?
„Það get ég ekki ímyndað mér.
Ég veit ekki hvernig staðan þeirra
er en í verkefnum eins og þessi
er gríðarleg fjárfesting sem fer
í þróunarferlið og markaðssetn-
inguna. Ég ímynda mér að þau séu
ekki að skammta sér há laun því
fyrirframgreiðslan sem þau hafa
fengið frá útgáfufyrirtækinu sínu
þarf eflaust að duga í 2-3 ár. Auðvi-
tað verða stefgjöldin dágóð þegar
þau berast ef hittari gengur lengi.
Svo uppskera þau af því smátt og
smátt eftir því sem verkefnið vex
og dafnar.“ -hdm
Íslenska samstaðan
Tónlistarmaðurinn Örn Elías
Guðmundsson, Mugison, mun
hita upp fyrir Of Monsters and
Men á tónleikaferð um Evrópu
í febrúar og mars. Anna Hildur
segir að sér þyki vænt um þá sam-
stöðu sem sé meðal íslenskra
tónlistarmanna almennt. „Það
er gaman að OMAM skuli detta
fyrst í hug að bjóða Lay Low,
Sóleyju og nú Mugison á allar
stóru tónleikaferðirnar sínar. Það
er mikið framlag af þeirra hálfu
til að vekja athygli á áhugaverðum
tónlistarmönnum frá Íslandi.“
46 úttekt Helgin 21.-23. desember 2012