Fréttatíminn - 21.12.2012, Side 98

98 bíó Helgin 21.-23. desember 2012
Gan-
dálfur
var
Fróða til
halds og
trausts
og hann
er ekki
minni
örlaga-
valdur
í sögu
Bilbós.
 Hobbitinn Forleikurinn byrjar
e ftir nokkurt japl, jamm og fuður varð úr að Peter Jackson tók að sér að kvik-mynda The Hobbit og aðdáendur Hringa-
dróttins sögu fögnuðu niðurstöðunni að vonum
ákaft enda vandséð, eftir Hringadróttins sögu,
að nokkur annar leikstjóri væri betur fallinn
til verksins. Þó runnu tvær grímur á einhverja
í haust þegar Jackson lét þau boð út ganga að
hann væri búinn að taka upp slíkt magn af efni
að hann ætlaði sér að skila The Hobbit af sér í
þremur kvikmyndum og skipta sögunni í kafl-
ana An Unexpected Journey, The Desolation of
Smaug og There and Back Again.
Fyrsta myndin verður frumsýnd á Íslandi á
öðrum degi jóla en seinni myndirnar tvær skila
sér á næsta ári og því þar næsta. Skemmst er
frá því að segja að eins og við mátti búast hefur
The Hobbit slegið aðsóknarmet ytra og engin
kvikmynd fyrr né síðar hefur skilað jafn miklum
tekjum af desemberfrumsýningu. Gagnrýnend-
ur eru hins vegar síður en svo á einu máli um
ágæti myndarinnar og á meðan sumir fagna
henni innilega eru aðrir á þeirri skoðun að held-
ur fari nú leiðangur Bilbós skrykkjótt af stað.
Bilbó er, eins og sjálfsagt allir vita frændi
Fróða, sem var í forgrunni Hringadróttins sögu
þegar hann fékk það vandasama verkefni að
eyða Hringnum eina. Í The Hobbit segir aftur á
móti frá því hvernig Bilbó hafði hringinn með
klækjum af undirheimaverunni Gollum sem
Hringurinn hafði á löngum tíma gerspillt og
breytt í ófreskju.
Gandálfur var Fróða til halds og trausts og
hann er ekki minni örlagavaldur í sögu Bilbós
þar sem hann dregur heimakæran hobbitann
úr snyrtilegri hobbitaholunni sinni og dröslar
honum á vit ævintýranna og örlaganna.
Eftir óvænta heimsókn frá Gandálfi og þrett-
án misgáfuðum dvergum sem lúta stjórn hins
konungborna Þórins slæst Bilbó treglega í för
með hópnum. Förinni er heitið til Auðnafjalls
sem áður var heimkynni dverganna. Drekinn
Smákur hefur hins vegar tekið sér bólfestu
þar, flæmt dvergana á brott og liggur nú á gulli
þeirra. Þórinn er staðráðinn í því að sigra drek-
ann og setjast að í konungsríki dverganna og
ekki spillir fjársjóðurinn fyrir. Hvaða erindi
Bilbó á í þessa háskaför er öllum hulið nema
Gandálfi sem stendur fastur á mikilvægi hob-
bitans fyrir leiðangurinn. Sjálfur vill Bilbó helst
bara hafa það notalegt í hægindastólnum sínum
og borða egg og beikon og vill sem minnst af
ævintýrabrölti vita.
Jackson tengir Hobbita-bálk sinn Hringa-
dróttins sögu-myndunum sterkum böndum
með því að dýpka og teygja á sögu Bilbós með
forsögum persóna og sækir efnivið sinn ekki
aðeins í bókina heldur einnig eftirmála Hringa-
dróttins sögu. Nokkrir leikarar sem voru áber-
andi í Hringadróttins sögu endurtaka hér rullur
sínar og þar ber vitaskuld fyrstan að nefna Ian
McKellen sem leikur Gandálf. Andy Serkis túlk-
ar Gollum áfram, Ian Holm leikur Bilbó á eftri
árum og Elijah Wood leikur Fróða á ný. Chri-
stopher Lee lætur sig ekki vanta sem Sarúman
og Hugo Weaving, Cate Blanchett og Orlando
Bloom mæta til leiks í hlutverkum álfanna El-
rond, Galadriel og Legolas.
Martin Freeman (Sherlock, Hot Fuzz, The
Hitchhiker's Guide to the Galaxy) leikur svo
Bilbó og þykir standa sig með stakri prýði enda
hefur Jackson látið hafa eftir sér að enginn ann-
ar leikari hafi komið til greina í hlutverkið.
Árið 1937 sendi J.R.R. Tolkien frá sér skáldsöguna Hobbitinn þar sem hann sagði frá mögnuðu ferða-
lagi hobbitans Bilbó Baggasonar. Hobbitinn er frekar stutt og snotur saga sem síðar varð forleikur
hins tröllvaxna bálks höfundarins um Hringadróttins sögu. Peter Jackson kvikmyndaði Hringadrótt-
ins sögu fyrir nokkrum árum með einstökum tilþrifum en er nú kominn aftur á byrjunarreit og ætlar
sér að rekja sögu hobbitans í þremur kvikmyndum, rétt eins og hann gerði með Hringadróttins sögu.
Þórarinn
Þórarinsson
toti@frettatiminn.is
Óvænt ferðalag
Sverðið Stingur frá Gondólín á oft eftir að reynast Bilbó vel á ferð sinni með dvergunum og Gandálfi.
Pi og tígrisdýrið Richard Parker mega dúsa saman á reki
úti á reginhafi mánuðum saman.
 Frumsýnd liFe oF Pi
Á reki með tígrisdýri
Kvikmyndaaðlögun hins fágaða leikstjóra Ang Lee (Broke-
back Mountain, Crouching Tiger, Hidden Dragon) á skáld-
sögunni Life of Pi verður frumsýnd á föstudag. Myndin
er gerð eftir samnefndri skáldsögu Yann Martel frá árinu
2001 og segir frá hinum 16 ára gamla Pi Patel sem þarf að
eyða 227 dögum á reki í björgunarbáti úti á reginhafi með
Bengal-tígrísdýr um borð.
Þegar Pi er sextán ára ákveður faðir hans að loka dýra-
garði sem fjölskyldan rekur á Indlandi, selja dýrin og flytja
til Kanada. Þau sigla með japönsku flutningaskipi sem ferst
á miðri leið. Fjölskylda Pi ferst með skipinu en hann kemst
í björgunarbát þar sem tígrisdýrið Richard Parker felur sig.
Þessir ólíklegu ferðafélagar þurfa að venjast hvor öðrum
og á meðan Pi bíður eftir björgun áttar hann sig á því að
hann heldur í sér lífinu með því að sinna tígrisdýrinu.
MEÐ STUÐNINGI REYKJAVÍKURBORGAR OG KVIKMYNDAMIÐSTÖÐVAR ÍSLANDS  MIÐASALA: 412 7711
KOMDU Í KLÚBBINN!
bioparadis.is/klubburinn
SKÓLANEMAR: 25% afsláttur
gegn framvísun skírteinis!
NÝTT Í BÍÓ PARADÍS Á ANNAN Í JÓLUM!
Sjá sýningartíma á BIOPARADIS.IS og MIDI.IS
SVARTIR SUNNUDAGAR:
Kl. 20 annan í jólum.
Aðeins þessi eina sýning.
CHAPLIN:
GULLÆÐIÐ
ÞRJÚBÍÓ
ANNAN Í JÓLUM
950 KR. INN
Njótið jólanna
TANTRA- FÁKAFENI & HLÍÐARSMÁRA - TANTRA.IS
H a m r a b o r g – N ó a t ú n 1 7 – H r i n g b r a u t – A u s t u r v e r – G r a f a r h o l tÞarf ekki a
ð sjóða!
GirnileGir Hagnýt
jólagjöf
THE DAISY
COLLECTION
Laugavegi 15 - 101 Reykjavík
sími 511 1900 - www.michelsen.is