Sveitarstjórnarmál - 01.12.1948, Blaðsíða 21

SVEITARST.TÓRNARMÁT
M)
9. Erindi um framfærslu og
sveitarstjórn.
Lárus H. Blöndal, bókavörður í Reykja-
vík, flutti erindi, sem hann nefndi. „Fram-
færsla og sveitarstjórn á þjóðveldisöld“.
1 löngu og skilmerkilegu máli gerði
ræðumaður ýtarlega grein fyrir skipan
þessara mála hjá íslenzku þjóðinni á þjóð-
veldistímanum. Vakli hann meðal annars
athygli á því, að um þessi efni hefðu Is-
lendingar staðið framar en aðrar þjóðir
á sama tíma. — Erindið er prentað hér í
ritinu á öðrum stað.
10. Álit kjörbréfanefndar:
Björn Jóhannesson, forseti bæjarstjórn-
ar Hafnarfjarðar, hafði orð fyrir kjör-
bréfanefnd. Lagði nefndin til, að allir
mættir fulltrúar væru úrskurðaðir rétt-
kjörnir til setu á þinginu. Var sú tillaga
samþykkt.
Á þinginu sótti Hálshreppur í Suður-
Þingeyjarsýslu um upptöku í Sambandið
og var upptaka hans samþykkt í einu
hljóði.
11. Vandræðamannaheimili.
Formaður milliþinganefndar Sambands
íslenzkra sveitarfélaga, um þetta málefni,
Ólafur B. Björnsson, gerði grein fyrir
störfum nefndarinnar.
1 því sambandi ámælti hann nokkuð
hreppsnefndum og bæjarstjórum fyrir
seinlát svör við fyrirspurnum nefndar-
innar, sem þó hefði verið óskað svars við
innan tilskilins tíma.
Þá skýrði hann frá fróðleik þeim, er
nefndin hafði aflað um hælisþörfina.
Málinu var vísað til hælisnefndar, er
fundurinn hafði áður kosið.
12. Tímarit Sambandsins.
Formaður Sambandsins, Jónas Guð-
mundsson, skýrði frá fyrirkomulagi á út-
gáfu tímaritsins „Sveitarstjómarmál.“ —
Stjórn Sambandsins hafði skipað ritnefnd,
er í vom:
Jónas Guðmundsson,
Ólafur B. Björnsson,
Eiríkur Pálsson,
Björn Guðmundsson,
Karl Kristjánsson.
Lagði formaður til að nú yrði stjórn
Sambandsins heimilað að ráða ritstjóra
fyrir tímaritið, er gæti einnig haft fleiri
störf með höndum fyrir Sambandið, svo
að hann hefði t. d. hálf laun frá tíma-
ritinu.
Tillögu þessari var vísað til áðurkjör-
innar tímaritsnefndar.
13. Framtíðarstarfsemi.
Formaður Sambandsins, Jónas Guð-
mundsson, ræddi nokkuð um helztu störf
er lægju fyrir Sambandinu í næstu fram-
tíð.
Taldi hann nauðsynlegt að Sambandið
hefði opna skrifstofu i Reykjavík og starfs-
mann, er annaðist rekstur þess og ýmiss
konar fyrirgreiðslu vegna félaga þess,
jafnframt því, sem hann væri ritstjóri
tímarits þess (sbr. lið 12. í þessari fundar-
gerð).
Tillögu hans í þessu efni var vísað til
fjárhagsnefndar.
Til máls tók út af tillögu þessari Bjarni
Þórðarson, bæjarfulltrúi í Neskaupstað,
og óskaði þess að allsherjarnefnd tæki til
athugunar hvort ekki væri rétt að starfs-
maður sá, er tillaga formannsins gerir
ráð fyrir, væri að öllu leyti i þjónustu
Sambandsins og erindreki sveitarfélaga
landsins í Reykjavík.
14. Skipting Sambandsins
í deildir.
Svohljóðandi tillaga kom frá Bjartmari
Guðmundssyni, Eiríki Helgasyni, Jónasi
Magnússyni og Magnúsi Sveinssyni.