Flóra: tímarit um íslenzka grasafræði - 01.03.1965, Page 93

eru: engjafífill (Taraxacum croceum coll.), fjallafoxgras (Phleum
commutatum), kornsúra (Polygonurn viviparum), fjandafæla (Gnap-
halium norvegicum), stinnastör (Carex Bigeloivii), mýrfjóla (Viola
palustris), og túnsúra (Rumex acetosa). Brennisóley (Ranunculus acris)
er stöðug en hefir ætíð litla tíðni. Gróðurhverfið er tegundamargt og
þéttleiki tegunda mikill. E% er hátt, en lægra þó en í aðalbláberja
sveitinni, að meðaltali er það nokkru hærra en A% eða E% : A%
56.7 : 43.3, en annars eru hlutföll þessi allbreytileg eftir athugunar-
blettum. H er yfirgnæfandi lífmynd um 70% að meðaltali, C og G eru
breytilegar lífmyndir á einstökum blettum.
Um einstaka bletti skal þetta tekið fram.
Blettur XIL 1. er frá Strandhöfn í Vopnafirði í um 200 m hæð í
dæld, er hallar móti suðri. Dældinni verður lýst í heild síðar (Tab.
XVI. 8).
Blettur 2 er frá Fornahvammi í Norðurárdal, hæð um 200 m hall-
ar gegn suðri, í botni dældarinnar er grasvíði-gróðurhverfi. Blettur 3
er einnig frá Fornahvammi, hæð 150 m. Aðalbláberjalyng er þar óvana-
lega mikið í blágresis sveit.
Blettur 4 er úr Eróðárdal á Kili í um 450 m hæð. Hallar gegn SSV.
Blágresi er þar algerlega drottnandi og óvanalega hávaxið eða um 50
cm. Efst í brún snjódældarinnar er birkikjarr (Betula tortuosa) jarð-
lægt og kræklótt, 70—80 cm hátt, en mjög blandað eini (Juniperus
communis) og gulvíði (Salix phylicifolia). Vel má þó vera, að um víði-
bastarð sé að ræða.
b. Mariustaklissveit (Alchemilletum).
Önnur sveit blómdældanna er maríustakks sveitin. Þar ríkja rnaríu-
stakkstegundir bæði í gróðursvip og fleti. Hinsvegar er það allbreyti-
legt hvaða maríustakkstegund er aðaltegund, en um þrjár er að ræða,
ljónslappa (Alchemilla alpina), maríustakk (A. minor coll.) og hnoða-
maríustakk (A. glomerulans). í Skrá minni (Steindórsson 1951) eru
tilgreind fjögur maríustakkshverfi, og er jreim lýst í ritgerðum mínum
1936 p. 429, 1945 p. 424 og 1946 p. 25. Hér er tveimur hverfum bætt
við. í öllum þessum hverfum eru maríustakkstegundir ríkjandi, en jró
er að ýmsu leyti um allsundurleit gróðurfélög að ræða. Annars vegar
eru Ijónslappa hverfin (A. alpina soc.) en hins vegar þau hverfi, Jrar
sem hinar maríustakks tegundirnar eru drottnandi. Gæti ég fyllilega
aðhyllzt það sjónarmið, að skilja ljónslappa-hverfið frá sem sérstaka
sveit. Verður þess nánar getið síðar. Enginn skoðanamunur er milli
TÍMARIT UM ÍSLENZKA GRASAFRÆÐI - FlÓra 89