Uppeldi og menntun - 01.01.2013, Side 9

Uppeldi og menntUn/icelandic JoUrnal of edUcation 22(1) 2013 9
HELGI GRÍMSSON
SJÁLANDSSKÓLA
ANNA KRISTÍN SIGURÐARDÓTTIR
MENNTAvÍSINDASvIÐI HÁSKÓLA ÍSLANDS
Nám og námsumhverfi 21. aldarinnar:
Væntingar og veruleiki
Mikið hefur verið byggt af skólahúsnæði hér á landi síðustu áratugi. Hvorki liggja fyrir saman-
teknar upplýsingar um það hvaða menntaáherslur réðu för við hönnun þessa nýja húsnæðis né
hvort og þá hvernig þær hafi skilað sér í breyttu námsumhverfi og skólastarfi. Markmið þessarar
rannsóknar er að varpa ljósi á þær kennslufræðilegu áherslur sem höfðu áhrif á hönnun nokkurra
valinna nýrra grunnskóla og hvernig þær hafa skilað sér í skólastarfið. Skoðaðar voru fjórar ný-
legar skólabyggingar. Greint er hvaða áherslur lágu að baki hönnun þessara bygginga og skoðað
hvernig til hefur tekist. Gagna var aflað með viðtölum við þátttakendur í hönnun skólanna, spurn-
ingalistum til kennara og vettvangsathugunum. Niðurstöður benda til þess að lögð hafi verið
áhersla á að hanna sveigjanlegt námsumhverfi til að stuðla að fjölbreyttu og einstaklingsmiðuðu
skólastarfi. Þá virðist vera þörf á markvissari stuðningi við starfsfólk skóla á fyrstu starfsárum
í nýju skólahúsnæði en átti við í þessum tilvikum ef takast á að innleiða þessar nýju áherslur.
Efnisorð: Skólabyggingar, námsumhverfi, hönnun skóla, menntaáherslur, starfshættir
skóla
inn gang Ur
Vatnaskil urðu í íslensku skólastarfi í kjölfar þess að rekstur grunnskóla færðist frá ríki
til sveitarfélaga árið 1996. Lögð var áhersla á að einsetja grunnskóla um allt land og
koma upp aðstöðu til framreiðslu skólamáltíða. Fræðsluyfirvöld í Reykjavík mótuðu
menntastefnu þar sem nemandinn var hafður í forgrunni með áherslu á einstaklings-
miðað nám og aukna samvinnu nemenda. Það felur meðal annars í sér að tekið er mið
af stöðu hvers og eins nemanda. Nemendur eru ekki að læra það sama á sama tíma
heldur geta þeir verið að fást við ólík viðfangsefni og verkefni einir sér eða í hópum
(Menntasvið Reykjavíkurborgar, 2007). Lögð er áhersla á ábyrgð nemandans og aðlög-
un viðfangsefna að námslegri stöðu hans og áhuga. Þetta kallaði á breytta starfshætti
Uppeldi og menntun
22. árgangur 1. hefti 2013