Flóra: tímarit um íslenzka grasafræði - 01.03.1965, Side 57

af úrkomumagni hans fellur nálægt ströndinni, í strandfjöllin og dal-
ina þar inn af. Sjálfur Eyjafjörður er að verulegu leyti lokaður fyrir
þessum vindi, nema yzti hlutinn inn að Arskógsströnd. Innan fjarðar-
ins er því NA-vindurinn oft þurr, og getur þar verið bjartviðri enda
þótt þoka eða rigning sé úti fyrir. Einkum á þetta þó við um Eyja-
fjarðardalinn sjálfan, sem er einna snjóléttasti hluti héraðsins, og mun
það vera kunnugt allt frá því er Helgi magri, landnámsmaður, flutti
þangað byggð sína forðum frá Árskógsströnd, af því að honum „sýnd-
ist allt dekkra inn til landsins". Eirðirnir utan á skögunum sitt hvor-
um megin Eyjafjarðar, svo og strendur hans utan til, ásamt Árskógs-
strönd og Svarfaðardal eru hins vegar mjög snjóþung byggðarlög.
Speglast þetta mjög vel í neðri mörkum ýmissa snjódældaplantna á
Eyjafjarðarsvæðinu, og hefur sennilega einnig áhrif á útbreiðslu
ýmissa svokallaðra útsveitaplantna, sem aðeins vaxa á þesstim snjó-
þungu svæðum.
Að ýmsu leyti verða svipaðar breytingar á veðurfari frá láglendi
upp eftir fjallshlíðum í innsveitum, eins og frá innsveitum til útsveita.
Þannig eykst úrkoman eftir því sem ofar dregur í fjöllunum, og hita-
stigið fer lækkandi (það gildir bæði um meðalhitastig sumars og vetr-
ar, gagnstætt hitastigslækkuninni til útsveita, þar sem aðeins sumar-
hitinn er lægri en í innsveitum), minna skjól verður fyrir vindum og
snjóþyngslin meiri.
Hér hefur aðeins verið drepið á nokkur almenn atriði í veðurfari
Eyjafjarðarhéraðs. Beinar veðurfarsmælingar eru því miður allt of
strjálar á svæðinu. Þó má nokkuð ráða al’ jieim mælingum, sem gerðar
hafa verið á tveim stöðum í héraðinu, Akureyri og Siglunesi. Nokkra
hliðsjón má einnig hafa af mælingum á Skriðulandi í Skagafirði og
Sandi í Aðaldal. Eftirfarandi tafla sýnir meðaltöl hita og úrkomu
þessara staða fyrir árin 1931—1959. (Veðráttan 1962.):
Tafla 4. (Samanburður á veðurfari á nokkrum stöðum á Norðurlandi.)
Meðal- liitastig ársins Meðal- hitastig 1 júlí Árs- úrkoma í mm
Siglunes 3.7 9.0 610
Skriðuland 2.9 9.9 478
Sandur 3.1 10.0 477
Akureyri 3.9 10.9 474
TÍMARIT UM ÍSLENZKA ORASAERÆÐI - FlÓra 53