Læknablaðið - 01.04.1978, Qupperneq 18

52
LÆKNABLAÐIÐ
t
MINNING
KJARTAN R. GUÐMUNDSSON
F. 14. apríl 1906
D. 5. okt. 1977
Þann 5. okt s.l. andaðist að heimili sínu
hér í Reykjavík Kjartan Ragnar Guð-
mundsson dr.med., fyrrum prófessor og yf-
irlæknir. Útför hans var gerð í kyrrþey
12. okt. s.l.
Með Kjartani er ekki aðeins genginn
brautryðjandi og foringi, heldur og sann-
ur maður og góður drengur, og fyrir þann,
sem þetta ritar, trúr og einlægur vinur.
Þegar slíkir menn kveðja skilja þeir eftir
skaið, sem torfyllt er, og vandsetið er hans
auða sæti svo vel sé. Minningin um
dugnað hans og ósérhlífni, tryggð og hjarta-
hlýju mildar söknuð þeirra, er næstir hon-
um stóðu.
Kjartan Ragnar Guðmundsson var fædd-
ur að Ytri-Skógum undir Eyjafjöllum 14.
apríl 1906. Foreldar hans voru hjónin Mar-
grét Bárðardóttir cg Guðmundur Kjartans-
son, bóndi og smiður að Ytri-Skógum. Syst-
kini átti Kjartan fjögur og lifa hann þrjú
þeirra, en einn bróðir var áður látinn.
Kjartan sýndi fljótt, að hann var góðum
gáfum gæddur, skarpur og dugmikill, og
var því settur til mennta. Hann lauk stúd-
entsprcfi frá Menntaskólanum í Reykjavík
árið 1930 og embættisprófi í læknisfræði
við Háskóla íslands árið 1936. Sérfræði-
nám í taugasjúkdómafræði stundaði hann i
Svíþjóð og Danmörku frá ársbyrjun 1938
til ársloka 1940, og síðar við móðurstofn-
un allrar neurology á Queen Square í
Lundúnum. Honum var veitt hér almennt
lækningaleyfi árið 1939 og viðurkenning
sem sérfræðingur í taugasjúkdómafræði
árið 1942.
Á löngum starfsferli kom Kjartan víða
við.
Þannig var hann um skeið héraðslæknir
á Siglufirði, Hornafirði, Hafnarfirði,
Hólmavík og í Reykjafjarðarhéraði. Hann
var aðstoðarmaður berklayfirlæknis 1942—
1944, og um hríð aðstoðarlæknir á Víf-
ilsstöðum og á Kleppsspítala, en starfaði
lengst sem sérfræðingur á lækningastofu
sinni hér í Reykjavík, allt frá árinu 1942
cg fram undir árið 1970, og starfaði þá jafn-
framt á þessu tímabili lengst af sem ráð-
gefandi sérfræðingur í taugasjúkdómum við
sjúkrahúsin í Reykjavík. Hann var ráðinn
formlega til slíkra starfa við Landspítalann
árið 1957, en varð síðan yfirlæknir við
taugasjúkdómadeild þess sjúkrahúss við
stofnun hennar árið 1967. Hann hóf
kennslu við læknadeild Háskóla íslands ár-
ið 1957, fyrst sem stundakennari, en var
síðan ráðinn lektor, skipaður dósent og
gegndi loks stöðu prófessors. Hann varði
doktorsritgerð við Háskóla íslands í des-
ember árið 1974 um rannsóknir sínar á
taugasjúkdómum á íslandi.
Kjartan var brautryðjandi hérlendis í
taugasjúkdómafræði. Hann var vel mennt-
aður og hélt við menntun sinni með ágæt-
um, sótti þing og fór námsferðir reglulega,
og var sérlega tíður gestur og vel virtur
á Queen Square í Lundúnum.
Hann tók miklu ástfóstri við sérgrein
sína cg þiónaði henni af þeirri sömu dyggð
cg trúmennsku og öllu því öðru, sem hon-
um var til trúað. Hann barðist alla tíð ó-
trauður fyrir vexti, viðgangi og virðingu
sérgreinar sinnar.
Dugnaður Kjartans og atorka var með
eindæmum og það ásamt greind hans,
snerpu og skarpskyggni gerði það að verk-
um, að hann skilur eftir sig ótrúlega mik-
ið og frjótt dagsverk. í hart nær 20 ár ann-
aðist hann lengst af nánast einn alla neur-
ologíska þjónustu í landinu, á stofu sinni,
á ferðalögum um landið, cg sem ráðgefandi