Læknablaðið - 15.03.1997, Blaðsíða 47

LÆKNABLAÐIÐ 1997; 83
179
Eiga læknar að kjósa landlækni?
Sú tillaga kom fram í stjórn
Læknafélags íslands að stjórnin
skyldi leggja til að læknar kysu
landlækni. Pessari hugmynd er
komið á framfæri við lækna og
vænst umræðu þeirra á meðal
um tillöguna og stjórnin biður
um ábendingar. Mætti taka til-
lögu þessa upp innan svæðafé-
laganna eða í hinum stóru sér-
greinafélögum lækna.
Augljóslega þarf að breyta
lögum til þess að þetta fyrir-
komulag á vali landlæknis gangi
eftir.
Nú er staða landlæknis aug-
lýst laus til umsóknar og gerðar
ákveðnar kröfur til þeirra er
geti gegnt þessu embætti og þá
meðal annars að þeir skuli vera
sérfræðingar í embættislækn-
ingum. Þetta ákvæði takmarkar
mjög fjölda þeirra lækna sem
um embættið geta sótt. Um-
sóknir fara fyrir stöðunefnd og
síðan kemur til veiting embætt-
isins.
Að frumkvæði núverandi
landlæknis hefur verið stofnuð
nefnd er komast skuli að niður-
stöðu um það hvort svo þröng
skilyrði um sérfræðiþekkingu
skuli vera nauðsynleg til þess að
geta setið í embætti landlæknis
eða hvort rýmka skuli reglur
með tilliti til þess að fleiri lækn-
ar geti sótt um embættið. Þessi
nefnd hefur enn ekki skilað áliti
en í henni situr meðal annars
fulltrúi Læknafélags íslands.
Stjórn Læknafélags íslands
telur að þröng ákvæði um sér-
fræðiþekkingu eigi ekki við um
lækni þann sem situr í embætti
landlæknis og segja má að þessi
umræða hafi meðal annars leitt
til þess að tillagan um að læknar
kysu landlækni kom fram í
stjórn Læknafélags íslands en
flutningsmaður tillögunnar er
Sigurbjörn Sveinsson sem sæti á
í stjórn Læknafélags íslands.
Stjórn Læknafélags íslands er
í heild meðmælt tillögunni og
þar með þessu fyrirkomulagi á
vali landlæknis og mun koma
hugmyndinni formlega á fram-
færi við rétta aðila enda komi
ekki fram gegn henni eindregin
og rökstudd andstaða frá lækn-
um. Stjórn Læknafélags íslands
er þess fullviss að með slíku
kosningafyrirkomulagi muni
veljast vel hæfur læknir til
starfsins framvegis eins og verið
hefur hingað til. í>ví er ítrekuð
ósk um umræðu meðal lækna
um þessa hugmynd eins og
nefnt er að framan og stjórn
Læknafélags íslands biður um
ábendingar.
Stjórn LÍ
Aðalfundur
Læknafélags
Reykjavíkur
Aðalfundur Læknafélags Reykjavíkur 1997 verður haldinn fimmtudaginn
13. mars næstkomandi kl. 20:30 í Hlíðarsmára 8.
Dagskrá
1. Venjuleg aðalfundarstörf
2. Kosningar
a. Sex menn í meðstjórn til 2ja ára
b. Þrír varamenn til eins árs
c. Fimmtán fulltrúar á aðalfund LÍ1997 og jafnmargir til vara
d. Tveir endurskoðendur og tveir til vara
Á félagsfundi 13. febrúar síðastliðinn voru kynnt framboð samkvæmt
liðum a-c.
3. Önnur mál
Stjórn LR