Flóra: tímarit um íslenzka grasafræði - 01.05.1967, Blaðsíða 31

Úr Haukadal, Vatnshorn.
Af framanskráðu er því ljóst, að aðeins 7 tegundir ásamt fundar-
stöðum eru skráðar frá rannsóknarsvæði mínu.
4. Gróska og gróðurlendi.
Enda þótt rannsóknarsvæðið væri ekki víðáttumikið, var gróður-
þroskinn harla mismunandi á hinum ýmsu stöðum, þó um samkynja
gróðurlendi væri að ræða. Sums staðar austanhlíðis í Hörðudal og norð-
anhlíðis í Haukadal er gróðurinn svo þroskamikill sem hann mest get-
ur orðið hér á landi. Vestan við þrengslin í Haukadal og í nánd við
Hrafnabjörg í Hörðudal mun gróðurþroskinn vera einna mestur. Sem
dæmi nrá nefna, að í austurhlíðum Hörðudals fann ég Filipendula ul-
maria af líkri hæð og hún sést í skrúðgörðum í Reykjavík, og í norður-
hlíðum Haukadals var þroski Listera ovata meiri en áður hefur þekkzt
hér á landi.
Þannig mætti fleira telja. Þó var vorið 1949 óvenju kalt og snjóa-
samt í Dölum. Varð því allur gróður mjög síðbúinn. En hér er ekki
TÍMARIT UM ÍSLENZKA GRASAFRÆÐI - FlÓra 29