Flóra: tímarit um íslenzka grasafræði - 01.05.1967, Blaðsíða 18

varð mikið um bætt. í málhreinsunaráhuga sínum brást honum oft
smekkvísi, eins og t. d. er hann vildi útrýma orðinu flóru úr íslenzk-
unni en taka upp gróa í staðinn eins og Björn M. Ólsen hafði lagt til,
því að þessi nöfn væru líkrar merkingar. Einna íiest nýyrða hans koma
fram í þýðingu bókar eftir F. Kölpin Ravn, Ættgengi og kynbætur og
Bókmenntafélagið gaf út 1905. Er það hið fyrsta, sem ritað hefur ver-
ið á íslenzku um erfðafræði. Hafa ýms þessara nýyrða festst í málinu.
Af einstökum ritgerðum mætti nefna: Um skóga og áhrif þeirra á
loftslagið í Tímariti Bókmenntafélagsins 1898. Þar er lýst helztu skóg-
arformum og hver áhrif trjágróðurinn liafi á loftslag og umhverfi, en
vitanlega að langmestu leyti eftir erlendum rannsóknum. Síðar skrif-
aði hann grein um Bœjarstaðarskóg, en í henni, og þó einkum annarri
grein í Sumargjöf, sem hann kallar Sumargjöfin, kemur ljóst fram,
liversu mjög honum rann til rifja skógleysi landsins og ill meðferð skóg-
anna. Hvetur hann mjög til verndar skógarleifa og nýræktar skóga.
Var og nokkur umræða um, að vel færi á því, að liann hlyti embætti
skógræktarstjóra, þegar til þess var stofnað. Þá samdi liann alllanga
grein um Grasafræðina i Ferðabók Eggerts og Bjarna, og dregur skýrt
fram áreiðanleik Ferðabókarinnar í þeim efnum.
I norsku smáritasafni um ísland skrifaði hann stutt en greinargott
ágrip af íslands lýsingu, og að lokinni fyrri heimsstyrjöld tók hann
saman yfirlit um Rikjabyltingar þær, sem urðu að stríðinu loknu. Þá
sarndi liann söguágrip Náttúrufrœðifélagsins, sem prentað var í 25 ára
afmælisriti þess. Minningargreinar samdi hann um Þorvald Thorodd-
sen og Eug. Warming. Var greinin um Warming eitt liið síðasta, er
hann samdi. Kemur þar ljóst fram ást hans og aðdáun á hinum gamla
læriföður sínum, en jafnframt áhugi hans á viðgangi íslenzkra gróður-
rannsókna, sem aldrei kulnaði. Þarna getur liann lofsamlega afskipta
Warmings af gróðurrannsóknum á íslandi og lýkur því með þessum
orðum: „Seint munu íslendingar fá J^að fullþakkað. Sú þökk mundi
sæma bezt minningu Warmings, að grasafræðin hér á landi væri ekki
látin hrekjast á hagleysu og krókna á klakanum."
Eins rits verður og að geta hér, sem er þó að efni fjarlægt öðrum
verkum Helga Jónssonar, en Jrað er hin vinsæla barnabók Nýjasta
barnagullið, sem Oddur Björnsson gaf út í Kaupmannahöfn 1899. Full-
yrðir Halldór Hermannsson að Helgi sé höfundur hennar, en ekki
liefi ég aðrar heimildir þar um. Naut Barnagullið fádæma vinsælda á
sinni tíð, og er nú ein af torfengnustu bókum þess tíma.
10 Flóra - TÍMARIT UM ÍSLENZKA ORASAI'RÆÐI