Sagnir - 01.10.1983, Blaðsíða 24

á myndir í tvíþættum tilgangi: til að sýna
landslag og staðhætti og til að túlka tíðar-
andann eða liðna menningu á einhvern
hátt. Eins var Iögð áhersla á sögukort í
bókunum sjálfum, sér í lagi með erlendri
sögu.
Smáletursgreinar með tilvitnunum í
frumheimildir „sem hjálpa nemandanum
að skilja anda hvers tíma“ þóttu lífga mjög
við lesturinn.
Nær samdóma álit var að pólitískrar sögu
og stríðssögu þætti um of í öllum þessum
bókum og segir um eina þeirra: „fjallar ein-
ungis um stríð, byltingar og gerð samn-
inga“. í staðinn vildu nemendur menning-
arsögu, þjóðhætti, kjör almennings og
fleira var tínt til. Einn nefndi að kenna
mætti málsögu samhliða þjóðarsögu, þá til
stuðnings tungumálalærdómi. í þessum
efnum fékk Mannkynssaga BSE einna
besta útreið því „þar eru menningarsagan
og stjórnmálasagan vel tengdar saman
þannig að bókin verður skemmtileg“.
Nemendur gerðu yfirleitt mikið úr stíl og
málfari og lögðu bókunum ýmist gott eða
slæmt til í þeim efnum. Einhver sagði: „fár-
ánlegar slettur í öðru hverju orði“. Þess ber
þó að geta að í dómum á málfari og stíl voru
nemendur fjærst því að vera samdóma -
sem þeir annars voru furðu mikið.
Sem vita mátti tóku menn könnun þessari
misalvarlega og voru jafnframt misharð-
orðir í dómum. Hjá einhverjum hafði
íslandssögubók ekki annað til brunns að
vera en að „í henni fólst nokkur fróðleik-
ur“.
1. Ólafur R. Einarsson: Frá landnámi til lúthers-
trúar. Þættir úr íslandssögu fram til 1550. Rv.
1975.
Lýður Björnsson: Frá siðaskiptum til sjálf-
stœðisbaráttu. íslandssaga 1550-1830. Rv.
1973.
Heimir Þorleifsson: Frá einveldi til lýðveldis.
íslandssaga eftir 1830. 3. útg. Rv. 1977.
2. Heimir Þorleifsson og Ólafur Hansson:
Mannkynssaga BSE1. Fram til 800. Rv. 1970.
Miðaldasaga með stuttu forspjalli um forn-
öldina. 2. útg. aukin. (Unnið hafa Björn Þor-
steinsson, Jón Þ. Þór, Kristján Sigvaldason,
Ólafur R. Einarsson og Sigurður Ragnars-
son). [Fjölrit]. Rv., Menntaskólinn við Sund,
1980.
Helgi Skúli Kjartansson: Þœttir úrsögu nýald-
ar. Rv. 1976.
Einar Már Jónsson, Loftur Guttormsson og
Skúli Þórðarson: Mannkynssaga 1914-56
handa framhaldsskólum. Fyrra hefti. 2. útg.
Rv. 1975.
22