Bændablaðið - 31.10.2013, Qupperneq 49
49Bændablaðið | Fimmtudagur 31. október 2013
Prófun Bændasamtaka Íslands á gátlista (áhættumatsgerð) á 31 búi í Reykhólasveit:
Sýnir innan við 3% slysatíðni
og ríkan vilja til endurbóta
Prófun BÍ á gátlista (áhættumats-
gerð) á þrjátíu og einu búi frá 1.
nóvember 2012 til 26. september
2013 leiðir í ljós að ríkur vilji er til
að gera betur. Prófunun var unnin
undirrituðum í samstarfi við
Búnaðarfélagið í Reykhólasveit.
Miðað við uppgefin fjölda starfa
á hverju býli störfuðu alls 70–71 á
þeim býlum og bæjum sem tóku
þátt í tilrauninni, en þrjú býli voru
utan Reykhólasveitar með 23 störf
á ársgrundvelli, en það voru garð-
yrkjubýli, svínabú og fuglabú.
Dagana 12–14. nóvember
2012 voru 26 bæir heimsóttir í
Reykhólasveit og var þeim afhentur
gátlistann Áætlun um öryggi og heil-
brigði við landbúnaðarstörf. Gátlisti
þessi var fyrsta tilraunaútgáfa af
áhættumatslista sem unnin var af
Unnsteini Snorra Snorrasyni og
undirrituðum fyrir BÍ.
Aftur var farið í heimsókn á flesta
bæina dagana 26.–30. nóvember
2012 og farið yfir gátlistann með
mönnum ýmist yfir kaffibolla eða í
húsum og við vélar og tæki. Flestir
töldu listann gagnlegan og þeim til
gagns en hefðu viljað fá eftirlits-
mann til að ganga um landareign,
hús og tækjageymslur í von um að
hann gæti bent á það sem betur mætti
fara, enda er glöggt gests augað.
Þess voru þó dæmi að menn væru
ósáttir við listann og vinnubrögðin
og að lítið gagn væri í heimsóknum
mínum þar sem ég hefði hvorki
menntun né vald til neinna skipanna.
Var þar vitnað í eftirlitsmann frá
Vinnueftirlitinu.
Dagana 25. og 26. september
2013, tíu mánuðum eftir fyrstu heim-
sókn, var hringt í alla sem voru í til-
rauninni. Alls náðist í 29 bæi og voru
þeir sem svöruðu símanum spurðir
persónulegra spurninga í þrem liðum.
1. Hefur einhver meitt sig á býlinu
síðustu 10 mánuðina?
2. Hefur eitthvað breyst í vinnu-
ferlum eða verið hugsað til
áhættumatslistans við vinnu
síðustu 10 mánuði?
3. Hvort telur þú vænlegra til árang-
urs um vinnuvernd, heimsóknir
með skoðun eða pistlaskrif í
Bændablaðið?
Af 31 bæ náðist ekki í tvo, sem
báðir eru einyrkjar. Alls svöruðu því
29 fyrir störfin 69. Af 69 hafa tveir
slasað sig á tímabilinu, báðir við
umgengni við nautgripi og meiðslin
voru á hendi. 19 af 29 hafa hugsað til
eða breytt vinnuferlum á tímabilinu
vegna listans. 9 af 29 vilja bæði heim-
sóknir og pistlaskrif í Bændablaðið,
14 af 29 vilja heimsóknir með létt-
skoðun og 6 vilja byggja á pistla-
skrifum í Bændablaðið.
Samantekt í nokkrum orðum
Innan við 3% slasast á 10 mánaða
tímabili (2 af 71).
19 af 29 hugsuðu til listans eða
breyttu vinnuferlum.
Aðeins 6 vilja byggja þetta
á pistlaskrifum einum í
Bændablaðið.
23 vilja heimsóknir til að fylgja
eftir gátlista.
Hins vegar sýnir það viljann til
væntinga og árangurs að rétt
tæpur þriðjungur vill bæði heim-
sóknir og pistlaskrif, sem sýnir
viljann til laga það sem hægt er
með öllum ráðum.
Reykjavík 7.10. 2013,
Hjörtur L. Jónsson
Öryggismál
Námskeið í
gæðastýringu í
sauðfjárrækt
Eitt af skilyrðum fyrir þátttöku í gæðastýrðri sauðfjárfram-
leiðslu er að hafa sótt undirbúningsnámskeið en þau verða
haldin á eftirtöldum stöðum í nóvember nk.
Mánudagur 11. nóvember, Hvanneyri
Þriðjudagur 12. nóvember, Stóra Ármót
Miðvikudagur 13. nóvember, Búgarður, Akureyri
Fimmtudagur 14. nóvember, Bsb. Austurlands, Egilsstöðum
Námskeiðin hefjast kl. 10.00 fyrir hádegi
og þeim lýkur kl. 18.00.
Skráning
Þeir sem óska eftir að sækja fyrirhuguð námskeið eru
vinsamlegast beðnir að skrá þátttöku til Bændasamtaka
Íslands fyrir 4. nóvember næstkomandi. Unnt er að skrá
þátttöku í síma 563-0300 eða á tölvupósti bella@bondi.is.
Námskeið geta fallið niður ef ekki næst lágmarksþátttaka.
Bændasamtök Íslands,
Bændahöllinni við Hagatorg,
107 Reykjavík
Dekkin
í verkin
Gæðadekk fyrir
íslenskan landbúnað
okkar í síma 590 2045
Umboðsmenn um land allt
Næsta
Bændablað
kemur út
14. nóvember
Smáauglýsinga-
síminn er:
563 0300