Læknablaðið - 15.04.1990, Blaðsíða 17

LÆKNABLAÐIÐ 1990; 76: 189-94
189
Gunnlaugur Sigfússon, Jón Þór Sverrisson, Þorkell Guöbrandsson
PRJÚ UNG SYSTKINI MEÐ GÁTTATIF
INNGANGUR
Hér er fjallað um þrjú ung systkini, tvo
bræður og eina systur, sem greindust með
gáttatif (fibrillatio atriorum) á unga aldri, hið
fyrsta þeirra fyrir um áratug.
Þau voru rannsökuð með tilliti til hugsanlegra
orsaka fyrir hjartsláttaróreglu eða annarra
einkenna frá hjarta. Nánustu skyldmenni voru
skoðuð og hugað að hugsanlegri ættgengi
gáttatifs.
Gáttatif er ein af algengari hjartsláttaróreglum,
ýmist samfara vefrænum hjartasjúkdómum,
öðrum sjúkdómum eins og skjaldseitrun eða
án undirliggjandi sjúkdóma. Tíðni gáttatifs
eykst með aldri en er sjaldgæf í ungu fólki
eins og hér um ræðir.
Lýst hefur verið nokkrum fjölskyldum með
arfgengt gáttatif og ræðum við möguleika á
ættgengi í fjölskyldu systkinanna.
Yngsti bróðirinn greindist fjórtán ára gamall
með hjartavöðvabólgu og gollurshússbólgu
(perimyocarditis) og fékk gáttatif uppúr þeim
veikindum. Hin systkinin greindust tveimur og
þremur árum eftir það með gáttatif og ræðum
við hugsanlegt samband einkennalausrar
hjartavöðvabólgu og gáttatifs.
EFNIVIÐUR OG AÐFERÐIR
Um er að ræða þrjú systkini sem greindust
og hafa verið til meðferðar vegna gáttatifs
á lyflækningadeild Fjórðungssjúkrahússins á
Akureyri (FSA).
Farið var í gegnum sjúkraskrár systkinanna
og birtast útdrættir þeirra hér á eftir ásamt
helstu niðurstöðum úr rannsóknum sem
gerðar hafa verið til að varpa ljósi á orsakir
gáttatifs hjá þeim. Þá var gerð líkamsskoðun,
fengið hjartalínurit og gerð ómskoðun á
Frá lyflækningadeild Fjórðungssjúkrahússins á Akureyri.
hjarta hjá foreldrum og systkinum þessara
þriggja ungmenna. Fengin voru hjartalínurit
af nánustu skyldmennum sem og leitað eftir
skriflegum upplýsingum um einkenni frá
hjarta m.t.t. hugsanlegrar ættgengi gáttatifs.
SJÚKRASÖGUR
Sjúkratilvik 1. Fjórtán ára gamall drengur var
lagður inn á lyflækningadeild FSA fyrir tíu
árum vegna mæði og úthaldsleysis. Hann
hafði þremur vikum fyrir innlögn veikst með
flensulíkum einkennum, verið slappur, með
vægan hita í fjóra til fimm daga, höfuðverk og
hósta. Nokkrir í fjölskyldunni veiktust einnig
með svipuðum einkennum.
Náði drengurinn sér nokkuð á strik eftir um
viku veikindi en var viðvarandi slappur, fann
fyrir aukinni mæði við áreynslu og skömmu
fyrir innlögn fær hann aðsvifstilkenningu við
íþróttaiðkun.
Hann neitaði brjóstverkjum eða öðrum
einkennum frá hjarta og hafði verið
heilsuhraustur alla tíð, stundað íþróttir og
reykti ekki.
Skoðun við komu leiddi ekkert óeðlilegt í
ljós nema óreglulegan púls. Röntgenmynd
af hjarta og lungum sýndi mikla hjartastækkun
og hjartalínurit sýndi í byrjun gáttatif, síðar í
legu ST-hækkanir og síðan T-viðsnúninga.
Gerð var rafvending á gáttatifinu og
gengu aðrar hjartalínuritsbreytingar til
baka og jafnframt fór hjartaskugginn
minnkandi á röntgenmynd. Drengurinn var
síðan útskrifaður lyfjalaus við góða líðan
eftir þriggja vikna vistun. Greining var
perimyocarditis acuta, en rannsóknir vegna
hugsanlegra orsaka, svo sem veiruleit og fleira
voru allar neikvæðar.
Hann var lagður inn ári síðar á sama spítala
vegna niðurgangs og fékk eftir þá legu
greininguna sáraristilbólga (colitis ulcerosa)