Læknablaðið - 15.09.1986, Síða 33

LÆKNABLAÐIÐ
207
Þegar ákveðið er í hvaða DRG-flokk
sjúklingur falli er stuðst við eftirtalin atriði:
- aðalsjúkdómsgreiningu
- skurðaðgerð
- aðrar sjúkdómsgreiningar og aðgerðir
- aldur sjúklings við innlögn
- kyn sjúklings
- ástand sjúklings við útskrift
Mynd 7 skýrir nánar hvernig sjúklingar eru
flokkaðir. Myndin sýnir mögluleika DRG-
flokkunar hjá sjúklingi með sjúkdóm í lifur
eða brisi.
5.4 Kostir og gallar
áætlunargreiðslukerfisins
Áætlunargreiðslukerfi byggt á DRG-flokkun
sjúklings tók gildi 1. október 1983. Var gert
ráð fyrir að endurgreiðslur Medicare mundu
smátt og smátt færast yfir á þetta kerfi yfir
þriggja ára tímabil. Frá 1. október 1986
munu öll sjúkrahús, sem áætlunargreiðslu-
kerfið nær til og fá Medicare sjúklinga til
meðferðar fá endurgreitt fyrir dvölina skv.
þessu kerfi. Af sérstökum ástæðum eru
endurhæfingarsjúkrahús, geðsjúkrahús og
barnaspítalar undanþegnir áætlunargreiðslu-
kerfinu.
Þegar áætlunargreiðslukerfinu var komið
á laggirnar voru kostir þess einkum taldir
þessir:
- Sjúkrahúsin vita fyrirfram hvað þau fá
greitt fyrir hvern sjúkling sem stuðlar að
hagræðingu í rekstri;
- Kerfið hvetur til aukinna afkasta. Það
hvetur til aukinna innlagna og styttri
dvala. Síðast en ekki síst hvetur það
lækna til að íhuga nauðsyn aðgerða
og rannsókna.
Vegna hins stutta tíma sem áætlunar-
greiðslukerfið hefur verið i gildi, og sökum
þess að enn nær það ekki að fullu til allra
sjúkrahúsa er erfitt að meta reynsluna af
kerfinu. Eftirtaldir annmarkar við kerfið
hafa þó þegar verið staðfestir:
- Greiðslukerfið letur sjúkrahús til að sinna
alvarlega veikum sjúklingum, sem hætta
er á að valdi meiri kostnaði en áætlun-
argreiðslan gerir ráð fyrir. Jafnframt tekur
kerfið ekki tillit til (nema að takmörkuðu
leyti) að sami sjúkdómur getur verið mis-