Morgunblaðið - 10.12.2011, Blaðsíða 35
Ég fór í flokkspólitík árið 2002
aðallega til að vinna að framgangi
tveggja hugsjónamála minna,
annars vegar umhverfismála og
hins vegar jafnréttismála og þá
sérstaklega mála tengdra kyn-
bundnu ofbeldi. Að báðum mála-
flokkunum hafði ég unnið sem
lögmaður en taldi að ég gæti unn-
ið þeim enn meira gagn sem
stjórnmálamaður.
Traust og fagleg stefna VG í
umhverfis- og kvenfrelsismálum
höfðaði sterkt til mín. Ég var síðan kjörinn á
þing vorið 2007. Ég vænti því mikils þegar VG
myndaði stjórn með Samfylkingunni 1. febrúar
2009. Nú væri unnt að gera skurk í umhverf-
ismálum, bjarga Þjórsá, og gera róttækar um-
bætur í jafnréttismálum. Annað kom á daginn
og vonbrigðin eru djúpstæð. Í dæmaskyni má
nefna að Þjórsá er á fórnarlista rammaáætlunar
og Magma Energy eignaðist orkulindir okkar á
Reykjanesi gegnum skúffufyrirtæki í Svíþjóð
án þess að ríkisstjórnin neytti ótal færa til að
ganga inn í þau kaup. Hún kaus fremur að
leggja 11,5 milljarða í tryggingafélagið Sjóvá
auk annarrar óráðsíu í þágu fjármálafyrirtækja.
Það reyndi á ríkisstjórnina og stjórnarliða í
jafnréttismálum við lokaafgreiðslu fjárlaga fyr-
ir árið 2012. Þar lögðum við Lilja Mósesdóttir til
að fjárframlög til Jafnréttisstofu yrðu aukin um
50 milljónir, til Kvennaathvarfsins í Reykjavík
um 18 milljónir og til Stígamóta um 22 milljónir.
Það er rétt að halda því til haga að fjárframlög
til Jafnréttisstofu námu 134,9 milljónum árið
2009 en „norræna velferðarstjórnin“ hefur
lækkað þau árlega og þau nema 83 milljónum
samkvæmt fjárlögum fyrir árið 2012. Tillögur
okkar Lilju eru í fullu samræmi við stefnuskrár
Samfylkingarinnar og VG, sem samkvæmt
landsfundarályktun kveðst vera kvenfrels-
isflokkur. Hnykkt er á þessari stefnu í sam-
starfsyfirlýsingu ríkisstjórnarinnar þar sem
segir m.a.:
„Málaflokkur jafnréttismála fái aukið vægi
innan stjórnkerfisins. Jafnréttisstofa verði efld
og sjálfstæði hennar aukið.“
Í sömu yfirlýsingu er lögð rík áhersla á að út-
rýma kynbundnum launamun og kynbundnu of-
beldi og síðar segir:
„Sérstaklega verði hugað að forvarnar- og
viðbragðsáætlun til að bregðast
við auknu heimilisofbeldi samhliða
versnandi efnahagsástandi.“
Það er skemmst frá því að segja
að tillögur okkar Lilju voru kol-
felldar. Ekki einn einasti stjórn-
arliði greiddi þeim atkvæði að ég
best veit, ekki einu sinni yfirlýstir
femínistar. Niðurskurður í vel-
ferðarmálum og uppsagnir í kjöl-
farið hafa fyrst og fremst bitnað á
konum og launamunur kynjanna
fer ört vaxandi. Fjárlögin eru auk
þess landsbyggðarfjandsamleg.
Við Lilja forgangsröðuðum í 86
breytingartillögum okkar i þágu velferðarmála,
einkum til heilbrigðisþjónustu, bótakerfa,
sjúkratrygginga og löggæslu, og í þágu jafn-
réttismála. Við bættum verulega í velferðina
með því að draga úr framlögum vegna kostn-
aðar við ESB umsóknina, úr framlögum til að-
alskrifstofa ráðuneyta, sendiráða, fjármálaeft-
irlits o.fl. sem ríkisstjórnin setti í forgang. Það
er í raun vandalaust að forgangsraða enn betur
og skera í fitulög fjárlaga í þágu velferðar.
Tillögur okkar Lilju upp á 95 milljóna króna
framlag til Jafnréttisstofu, Kvennaathvarfsins í
Reykjavík og Stígamóta nema líklega um 3% af
beinum og óbeinum kostnaði árið 2012 vegna
ESB-umsóknarinnar. Til samanburðar má
einnig benda á að tillögur okkar Lilju nema
tæpum 20% af 548 milljóna aukafjárveitingu til
Fjármálaeftirlitsins sem fær nærri 2 milljarða
fjárveitingu alls árið 2012.
Er von að spurt sé: Hvað varð um jafnrétt-
isfyrirheit ríkisstjórnarinnar? Af hverju for-
gangsraðar hún í þágu ESB, fjármagns og fjár-
málaeftirlits í stað velferðar? Er norræna
velferðin týnd og tröllum Alþjóðagjaldeyr-
issjóðsins og hægri kratisma gefin?
Eftir Atla Gíslason
» Tillögur okkar Lilju upp á
95 milljóna króna framlag
til Jafnréttisstofu, Kvenna-
athvarfsins og Stígamóta
nema líklega um 3% af kostn-
aði 2012 vegna ESB.
Atli Gíslason
Höfundur er alþingismaður.
Samfylkingar- og VG-
félagar: Hvers eiga jafn-
réttismálin að gjalda?
35
MORGUNBLAÐIÐ LAUGARDAGUR 10. DESEMBER 2011
Í Fréttablaðinu í dag 8.12. er
allsérkennileg auglýsing frá
Skipulagsstofnun. Stofnunin
auglýsir álit sitt og niðurstöðu
varðandi Vestfjarðaveg (60)
milli Eiðis í Vattarfirði og Þver-
ár í Kjálkafirði, Reykhólahreppi
og Vesturbyggð. Álitið er liður í
mati á umhverfisáhrifum og er
þess efnis að ekki megi leggja
veg til Vestfjarða samkvæmt
þeim kröfum sem gerðar eru til
nýrra vega samkvæmt for-
sendum Vegagerðarinnar. Þess í stað eigi
að leggja vegina í samráði við Nátt-
úrufræðistofnun Íslands. Báðar þessar
stofnanir, Skipulagsstofnun og Nátt-
úrufræðistofnun, hafa vakið athygli lands-
manna fyrir þær sakir að þær hafa gengið
mjög langt til þess að koma í veg fyrir end-
urbætur á ónýtum vegum sem Alþingi hefur
ákveðið að endurbyggja.
Þessi ótrúlega auglýsing vakti upp minn-
ingar hjá mér frá þeim tíma þegar sömu
stofnanir lögðust gegn því að lagður væri
vegur sem í dag ber heitið Vatnaleið. Sá
vegur kom í stað vegar um Kerlingaskarð
sem var þekktur farartálmi vegna ófærðar
og íllviðra að vetri. Þegar kom að því að
vinna umhverfismat vegna Vatnaleiðar setti
Náttúrufræðistofnun sína helstu sérfræð-
inga til verka. Þeir skrifuðu langa og ít-
arlega skýrslu um gróðurfar og fuglalíf og
hætturnar sem gætu steðjað að vegna vega-
gerðar meðfram Baulárvallavatni og Sel-
vallavatni á Snæfellsnesi. Vatnaleið þykir
einhver fegursta leið sem þekkist á Íslandi
auk þess að vera fær allan ársins hring.
Við lestur skýrslunnar um Vatnaleið setti
marga hljóða. Í lokakafla hennar er fjallað
um alvarlegustu hættuna og þá hættu sem
átti sjáanlega að koma í veg fyrir að Vatna-
leiðin yrði að veruleika. Þessi síðasti kafli í
skýrslu Náttúrufræðistofnunar Íslands
fjallaði um „Skrímslið í Baulárvallavatni“.
Efni skýrslunnar má lesa á netinu ef menn
efast. Þar segir: „Skrímslið í Baul-
árvallavatni. Ekki hefur orðið vart við
skrímslið í Baulárvallavatni á undanförnum
árum en full ástæða er til að ganga úr
skugga um hvort óhætt sé að leggja bílveg
svo nálægt vatninu í ljósi voveiflegra at-
burða (Baulárvallaundrin). Lagt er til að
Þorvaldi Friðrikssyni skrímslafræðingi,
verði falið að meta þennan áhættuþátt.“
Sem betur fer voru hvorki undirritaður,
þá samgönguráðherra, né heldur vega-
málastjóri eða meirihluti alþingismanna
hræddir við skrímslið í Baulárvallavatni.
Vegurinn var því lagður í sam-
ræmi við samgönguáætlun og
hönnun Vegagerðarinnar. Þess
má geta að andstæðingar þess-
ara vegabóta voru ekki af baki
dottnir þrátt fyrir að fram-
kvæmdir væru hafnar og þeim
lyki og Vatnaleið formlega
opnuð. Þegar þeir urðu þess
varir að ekki dugði að ota fram
skrímslum var undirritaður
kærður fyrir Umboðamanni
Alþingis. Sá ágæti embætt-
ismaður lét hafa sig til þess að
álykta að samgönguráðherrann hefði átt að
skilja við konuna sína til þess að verða tæk-
ur til þess að taka afstöðu til málsins og
leggja til við Alþingi að fjárveiting fengist
til vegar um Vatnaleið. Var sú skýring gefin
á því tiltæki að skyldleiki eiginkonu und-
irritaðs við smalana á Kerlingaskarði gerði
ráðherrann vanhæfan til þess að fylgja fram
vilja íbúanna um að fá færan veg yfir Snæ-
fellsnessfjallgarðinn. Rétt er að taka fram
að undirritaður varð ekki við þeim kröfum.
Alla þessa undarlegu iðju embættismanna
er vert að rifja upp þegar Skipulagsstofnun
auglýsir fyrir skattpeninga okkar forneskju
sína og fyrirlitningu á þörfum fólksins í hin-
um dreifðu byggðum.
Skrímslið í Baulárvallavatni dugði sem
sagt ekki til þess að stöðva lagningu veg-
arins um Vatnaleið. En nú hafa andstæð-
ingar vegabóta á Vestfjarðarvegi magnað
upp ný skrímsli til þess að koma í veg fyrir
framfarir í vegagerð og bætt mannlíf á
sunnanverðum Vestfjörðum. Þau „skrímsli“
telja sig vera umboðsmenn arnarins sem
verpir á svæðinu, en þó einkum landeigenda
í Teigsskógi sem ekki vilja búa á svæðinu,
en vilja hefta för þeirra sem eiga erindi
heiman og heim vegna gjaldeyrisskapandi
iðju sinnar og búsetu í byggðum Vestfjarða.
Þannig eru hagsmunir fárra tryggðir á
kostnað íbúanna á sunnanverðum Vest-
fjörðum.
Eftir Sturla Böðvarsson
» Alla þessa undarlegu iðju
embættismanna er vert að
rifja upp þegar Skipulags-
stofnun auglýsir fyrir skatt-
peninga okkar forneskju sína
og fyrirlitningu á þörfum fólks-
ins í hinum dreifðu byggðum.
Sturla Böðvarsson
Höfundur var samgönguráðherra á tímabilinu
1999 til 2007.
Hvar er skrímslið?
Í síðasta Sunnudagsmogga var ítar-
leg umfjöllun um einelti Vantrúar gegn
kennara við guðfræðideild Háskóla Ís-
lands. Í umfjölluninni má finna margar
og ótrúlegar beinar tilvitnanir í skrif
Vantrúarmanna á netinu þar sem þeir
meðal annars skipuleggja eineltið.
Einn af framámönnum Vantrúar, Þórð-
ur Ingvarsson, stjórnarmaður og rit-
stjóri vefs þeirra, skrifar eftirfarandi á
bloggsíðu sína í tilefni af því að ár er
liðið frá andláti herra Sigurbjörns Ein-
arssonar biskups:
„Sirka 1 ár liðið frá því að þessi frat-
haus, prumpuhali, rugludallur, geð-
stirða gamalmenni, sérlegur aðdáandi
hinna myrku miðalda og baráttumaður
fyrir endurupptöku þeirra helgu daga,
óskammfeilin karlremba, trúarbulla,
andlegi ofbeldisseggur, fordómafulli
drullusokkur og siðblindi síkópati féll
frá.“
Hér er tvinnað saman meiðyrðum;
svívirðingum og svigurmælum á hend-
ur látnum heiðursmanni, af slíkri lág-
kúru og lítilmennsku að einsdæmi hlýt-
ur að teljast hér á landi. Er þó langt
til jafnað. Í huga lesenda kemur ekki
upp orðið vantrú heldur annað orð:
Viðbjóður.
Óskar Magnússon
Viðbjóður
og Vantrú
Höfundur er útgefandi
og sóknarnefndarformaður.Jólaskreyting Það er merki um að jólin séu í nánd þegar búið er að skreyta ákveðið hús og garð við Urriðakvísl í Reykjavík.
Ómar