Sveitarstjórnarmál - 01.02.1981, Blaðsíða 28

Eg held ég hafi þetta ekki lengra. Það væri náttúrlega
hægt að velta þessum málum endalaust fyrir sér á ýmsa
vegu. T. d. voru sumir ómagar þannig, að enginn fékkst til
að ljá þeim samastað, og varð þá hreppsnefndin að jafna
þeim niður á bæina. Og gengu þeir þá með eins konar
vegabréf, „reisupassa“ um, hve lengi þeir skyldu dvelja á
hverjum stað. Eg man vel eftir þessum mönnum fram um
1920. Vissi reyndar dæmi um þetta allt til 1930. Svo voru
þurfamenn, þ. e. heimili, sem þurftu fjárhagslega aðstoð
um eitthvert árabil sökum ómegðar eða annarra orsaka,
sem var fært viðkomandi til skuldar — sveitarskuldar —,
sem svipti viðkomandi ýmsum mannréttindum, þar til
skuldin var greidd. Og munu margir hafa lagt hart að sér
til að greiða þessar skuldir, sem oft voru orðnar svimháar,
miðað við tekjumöguleika og peningaleg umsvif þeirra
tlma.
ALDURSHÁMARK STARFSMANNA
SVEITARFÉLAGA HÆKKAÐ
— hjá Reykjavíkurborg
Borgarstjórn Reykjavíkur ákvað á
fundi hinn 19. júní 1980 að rýmka
nokkuð um gildandi ákvæði um ald-
urshámark starfsmanna borgarinnar.
Var á fundinum samþykkt tillaga um
breytingu á reglugerð um réttindi og
skyldur starfsmanna borgarinnar á
þá leið, að starfsmanni skuli veita
lausn frá starfi um næstu mánaðamót
eftir að hann hefur náð 71 árs aldri.
Þá var ennfremur ákveðið að koma
til móts við hugmyndir, sem uppi
hafa verið nýlega, um hlutastarf
þeirra, sem náð hafa aldurshámarki,
en óska eftir hlutastarfi áfram sem
lausráðnir starfsmenn.
Svofelldri grein var bætt í þann
kafla reglugerðarinnar, 9. kaflann,
sem fjallar um lausráðna starfsmenn:
Heimilt er að endurráða mann,
sem náð hefur 70 ára aldri og læt-
ur af föstu starfi hjá Reykjavíkur-
borg eða stofnunum hennar, í
annað starf á tímavinnukaupi,
allt að hálfu starfi, án þess að það
hafi áhrif á rétt hans til töku lif-
eyris. Jafnframt er heimilt að ráða
starfsmann á tímavinnukaupi i
fullt starf, enda fresti hann þá
töku lífeyris, án þess að það hafi
áhrif til hækkunar hans.
Laun vegna endurráðningar til
starfa, sem falla undir kjarasamn-
inga verkalýðsfélaga, greiðast skv.
þeim samningum, en ella greiðist
tímavinnukaup skv. 2. tölulið, gr.
1.2.2. í aðalkjarasamningi starfs-
manna Reykjavíkurborgar.
Starfsmaður, sem óskar að ráða
sig til vinnu eftir sjötugt sam-
kvæmt þessum skilmálum, skal
sækja um það skriflega til yfir-
manns viðkomandi stofnunar
með sex mánaða fyrirvara. Skal
starfsmanni hafa borizt svar inn-
an þriggja mánaða frá umsókn. Sé
unnt að verða við ósk starfsmanns,
skal ráðning gilda til tveggja ára,
eða til fyrstu mánaðamóta eftir að
73 ára aldri er náð, nema annar
hvor aðili segi ráðningunni upp
með þriggja mánaða uppsagnar-
fresti. Við þau aldursmörk er
heimilt á sama hátt og áður að
framlengja starf hans um eitt ár.
Starfsmaður skal láta af störfum
eigi síðar en næstu mánaðamót
eftir að hann hefur náð 74 ára aldri.
Ákvörðun um ráðningu samkv.
þessari grein skal tekin af borgar-
stjóra að fenginni umsögn yfir-
manns viðkomandi stofnunar og
umsögnum þeirra sérfræðinga,
sem talið er rétt að leita til hverju
sinni. Hafa skal náið samstarf við
starfsmanninn um málsmeðferð.
— og í Kópavogskaupstað
Hliðstæð breyting hefur einnig
verið samþykkt i bæjarstjórn Kópa-
vogskaupstaðar, og var samþykktin
samhljóða áðurgreindu ákvæði í
reglugerð um réttindi og skyldur
starfsmanna Reykjavíkurborgar.
1 samkomulagi því, sem gert var
milli Bandalags starfsmanna ríkis og
bæja og ríkisins samhliða nýjum
kjarasamningum sl. haust, var
ákvæði þess efnis, að sett yrði á stofn
nefnd til að gera tillögur um skipan
málefna eftirlaunafólks og öryrkja,
sem feli í sér rýmri heimildir til handa
starfsmönnum til að halda störfum að
hluta, eftir að aldurshámarki er náð.
Hafa skal hliðsjón af þvi ákvæði, sem
borgarstjórn Reykjavíkur hafði sam-
þykkt og birt er hér að framan.
ALDRAÐIR FÁ FARSEÐLA
MEÐ FLUGI Á HÁLFVIRÐI
Flugleiðir hafa boðið þeim, sem eru
67 ára og eldri, að kaupa farseðla á
öllum leiðum í innanlandsflugi fyrir
helming af fullu verði að því tilskildu,
að flogið sé á miðvikudögum og
laugardögum. Farseðill gildir í sex
mánuði og er afsláttur veittur bæði á
tvímiðum og miðum, sem gilda aðra
leiðina.
Aldraðir hafa um árabil notið 15%
afsláttar á farmiðaverði, svo hér er
um verulega breytingu að ræða.
Gildir hún frá 1. febrúar 1981.
1 tilkynningu Flugleiða um þessi
sérfargjöld segir, að félagið vilji með
þessu koma til móts við mikinn fjölda
fólks, sem náð hefur 67 ára aldri, hef-
ur dregið úr þátttöku sinni í atvinnu-
lifinu og vill nota tíma sinn til heim-
sókna til ættingja og vina. Einnig
getur afslátturinn átt við hópferðir
t. d. á vegum félagsmálastofnana
sveitarfélaga í leikhús eða aðrar
menningarstofnanir, kynnisferðir eða
til orlofsdvalar um skemmri eða
lengri tíma.
SVEITARSTJÓRNARMÁL