Sveitarstjórnarmál - 01.08.1997, Qupperneq 34

FRÆÐSLUMÁL
áferð og efnisvali. Það er skoðun okkar að þetta um-
hverfi þarfnist bygginga sem eru agaðar og ákveðnar.
Stofnanir og önnur afgerandi mannvirki í þessum nýju
hverfum eiga að skapa festu og gefa viðkomandi bæjar-
hluta ákveðin einkenni. Það er ætlun okkar við hönnun
Engjaskóla að nýbyggingin gegni þessu hlutverki í
Engjahverfi. Skólabyggingar eru þær stofnanir þjóðfé-
lagsins sem börnin kynnast fyrst á lífsleiðinni og þá
gjaman í tengslum við sitt nánasta umhverfi.
Staðarval nýbyggingar Engjaskóla í austurjaðri lóðar-
innar tengir bygginguna aðliggjandi íbúðabyggingum.
Lengd byggingarinnar og hæð (tveggja hæða) að austan-
verðu, gegnt aðliggjandi lágreistri raðhúsabyggð, gefur
henni festu og styrkir umhverfið. Byggingin er hins veg-
ar lægri (einnar hæðar) að vestan sem gefur mildara yf-
irbragð gagnvart skólalóðinni og aðliggjandi opnum
svæðum. Þessi lega skapar jafnframt mesta og heilleg-
asta rýmið á lóðinni og myndar skjól á leiksvæðum fyrir
austanáttinni sem er ríkjandi vindátt á svæðinu. Aðalað-
korna akandi umferðar er frá Vallengi að norðurhluta
lóðarinnar. Þar er jafnframt sérstök aðkoma fyrir umferð
foreldra sem aka bömum sínum til og frá skólanum.
Klapparholtið vestast á lóðinni verður varðveitt og er
ætlunin að nýta það umframgrjót sem til verður við
framkvæmdimar til hleðslu fláa og hugsanlega veggja
rnilli hinna ýmsu mismunandi leiksvæða á skólalóðinni.
Byggingin trappar sig innbyrðis í takt við hæðarlegu
landsins en við það verður jarðrask í algjöru lágmarki.
Lóðinni er deilt í mismunandi leiksvæði og miðast við
að yngstu nemendumir séu næst skólanum og norðurinn-
gangi en þeir eldri fjær og í tengslum við suðurinngang.
Gróðurbelti mynda skjól og rými fyrir leiksvæðin. Mið-
svæði lóðarinnar framan við samkomusal nýtist til leikja
sem og útisamkomuhalds fyrir skólann og hverfið í heild
1 60