SunnudagsMogginn - 04.03.2012, Blaðsíða 44

44 4. mars 2012
Ron Suskind _ Confidence Men
bbbnn
„Já, við getum,“ hrópaði Barack Obama eftir að
hann var kjörinn forseti Bandaríkjanna haustið
2008 í kjölfar afar vel heppnaðrar kosningabar-
áttu. Allt virtist leika í höndunum á Obama og
margt benti til þess að hann hefði góðan skilning
á fjármálakreppunni, sem þá var nýskollin á. Nú
hefur blaðamaðurinn Ron Suskind, sem skrifaði
nokkrar bækur um forsetatíð Georges W. Bush,
sent frá sér bókina Confidence Men, þar sem fjallað er um glímu
Obama við bandarísk efnahagsmál á fyrstu tveimur árunum í for-
setastóli. Ef marka má bókina fórst forsetanum margt óhöndug-
lega, þar á meðal að velja sér starfsmenn og ráðgjafa, sem flestir
voru bólgnir af sjálfsáliti og karlrembu. Þótt ráðgjafarnir og Hvíta
húsið hafi mótmælt harðlega ýmsum fullyrðingum í bókinni virð-
ist ljóst að reynsluleysi forsetans háði honum mjög fyrstu misserin
í embætti. Larry Summers, fyrrverandi efnahagsráðgjafi hans, lýsti
ástandinu í Hvíta húsinu þannig: „Við erum aleinir heima. Það er
enginn fullorðinn við stjórnvölinn.“ Obama hefur síðan skipt um
efnahagsráðgjafa og starfsmannastjóra og hefur enn 8 mánuði til
að sanna sig.
Ben Lieberman - Odd Jobs
bbnnn
Þegar brimað er á gjöfulum rafbókamiðum net-
verslunarinnar Amazon synda oft framhjá torfur
af reyfurum sem ekki hafa komist á metsölulista
og kosta afar lítið og stundum ekki neitt. Það er
freistandi að grípa einn og einn slíkan og lesa
þegar drepa þarf tíma og hvíla heilann. Bókin Odd
Jobs mun hafa sigrað í bandarískri hand-
ritakeppni. Hún fjallar um ungan mann sem fyllist
hefndarþorsta þegar hann kemst að því að eigandi
kjötverksmiðju er samviskulaus skúrkur sem lét myrða föður hans
á sínum tíma. Sumt í bókinni er vel gert en annað síður. Það
gengur oft mikið á í sögunni, sem er á köflum nokkuð teikni-
myndaleg og klisjukennd en stundum er dvalið of lengi við auka-
atriði. Svo gripið sé til annarrar dýralíkingar minnir söguþráð-
urinn á íslenskan sveitahund, sem hefur afar gaman af að smala
en kann það ekki. Hann rekur féð í ýmsar áttir af miklu fjöri og
geltir hátt en sér skyndilega þúfu og gleymir rollunum, hnusar
lengi, lyftir afturlöpp og stekkur svo aftur af stað.
Guðm. Sv. Hermannsson gummi@mbl.is
Erlendar bækur
12. - 25.
febrúar
1. Heilsuréttir
Hagkaups -
Sólveig Ei-
ríksdóttir /
Hagkaup
2. Svartur á leik - Stefán Máni /
JPV útgáfa
3. Gamlinginn sem skreið út um
gluggann - Jonas Jonasson /
JPV útgáfa
4. Hausaveiðararnir - Jo Nesbø
/ Uppheimar
5. Húshjálpin - Kathryn Stockett
/ JPV útgáfa
6. Hollráð Hugos - Hugo Þór-
isson / Salka
7. Táknmál blómanna - Vanessa
Diffenbaugh / JPV útgáfa
8. Hjarta mannsins - Jón Kal-
man Stefánsson / Bjartur
9. Einvígið - Arnaldur Indriðason
/ Vaka-Helgafell
10. Baldursbrár - Kristina
Ohlsson / JPV útgáfa
Frá ára-
mótum
1. Heilsuréttir
Hagkaups -
Sólveig Ei-
ríksdóttir /
Hagkaup
2. Gamlinginn sem skreið út um
gluggann - Jonas Jonasson /
JPV útgáfa
3. Þóra - heklbók - Tinna Þór-
udóttir Þorvaldsdóttir / Salka
4. Almanak Háskóla Íslands
2012 - Þorsteinn Sæmunds-
son o.fl. / Háskóli Íslands
5. Hausaveiðararnir - Jo Nesbø
/ Uppheimar
6. Einvígið - Arnaldur Indriðason
/ Vaka-Helgafell
7. Brakið - Yrsa Sigurðardóttir /
Veröld
8. Húshjálpin - Kathryn Stockett
/ JPV útgáfa
9. Baldursbrár - Kristina
Ohlsson / JPV útgáfa
10. Hollráð Hugos - Hugo Þór-
isson / Salka
Bóksölulisti
Lesbókbækur
Skannaðu
kóðann til að
lesa
Listinn er byggður á upplýsingum frá
Bókabúð Máls og menningar, Bóka-
búðinni Eskju, Bókabúðinni Hamra-
borg, Bókabúðinni Iðu, Bókabúðinni
við höfnina Stykkishólmi, Bóksölu-
stúdenta, Bónus, Hagkaupum,
Kaupási, N1, Office 1, Pennanum-
Eymundssyni og Samkaupum. Rann-
sóknasetur verslunarinnar annast
söfnun upplýsinga fyrir hönd Félags
íslenskra bókaútgefenda.
Minnesota-þríleik norska rithöfund-arins Vidar Sundstøl lýkur meðHröfnunum sem nú er komin út í ís-lenskri þýðingu Kristínar R. Thorla-
cius. Sundstøl hóf þríleikinn með Landi
draumanna, sem kom út á íslensku árið 2010 og
hlaut á sínum tíma Riverton-verðlaunin sem besta
glæpasaga ársins í Noregi. Í Landi draumanna
snýst atburðarásin um morð á norskum ferða-
manni við Lake Superior í Minnesota. Lög-
reglumaðurinn Lance Hansen rannsakar morðið
en þegar búið er að handtaka meintan morðingja
sækja efasemdir á Lance. Hann fer að gruna bróður
sinn Andy um morðið.
Önnur bókin í þríleiknum, Hinir dauðu, kom út
í íslenskri þýðingu í fyrra. Þar fara Lance og Andy
á veiðar. Veiðiferðin snýst upp í magnað tauga-
stríð milli þeirra tveggja. Þessi millibók er kannski
besta verkið af þessum þremur, allavega það
óvenjulegasta, og er mun meira í ætt við sálfræðit-
rylli en spennusögu. Sögusviðið er afmarkað og
persónur á vettvangi eru fáar en höfundi tekst
einstaklega vel að lýsa sálrænu stríði milli tveggja
manna.
Með Hröfnunum lýkur þríleiknum eins og við er
að búast með lausn morðgátunnar og ekki er rétt
að segja meira hvað varðar þann þátt verksins. En
vitaskuld á það við í þessu verki eins og flestum
öðrum glæpasögum að ekki er allt sem sýnist.
Ekki dæmigerð glæpasaga
Í þessari síðustu bók tengir Sundstøl saman lausa
þræði og lokar verkinu prýðilega. Niðurstaðan er
býsna góður og ágætlega spennandi þríleikur sem
er mun vitsmunalegri en dæmigerðar has-
arspennusögur. Lesandinn fær góða tilfinningu
fyrir umhverfi sögusviðsins, Lake Superior, og
fornar sagnir um indjána eru rifjaðar upp og
draumar og draugar fá veigamikið hlutverk í
verkinu. Það eru þessir þættir sem lyfta verkinu
yfir það að vera dæmigerð norræn glæpasaga.
Þar sem nokkur tími hefur liðið á milli útgáfu
bókanna þriggja er hætt við að jafnvel minnugustu
lesendur séu nokkuð farnir að ryðga í því hvað
gerðist nákvæmlega í fyrri bókunum tveimur.
Sundstøl gerir sér mæta vel grein fyrir þessu og
leysir vandann ágætlega, læðir nauðsynlegum
upplýsingum um efni fyrri bóka lipurlega inn í
textann. Þetta merkir hins vegar ekki það að les-
endur sem ekki hafa lesið fyrri bækurnar tvær geti
kastað sér yfir Hrafnana. Því fer fjarri, höfundur
hugsar bækurnar sem heild og þær verður að lesa
þannig. Stakar skila þeir engan veginn sömu
áhrifum og þegar þær eru lesnar sem heild.
Lífsþreytt aðalpersóna
Fjölskyldusaga aðalpersónunnar, Lance Hansen,
fær aukið vægi í Hröfnunum. Sterk áhersla er lögð
á samskipti hans við bróðurdóttur sína, Chrissy –
og svo kemur gömul kærasta aftur til sögunnar.
Aðalpersónan, Lance, verður víst seint sögð
frumleg persónusköpun í norrænum saka-
málasögum. Hann er miðaldra, fráskilinn, á eitt
barn og er vitaskuld fremur lífsþreyttur. „Að axla
byrði og bera hana möglunarlaust var það sem
Lance Hansen var skapaður til,“ segir á einum stað
í Hröfnunum. Það virðist ekki mikil hamingja bíða
slíkrar persónu, en lífið hefur nú yfirleitt sínar að-
ferðir við að koma á óvart, eins og sannast í þess-
um þríleik. Þar er vissulega þrúgandi andrúmsloft
og óhamingjan leynist víða, en einstaka ljós-
greislar finnast þó. Kannski er alltaf mögulegt að
hefja nýtt líf.
Vidar Sundstøl og lesendur hans geta verið vel
sáttir við Minnesota-þríleikinn. Þetta eru vel
hugsaðar, áhugaverðar og spennandi bækur. Vel
þess virði að lesa, en þá er um að gera að byrja á
byrjuninni.
Vidar Sundstøl. Hefur vakið athygli og fengið lof fyrir Minnesota-þríleik sinn.
Morgunblaðið/Sigurgeir S
Minnesota- þrí-
leiknum er lokið
Hrafnarnir, síðasta bókin í hinum spennandi Minnesota-
þríleik norska rithöfundarins Vidar Sundstøl, er nýkomin
út í íslenskri þýðingu.
Kolbrún Bergþórsdóttir
kolbrun@mbl.is