Dagblaðið Vísir - DV - 01.06.2007, Side 6

föstudagur 1. júní 20076 Fréttir DV
InnlendarFréttIr
ritstjorn@dv.is
Taldi sig hafa
týnt dópinu
Ökumaður bíls varð mjög
hissa þegar lögreglan á Akra-
nesi fann um fimmtíu grömm af
fíkniefnum í bíl hans í fyrrakvöld.
Hann kannaðist reyndar við að
eiga efnin en hélt að hann hefði
misst þau niður um gat í gólfi bíls-
ins við handbremsuna. Hann hélt
því að efnin væru glötuð, allt þar
til lögreglan fann þau í bíl hans.
Maðurinn fékk þó ekki notið
fíkniefnanna því lögreglan lagði
hald á þau og handtók manninn
sem var undir áhrifum fíkniefna.
Fíkniefnaprófun benti til að hann
hefði neytt amfetamíns, metam-
fetamíns, ópíumefna og kannabis.
Yfirbyggingin
fauk af bílnum
Yfirbygging fauk af pallbíl
í í miklu hvassviðri í Reyn-
ishverfi, vestan við Vík, um
áttaleytið í gærmorgun.
Yfirbyggingin er mikið
skemmd og líklega alveg ónýt
en engin slys urðu á fólki.
Mikið hvassviðri var vestan
við Vík í gærmorgun og talið
er að snörp vindhviða hafi
feykt yfirbyggingunni af bíln-
um. Bíllinn var á ferð en ekki
er talið að óhappið sé öku-
manninum að kenna. Lög-
reglan á Hvolsvelli aðstoðaði
ökumanninn eftir óhappið til
að frekari slys kæmu ekki til.
Grunur um
íkveikju í skóla
Eldur kviknaði í timbur- og
ruslahrúgu við nýbyggingu við
Ölduselsskóla í gærmorgun.
Töluverður eldur kviknaði en
ekki er vitað hvort reykur hafi
farið inn í skólann eða hvort
einhverjar skemmdir hafi orðið.
Upptök eldsins eru ókunn en að
sögn slökkviliðsins á höfuðborg-
arsvæðinu er hugsanlega um
íkveikju að ræða.
Alþingi Íslendinga var sett í 134. sinn í gær í blíðskapar veðri. Forseti Íslands setti
þingið og talaði hann um áhuga forystumanna í fremstu háskólum Ameríku á háskóla-
byggðinni í herstöðinni. Forsætisráðherra horfði bjartsýnn til nýs kjörtímabils.
ÞRAMMAÐ Á ÞING
Alþingi Íslendinga var sett í gær og
hófst athöfnin með guðþjónustu í
Dómkirkjunni venju samkvæmt. For-
seti Íslands, ráðherrar og alþingis-
menn gengu til guðþjónustunnar frá
Alþingishúsinu þar sem séra Jakob
Ágúst Hjálmarsson dómkirkjuprestur
predikaði og þjónaði fyrir altari ásamt
biskupi Íslands, Karli Sigurbjörnssyni.
Að guðþjónustunni lokinni gengu
forsetinn og alþingismenn til Alþingis
inn um aðaldyr skálans í fyrsta sinn en
hátíðarinngangur Alþingishússins var
lokaður vegna viðgerða á húsinu.
Áhugi Ameríku á háskólabyggð í
herstöðinni
Ólafur Ragnar Grímsson forseti
setti þetta 134. löggjafarþing Íslend-
inga. Í ræðu sinni talaði forsetinn
um einstaka kosningaþáttöku sem
bæri vitni um sterka lýðræðishefð.
Þar væri Ísland í sérflokki því víða
á Vesturlöndum bæri við hnignun í
þeim efnum. Þá talaði forsetinn um
ótvíræða framför fjölmiðla sem fram
hefði komið í kosningunum þar sem
margradda umræða hefði verið í sér-
hverjum miðli. Þar hafi öllum flokk-
um gefist fjölmörg tækifæri til þess að
koma boðskap sínum til skila. Fjöl-
miðlaumfjöllunina segir hann fram-
för frá þeim árum þegar flokksmáls-
gögnin þrengdu að og umræðuþættir
voru fáir.
Forsetinn óskaði þingmönnum
til hamingju með traustið sem þjóð-
in hefði sýnt þeim og mikilvægi þess
að nýta umboð þjóðarinnar vel. Hann
minntist á óvenju fjölmennan nýliða-
hóp. Hann talaði um að í ríkari mæli
væru mál afgreidd með samkomulagi
allra flokka þrátt fyrir víglínu stjórnar
og stjórnarandstöðu sem ávallt setti
svip sinn á þingið. „Við höfum á liðn-
um vetri orðið vitni að því að ágrein-
ingur sem klauf þjóðina í áratugi
gufaði upp og í staðinn kom víðtæk
samvinna við að breyta gamalli her-
stöð í háskólabyggð.“ Ólafur sagði að
ríkur áhugi forystumanna í fremstu
háskólum Ameríku um að gerast
þátttakendur í því að þróa háskóla-
byggð í herstöðinni hefði komið fram
í viðræðum hans við þá.
Þingmennska mikils metin
Geir H. Haarde flutti stefnuræðu
forsætisráðherra í gærkvöldi. Geir hóf
ræðu sína á því að þakka þingmönnum
fyrir drengilega og málefnalega kosn-
ingabaráttu. Þá óskaði hann nýkjörn-
um þingmönnum til hamingju með
kjörið og bauð þá velkomna. „Þetta
sýnir að Alþingi er eftirsóknarverður
vinnustaður og að þau störf sem hér
eru unnin í þágu lands og þjóðar eru
mikils metin, þvert á það sem stund-
um er haldið fram. Það er fagnaðar-
efni.“ Geir sagði úrslit kosninganna
hafa borið með sér að öflugasta rík-
istjórnin yrði sú sem tók við völdum
fyrir viku síðan. Hann þakkaði fyrrver-
andi samstarfsmönnum í Framsókn-
arflokknum fyrir ánægjulegt samstarf
á undanförnum árum.
Geir sagði stjórnarflokkana hafa
einsett sér að mynda frjálslynda um-
bótastjórn. Því næst fór forsætisráð-
herra yfir stefnu ríkisstjórnarinnar og
þau markmið sem hún hefði að leiðar-
ljósi á kjörtímabilinu. Að lokum sagð-
ist Geir horfa björtum augum til þess
kjörtímabilsins sem væri að hefjast og
sagðist telja það fela í sér mikil tækifæri
til þess að gera gott samfélag betra.
Formenn fastanefnda
Þingmenn Samfylkingar og Sjálf-
stæðisflokks samþykktu á fundum
sínum í gærmorgun tillögur um for-
menn fastanefnda á vegum flokk-
anna, var svo kosið um tillögurnar
eftir setningu Alþingis í gær. Birgir Ár-
mannsson verður formaður allsherj-
arnefndar, Guðbjartur Hannesson
verður formaður félags- og trygginga-
nefndar, Gunnar Svavarsson formað-
ur fjárlaganefndar, Ásta Möller for-
maður heilbrigðisnefndar, Katrín
Júlíusdóttir formaður iðnaðarnefnd-
ar, Sigurður Kári Kristjánsson for-
maður menntamálanefndar, Stein-
unn Valdís Óskarsdóttir formaður
samgöngunefndar, Helgi Hjörvar for-
maður umhverfisnefndar og Bjarni
Benediktsson formaður utanríkis-
málanefndar.
Ekki verður kosið í þrjár nefndir fyrr
en frumvarp um breytingu á þingsköp-
un hefur verið afgreitt. Til formennsku
í efnahags- og skattanefnd hefur Pét-
ur Blöndal verið tilnefndur, Arnbjörg
Sveinsdóttir er tilnefnd til formennsku
í sjávarútvegsnefnd og Ágúst Ólafur
Ágústsson hefur verið tilnefndur til
formennsku í viðskiptanefnd.
Hjördís rut sigurjónsdóttir
blaðamaður skrifar: hrs@dv.is
Alþingi sett sólin heiðraði forseta og
þingmenn með nærveru sinni þegar
alþingi var sett í 134. sinn.