Fréttatíminn - 17.12.2010, Page 18

– Lifið heil
www.lyfja.is
ÍS
L
E
N
S
K
A
/S
IA
.I
S
/L
Y
F
5
24
31
1
1/
10
Jólin eru tími til að gefa.
Í Lyfju finnurðu úrval af gjafavöru í pakkana til þeirra
sem þér þykir vænst um. Við erum aldrei langt undan.
Mundu eftir jólahandbók Lyfju.
Kannski er
jólagjöfin í Lyfju
Lágmúla - Laugavegi - Garðatorgi - Smáralind - Smáratorgi - Setbergi - Borgarnesi - Grundarfirði - Stykkishólmi - Búðardal - Patreksfirði - Ísafirði - Bolungarvík - Blönduósi - Hvammstanga
Skagaströnd - Sauðárkróki - Húsavík - Kópaskeri - Raufarhöfn - Þórshöfn - Egilsstöðum - Seyðisfirði - Neskaupstað - Eskifirði - Reyðarfirði - Fáskrúðsfirði - Höfn - Laugarási - Selfossi - Grindavík - Keflavík
LYFJA STYÐUR LANDSLIÐ KVENNA Í HANDBOLTA
er greiddur með annarri fasteign. Makaskipta-
samningar hafa verið mjög algengir í íbúðavið-
skiptum frá hruni en undanfarin misseri hefur
nánast þriðjungur heildarviðskipta með íbúðir
verið afgreiddur með makaskiptasamningum
þar til nú þegar aftur hefur dregið úr tíðni maka-
skiptasamninga.“
Fólk staðgreiðir fasteignir
Ásdís Ósk Valsdóttir fasteignasali, sem á og
rekur fasteignasöluna Fasteignasalinn.is, segir
það vera að aukast að kaupendur staðgreiði fast-
eignir, ekki síst minni eignir. Hún segir töluvert
um það að fólk sé að flytja heim frá útlöndum,
fólk sem hafi komið sér vel fyrir ytra en sjái nú
tækifæri til fasteignakaupa hér heima. Gengið
sé hagstætt sem og fasteignaverð. „Það er enn
hægt að ná góðu verði þegar fólk er að kaupa en
það er að komast meira jafnvægi á markaðinn,“
segir hún. Ásdís nefnir einnig að talsvert sé um
að foreldrar fjárfesti í eignum fyrir börn sín, setji
10, 20 eða 30 milljónir í slíka fasteign.
„Ef fólk á skuldlausa fasteign skiptir ekki máli
hvernig verð þróast. Fasteignakaup eru í raun
lang öruggasti fjárfestingarkosturinn sem er í
boði. Fólk veit ekkert hvaða vexti það fær fyrir
peningana sína en þótt allt fari til fjandans, jafn-
vel þótt kerfishrun verði, þá heldur það fasteign-
inni ef um skuldlausa eign er að ræða. Þá getur
fólk beðið vandann af sér,“ segir Ásdís.
Dregið hefur úr makaskiptum á fasteigna-
markaðnum, að sögn Ásdísar. Hún segir þau
makaskipti sem nú eigi sér stað vera þau sem
henti báðum. Það hafi dregið úr því að eigendur
stærri fasteigna taki hvað sem er upp í.
„Það er ekki langt síðan yfir sautján þúsund
fasteignir voru til sölu á landinu öllu. Nú eru
Klassísk örugg hönnun heldur verðgildi sínu
M ér sýnist fólk kaupa klassíska örugga hönnun sem heldur verðgildi sínu,“
segir Eyjólfur Pálsson, forstjóri Epal,
en verslunin hefur um 35 ára skeið selt
húsgögn og húsbúnað þekktra hönnuða
þar sem segja má að frægastir séu stólar
danska hönnuðarins Arne Jacobsen, Egg-
ið, Svanurinn og fleiri, auk þekktra lampa
og annars húsbúnaðar. „Þetta eru vörur,“
segir Eyjólfur, „sem fólk þekkir, er öruggt
með og getur losnað við ef það vantar pen-
inga. Þetta stendur vel í verði ef það þarf að
selja, það er staðreynd,“ bætir hann við.
„Það er jöfn og góð sala í klassískum og
öruggum hlutum en erfiðara að koma með
nýja hluti. Það er eins og fólk þori ekki að
taka áhættu. Útkoma okkar á árinu er því
mjög góð, ég er mjög sáttur,“ segir Eyjólfur
en nánast öll vara er staðgreidd í Epal. Svo
hefur verið alla tíð.
Eyjólfur segir verslun sína auðvitað
hafa fundið fyrir hruninu sem hér varð
en þar á bæ hafi menn haldið sínu striki,
látið lætin í kringum fjármálastarfsem-
ina ekki trufla sig alvarlega. „Við höfum
verið með ákveðna stefnu og hugmynda-
fræði og höldum henni áfram. Við höfum
verið jákvæð og skynsöm og það er fullt
af skynsömu fólki sem kaupir þessa vöru.
Þótt margir hafi farið illa út úr hruninu
eru samt margir sem voru ekki í neinni vit-
leysu.“
um tvö þúsund færri í boði, eða rúmlega fimm-
tán þúsund,“ segir Ásdís. Hún segir að bankar
hafi fyrr á árinu dregið úr fólki með kaup, boðað
brunaútsölu með haustinu vegna gjaldþrota sem
vænta mætti. Sú hafi ekki orðið raunin og nú hafi
stjórnvöld gripið til þeirra aðgerða að fólk haldi
eignum sínum. Fólk sé því hætt að bíða og leiti
þeirra lausna sem það þarf varðandi fasteigna-
kaup eftir fjölskylduþörfum.
Lúxusjeppar renna út á nýjan leik
En fleira er matur en feitt kjöt, segir einhvers
staðar. Það er ekki aðeins fasteignamarkaður-
inn sem er að lifna við. Bílamarkaðurinn hefur
heldur verið að taka við sér að undanförnu en
mesta athygli hafa þau tíðindi þó vakið að lúx-
usjeppar hafa runnið út eins og heitar lummur,
nokkuð sem hefur ekki sést síðan í góðærinu
forðum, eða óðærinu eins og sumir vilja fremur
kalla það tímabil. Frá því var greint í vikubyrjun
að Toyota-umboðið hefði selt 145 Land Cruiser-
jeppa á árinu. Þeir eru seldir í tveimur gerðum,
nýjum millistærðarjeppa af gerðinni 150 sem
kostar frá 8,5-12 milljónir króna og 200-gerðinni
sem kostar um 17,6 milljónir króna. Aðalsalan er
í 150-gerðinni en 128 slíkir hafa selst á árinu en
17 af stærri 200-gerðinni.
Þetta er talsverð breyting frá því sem verið hef-
ur undanfarin tvö ár en í „óðærinu“ seldist Land
Cruiser 120, forveri 150-bílsins, allra bíla mest
hér á landi, sló út smábíla sem yfirleitt seljast best
í öllum löndum. Vakti það athygli út fyrir land-
steina sem og gríðarleg sala í dýrustu jeppum
eins og Range Rover. Sala slíkra bíla hér á landi
var m.a. meiri en í Svíþjóð og Danmörku saman-
lagt og sagði margt um það æði sem hér var þegar
gengi krónunnar var slíkt að örmyntin sú virtist
vera með sterkustu gjaldmiðlum heims.
Vera kann að það ráði nokkru um sölu Land
Cruiser-jeppanna nú að frumvarp um breytingar
á vörugjöldum er í meðförum Alþingis og gæti
orðið að lögum um áramót. Þá hækkar verð svo
stórra bíla væntanlega eitthvað því vörugjöldin
munu taka mið af útblæstri í stað vélarstærðar.
Sparneytnir bílar munu bera lægri vörugjöld en
þeir sem meira menga. Hvað sem því líður sýnir
hin aukna sala að margir luma á peningum og
treysta sér til að kaupa bíla sem kosta að meðal-
tali um tíu milljónir króna enda má ætla, miðað
við það, að heildarverðmæti seldra Land Cruiser-
jeppa á árinu nemi um hálfum öðrum milljarði
króna.
Páll Þorsteinsson, upplýsingafulltrúi Toyota,
segir það rétt að sala stærri og dýrari bíla frá To-
yota hafi verið góð að undanförnu. Þar ber hæst
söluna á Land Cruiser 150. Páll segir Land Crui-
ser-jeppann hafa verið vinsælan bíl mjög lengi og
hann eigi sterkan kaupendahóp. Sá hópur Land
Cruiser-eigenda sem kominn sé á miðjan aldur
og þar yfir setji gamla Land Cruiser-jeppann upp
í nýjan og staðgreiði milligjöfina. Þetta fólk eigi
peninga. Páll segir hins vegar að smábílar hafi
ekki selst vel á árinu, nema þeir bílar sem farið
hafi til bílaleiga. Það sé liðin tíð að ungt fólk kaupi
nýja bíla.
„Fyrirhugaðar breytingar á lögum hafa örugg-
lega haft áhrif á sölu þessara bíla síðustu vik-
ur enda eigum við engan bíl til,“ segir Páll en
hann veit ekki hve mikið verð hækkar á bíl eins
og Land Cruiser 150, enda sé frumvarpið enn til
meðferðar hjá Alþingi og geti breyst.
Jónas Haraldsson
jonas@frettatiminn.is
Klassísk húsgögn sem standa vel í
verði seljast vel líkt og hinn frægi
Corona stóll Eriks Jörgensen.
Dýrir bílar eins og Toyota
Land Cruiser 150 hafa
selst vel að undanförnu.
Kaupendur láta gjarna
eldri bíl sömu gerðar
upp í og staðgreiða mis-
muninn.
18 úttekt Helgin 17.-19. desember 2010