Sveitarstjórnarmál - 01.02.1981, Blaðsíða 25

Skv. kostnaðaráætlun frá því í sept. 1980 er gert
ráð fyrir, að bygging hjúkrunarheimilisins kosti um
550 milljónir króna. Það er mikið átak að reisa slíka
byggingu, og þarf margt til að koma. Þegar ríkis-
valdið lét okkur í té lóð undir bygginguna, var fallið
frá kröfunni um 85% framlag ríkissjóðs, til jjess að
félögin gætu hafið bygginguna strax og að eigin
frumkvæði. Við fengum þó 22 milljón króna framlag
frá ríkissjóði í ár, og Kópavogsbær lagði fram 30
milljónir króna auk um 23 milljón króna í formi
gatnagerðargjalds. Ráðstöfunarfé til þessa dags er
því 175 milljónir auk 50 milljón króna skammtíma
lántöku. Ætlun okkar var að framkvæma fyrir 250
millj. króna 1980, því við erum með fjársöfnunina í
fullum gangi meðal Kópavogsbúa og höfum beðið
um andvirði hálfs strætisvagnafargjalds á dag frá
hverju heimili og ætlum okkur að gera það í allt að
tvö ár. Slík söfnun gefur um 100 milljónir króna á
ári. Við ætlum aðildarfélögunum og heimilunum í
Kópavogi að leggja fram stærsta hlutann til þessarar
byggingar.
Farin ný leið
Vinsamlegt samband og samstarf hefur verið haft
við bæjaryfirvöld um þetta mál og heilbrigðisyfir-
völd, og þessir opinberu aðilar hafa afgreitt mjög
fljótt öll formsatriði þessa máls. Hjúkrunarheimili
eru skv. skilgreiningu laga sjúkrahús, sem gert er ráð
fyrir, að ríki og bær fjármagni að öllu leyti og annist
um framkvæmdir. Hér er farin önnur leið. Fólkið,
ungir og gamlir, hefur bundizt samtökum um að
bæta úr því, sem það telur brýnasta þörf fyrir í
félags- og heilbrigðismálum, og leggur mikið á sig til
þess. Gamla fólkið tekur sérlega virkan þátt í þessu
félagslega átaki. Á þúsundum heimila í Kópavogi
eru greidd atkvæði með þessari framkvæmd sem
forgangsverkefni, er menn leggja sinn daglega
skammt í söfnunarbaukinn sinn, og við væntum
góðs stuðnings opinberra aðiia. Þannig er gert ráð
fyrir, að lán fáist frá Húsnæðisstofnun ríkisins til
byggingarinnar.
Mikill fjöldi ólíkra aðila hefur lagt okkur lið með
fjárstuðningi eða vinnuframlagi. Má þar til nefna
verkalýðsfélög, leikfélag, kirkjusöfnuði, nemendur
Frá hjúkrunarheimilinu er fagurt útsýni yfir Kópavoginn,
Arnarnes og til Reykjanesfjallgarðs.
menntaskóla, listamenn, lúðrasveit og söngkór, verk-
taka, embættismenn, auk hins breiða fjölda Kópa-
vogsbúa, sem skilað hefur á áttunda jaúsund fjár-
framlögum á rösku ári.
Margir leita upplýsinga
Félagasamtök á landsbyggðinni hafa óskað upp-
lýsinga um félagslega uppbyggingu hjúkrunar-
heimilisins og leitað hér fyrirmynda. Fulltrúar bæja
og sveitahreppa hafa komið i heimsókn og kynnt sér
framkvæmdir, teikningar og fjármögnun þessara
framkvæmda, vegna þess að þeim hefur þótt
athyglisverð sú félagslega samstaða, sem hér býr að
baki, og sá hraði, sem verið hefur í undirbúningi og
framkvæmdum.
Við Kópavogsbúar höfum fullir bjartsýni og trúar
á mátt félagslegrar samstöðu hafið byggingu hjúkr-
unarheimilisins. Við erum sannfærðir um, að okkur
muni takast að ljúka þessari byggingu á tiltölulega
skömmum byggingartíma með þeirri víðtæku sam-
stöðu, sem hér hefur skapazt um þetta mál. Að baki
þeirrar samstöðu er mannúðarhugsjónin og þörf
fólks til [ness að eiga sér hugsjónir og láta þær rætast.
Við viljum, að allir Kópavogsbúar geti sagt: Við —
fólkið í Kópavogi — reistum þetta hjúkrunarheimili
með virðingu og þökk í huga til þeirrar kynslóðar,
sem nú hefur lokið ævistarfi sínu, — svo veita mætti
henni sómasamlegan aðbúnað á ævikvöldi.
sveitarstjörnarmAl