Læknablaðið - 01.03.1979, Qupperneq 90

52
LÆKNABLAÐIÐ
RÁÐSTEFNA UM KRANSÆÐASJÚKDÓMA Á ÍSLANDIV
ÁGRIP AF ERINDUM
Ásgeir Jónsson:
Brjóstverkir og hjartalínuritsbreytingar
meðal miðaldra íslenskra karlmanna
Rannsóknin nær til 2203 karlmanna, sem
fæddir eru 1907—1934 og mættu i fyrsta áfanga
hóprannsóknar Hjartaverndar 1968 og þess
hluta þeirra, sem kom til endurrannsóknar
1971 (alls 1860) og 1974—1976 (1975) (alls
1792). Hjartakveisa (angina pectoris) var
greind eftir svörum þátttakenda við spurn-
ingalista og/eða eftir mati læknis með hlið-
sjón af hjartalínuritsbreytingum i hvíld eða
við áreynslu. Algengi (prevalence) hjarta-
kveisu 1968 var 5.5%, 1971 5.9% og 1975 5.6%.
Algengið fór vaxandi með aldri, 2.6—2.9%
þátttakenda, sem fæddir eru 1934 gáfu grun
um hjartakveisu, en 19.8—23.2% þeirra, sem
fæddir eru 1907. Af þeim hópi, sem hafði
hjartakveisu 1968 voru 30% enn með hjarta-
kveisu 1971 og 22% 1975. Af þátttakendum,
sem mættu til skoðunar 1968 og aftur 1971 og
1975 höfðu 13.3% hjartakveisu í a.m.k. einni
skoðun á tímabilinu 1968—1975 (period pre-
valence). Kannað var algengi hjartalinurits-
breytinga; 0.7—2.0% þátttakenda 1968 höfðu
breytingar, sem bentu til þess, að Þeir hefðu
fengið kransæðastiflu og önnur 4.2% höfðu
línuritsbreytingar, sem bentu til kransæða-
sjúkdóms án kransæðastíflu.
Líkur á að miðaldra karlar með grun um
kransæðasjúkdóm (hjartakveisu og/eða
hjartalínuritsbreytingar) fái kransæðastíflu
(fyrsta sinni) innan 7—8 ára virðast þrefald-
ar miðað við þann hóp, sem ekki er talinn hafa
kransæðasjúkdóm.
GiiÖmundur Sigurösson:
Brjóstverkir í starfi heimilis- og héraðs-
læknis
Kannaðar voru eftirtaldar heimildir um
brjóstverki og kransæðasjúkdóma meðal íbúa á
starfssvæði Heilsugæslustöðvarinnar á Egils-
stöðum. (Ibúafjöldi 01.12.1977 2.673).
1. Skrá um samskipti íbúa og lækna stöðvær-
innar á árinu 1977.
2. Dagbók sjúkrahússins á Egilsstöðum 1977.
3. Dánarvottorð 1977.
* Haldin á vegum Rannsóknarstöðvar Hjarta-
verndar og lyfjadeilda Borgarspítalans,
Landakotsspítala og Landspítala í Domus
Medica, laugardaginn 28. október, 1978.
Skrá um samskipti. Samskipti íbúa og lækna
1977 voru alls 10.760, að meðaltali 4 pr. íbúa.
Þau voru flokkuð í: símtöi 16.1%, komu á stofu
63.9%, vitjanir 4.4% og annað 15.6%. Við hver
samskipti voru skráð auk annars, eftirfarandi
3 atriði: Tilefni sjúklings, greining læknis og
úrlausnir.
Samskipti vegna brjóstverkja (tilefni sjúk-
lings sjálfs verkur einhvers staðar í brjóst-
kassa eða brjóstholi) voru 145 eða 1.3% af
öllum samskiptum, en algengari hjá körlum
(2.4%) en konum (0.5%). Hjá körlum var
brjóstverkur mjög algengt tilefni vitjunar eða
35% allra vitjana.
Við talningu á einstaklingum, sem leituðu
læknis vegna brjóstverkja kom í ljós að þeir
voru 54 alls, en leituðu sumir mjög oft læknis.
T.d. var farið oftar en 65 sinnum í vitjun til
eins karlmanns vegna brjóstverkjar.
Algengustu sjúkdómsgreiningar voru sam-
kvæmt ICD flokkum. Hjá körlum: Blóðrás
69%, symptom 13%, vöðvakerfi 6%, öndunar-
færi 5.2%. Hjá konum: Symptom 31%, vöðva-
kerfi 21%, blóðrás 17%, geð 14%.
Algengustu úrlausnir voru: Lyfjagjöf 147
ordinationir. EKG 18x. Innlögn í sjúkrahús
llx.
Samskipti vegna kransæðasjúkdóma (Grein-
ing læknis ICD 410, 411, 412 eða 413) voru alls
277 eða 2.6% af öllum samskiptum, hjá körlum
4.7% og hjá konum 0.9%.
Algengustu tilefni samskipta hjá körlum þar
sem greining var kransæðasjúkdómur voru:
Brjóstverkir 35%, endurnýja lyf 27%, eftirlit
14%.
Innlagnir í sjúkrahús
Á árinu 1977 voru alls 102 innlagðir á
sjúkrahús úr íbúahópnum.
14 innlagnir, 13.7%, voru vegna kransæða-
sjúkdóma, allar á sjúkrahúsið á Egilsstöðum.
9 karlar voru lagðir inn og 1 kona og reynd-
ust 4 karlar hafa kransæðastiflu. [Um innlagn-
ir beint í önnur sjúkrahús vegna kransæða-
sjúkdóma var ekki að ræða, en 4 sjúklingar
af þessum 14 voru síðar lagðir inn á Land-
spítala í framhaldi af vist á sjúkrahúsinu á
Egilsstöðum].
Dauösföll
Á árinu 1977 létust 18 karlar og 6 konur úr
íbúahópnum. Af þeim dóu 2 karlar og 2 konur
úr kransæðasjúkdómi. [Úr öðrum hjarta og
æðasjúkdómum dóu 3 karlar og 1 kona, af