Fréttatíminn - 21.12.2012, Side 110

 Huginn Þór Ofvirki barnabókaHöfundurinn
Orðinn jafn umfangs­
mikill og Mál og menning
Huginn Þór Grétarsson stofnaði barnabókaútgáfuna Óðinsauga fyrir nokkrum árum og hefur
dælt út barnabókum af miklu kappi. Svo miklu að hann virðist hálf ofvirkur í útgáfunni enda
skrifar hann, þýðir eða endursegir stóran hluta þeirra ævintýra sem hann hefur gefið út. Hann
gefur út 24 titla á þessu ári og er að einhverju leyti sjálfur með puttana í tíu þeirra. Flaggskip
útgáfunnar í ár er bókin Jólalögin okkar þar sem hann fléttar íslensku jólasveinana þrettán
saman við útlend áhrif sem rugla börn í ríminu.
H uginn Þór Grétarsson gaf út bókina Háska-fór um Suður-Ameríku undir merkjum Óðinsauga árið 2006. Hann gaf síðan allt í
botn tveimur árum síðar þegar hann sendi frá sér
fimm barnabækur eftir sjálfan sig 2008.
„Þarna kom ég inn af fullri hörku og hef að meðal-
tali verið með þrjár bækur ár ári en núna er ég með
tíu bækur sem ég kem að á einhvern hátt,“ segir
Huginn sem gefur í það heila út 24 titla á þessu
ári. „Óðinsauga er orðin stærst í íslenskri barna-
bókaútgáfu ásamt Máli og menningu. Tíu bækur
eru ekkert smáræði en ég er svo líka með helling
af verkum eftir aðra höfunda. Ég frumsem þetta nú
samt ekki allt og þarna inn á milli eru gömul góð ís-
lensk ævintýri, eins og Búkolla og Naglasúpan, sem
ég hef aðeins snyrt til. Þannig að ég leik mér svolítið
með þekkt efni en auðvitað er þetta alltaf einhver
úrvinnsla.“
Huginn segist án efa vera söluhæsti barnabóka-
höfundurinn á þessu ári. „Ég er búinn að selja um
2000 bækur bara í leikskólana og er með bækur inni
á metsölulistum núna. Ég er með svo marga titla að
ég er örugglega lang söluhæsti barnabókahöfundur-
inn síðustu tvö ár.“
Myrkfælna tröllið er ein þeirra bóka sem Huginn
skrifar sjálfur en í henni hjálpar hann börnum að
takast á við myrkfælni. Síðan er hann sérstaklega
ánægður með ungbarnabókina Kúkum í koppinn
sem hefur farið vel af stað. „Ég gerði hana fyrir lít-
inn frænda minn sem heitir Nökkvi og það er engin
lygi að daginn sem hann fékk bókina þá hætti hann
að kúka í bleiuna. Hún virkaði svona vel.“
Huginn segist hafa heillast af barnabókunum
vegna þess að það sé honum ákveðið metnaðarmál
að koma góðum boðskap áleiðis og barnabækurnar
séu kjörnar til þess. „Það er allt í lagi að vekja börn
aðeins til umhugsunar án þess að vera eitthvað að
predika sérstaklega. Ég velti bara upp alls konar
spurningum á fyndinn hátt.“
Stærsta bók Hugins á þessari vertíð er Jólalögin
okkar en í henni segist hann reyna að flétta útlend
áhrif á íslensku jólasveinana saman við gömlu sög-
urnar og búa til grundvöll fyrir börn að fá til dæmis
botn í fljúgandi vagn og hreindýr heilags Nikulásar
sem eru vitaskuld býsna fjarri veruleika Grýluson-
anna þrettán.
„Það eru komnar svo margar hugmyndir að utan
sem rugla hugmyndafræðina um jólasveinana þrett-
án. Þannig að ég segi til dæmis frá hreindýrum sem
var sleppt á hálendi Íslands á sínum tíma og hurfu
síðan sporlaust. Ég kem með þá skýringu að auð-
vitað hafi jólasveinarnir tekið þau og það hafi síðan
helst komið í hlut Grýlu að hugsa um dýrin.“
Þórarinn Þórarinsson
toti@frettatiminn.is
Huginn Þór á fimm
ára gamla dóttur og er
duglegur að segja henni
sögur. Hann segir við-
fangsefni sín óhjákvæmi-
lega taka eitthvert mið
af dótturinni. „Ég er að
skrifa aðeins dýpri sögur
núna og er að færa mig
aðeins upp í aldri með
henni.“ Mynd Hari
„Það eru komnar svo
margar hugmyndir að
utan sem rugla hug-
myndafræðina um
jólasveinana þrettán.“
 Jólatré Ellý StEinSdóttir Er fJögurra barna móðir Og flugfrEyJa
Fullt starf að vera í
flugbjörgunarsveit
„Jú, ég starfa sem flugfreyja og
leiðsögumaður auk þess sem ég
hef verið að vinna smá aukavinnu í
Minju, Skólavörðustíg,“ segir Ellý
Steinsdóttir sem gekk að auki í
Flugbjörgunarsveitina í Reykjavík
(„það er reyndar alveg fullt starf
að vera í Flugbjörgunarsveitinni,“
segir hún og hlær) á árinu og
gengst þessa dagana undir stranga
nýliðaþjálfun auk þess að standa
vaktina í jólatrjásölu FBSR í húsi
sveitarinnar við Flugvallarveg.
Það er opið frá 10-22 fram að jólum
og mikil stemning í húsinu.
„Að vera björgunarsveitinni er
bara sennilega það magnaðasta
sem ég hef gert,“ segir Ellý sem
á fjögur börn, það yngsta átján og
elsta 27, en það er ekki langt síðan
hún flutti heim eftir að hafa búið
í fimmtán ár í Bretlandi og eitt og
hálft ár í München. „Þetta er miklu
skemmtilegra en mig grunaði.
Félagsskapurinn og samkenndin
er einstök.“
Ellý segist hafa bara gleymt því
að hún ætti að vera orðin gömul.
Hún lærði það af börnunum sínum
og hefur ávallt haft það sem stefnu
að lifa lífinu lifandi.
„Ég verð að selja jólatré alla
helgina,“ segir þessi glaða kona.
Mikael Torfason
mikaeltorfason@frettatiminn.is
Ellý Steinsdóttir bregður
á leik með Kertasníki.
Vinsæll
dagskrárstjóri
Kvikmyndagerðarfólk og að
því er virðist nánast hver
einasta manneskja sem
kúldrast með hugmyndir
að leiknu sjónvarpsefni í
kollinum leggur leið sína í
röðum í Efstaleitið til þess
að funda með nýráðnum
dagskrárstjóra Sjónvarps-
ins, Skarphéðni Guðmunds-
syni. Skarphéðinn var áður
dagskrárstjóri Stöðvar 2
sem hefur á undanförnum
árum pakkað Ríkissjónvarp-
inu saman þegar kemur að
framleiðslu leikins íslensks
efnis. Á meðan Stöð 2 hefur
teflt fram Vakta-seríunni,
Pressu og Rétti hefur RÚV
borið á borð til dæmis Tríó
og Kexvexsmiðjuna sem
stóðu efni Stöðvar 2 langt
að baki í gæðum. Nú ríkir
hins vegar mikil bjartsýni
í bransanum og fólk
gerir sér miklar vonir um
að Skarphéðni fylgi ferskari
straumar.
Guðni grínast yfir skötu
Skatan er ýmist talin
aufúsu- eða vágestur
á Þorláksmessu en
ekki verður hjá því
komist að skötulykt-
ina leggi víða yfir
á sunnudaginn. Á
Grand Hótel verður
blásið til rammís-
lenskrar skötuveislu
á Þorláksmessu á
milli klukkan 12-14
og varla er nokkur
hætta á því að gestir muni sitja grettnir yfir borðum þar sem landbúnaðarráðherr-
ann fyrrverandi og grínarinn Guðni Ágústsson mætir á staðinn, stígur í pontu þar
sem hann ætlar að ræða lífsins gagn og nauðsynjar á sinn sérstaka hátt.
Sex fengu Kraumsverðlaun
Sex hljómsveitir og tónlistarmenn fengu Kraums-
verðlaunin í vikunni fyrir framúrskarandi plötur á
árinu. Verðlaunin hlutu Ásgeir Trausti, Hjaltalín, Moses
Hightower, Ojba Rasta, Pétur Ben og Retro Stefson.
Kraumsverðlaunin fela í sér að Kraumur kaupir plötur
listamannanna og dreifir þeim til áhrifafólks í tónlistar-
bransanum erlendis og eykur þar með möguleika þeirra
til að koma verkum sínum á framfæri.
THE MOONLIGHT
COLLECTION
Laugavegi 15 - 101 Reykjavík
sími 511 1900 - www.michelsen.is
110 dægurmál Helgin 21.-23. desember 2012