SunnudagsMogginn - 04.03.2012, Blaðsíða 15
4. mars 2012 15
Í meira en tvo áratugi hefur HaraldurÞór Stefánsson ferðast vítt og breittum Ísland til að svala ástríðu sinni –ljósmyndun. Hann hefur aldrei
framfleytt sér á myndavélinni en samt
dugar hugtakið „áhugaljósmyndari“
skammt til að lýsa honum. Svo miklum
tíma og kröftum hefur Haraldur varið til
að ögra sér og efla gegnum tíðina. „Allur
minn frítími fer í ljósmyndun og hefur
gert lengi,“ upplýsir hann. Það er engin
tilviljun að Blaðaljósmyndarafélag Íslands
skuli hafa valið Harald til að sýna á neðri
hæð Gerðarsafns meðan sýning á verkum
félaga stendur yfir í efri sölum safnsins.
„Það er mér mikill heiður og ánægja að
fá tækifæri að sýna myndir mínar í Gerð-
arsafni,“ segir Haraldur, „og því var nær-
tækast að sýningin myndi höfða til ástar á
landinu okkar. Því ákvað ég að hún
myndi heita „Kæra Ísland“. Þó svo gríð-
arlegar hremmingar hafi dunið yfir þjóð-
ina undanfarin ár og mikil undirliggjandi
gremja fyrir hendi þá langar mig með
myndum mínum að hvetja fólk til að fara
út fyrir borgarmörkin, anda að sér fersku
lofti og því stórbrotna landslagi sem Ís-
land hefur að bjóða. Ég held að við Íslend-
ingar séum líklegri en nokkur önnur þjóð
til að finna tækifærin í núinu og nýta þau
okkur öllum til framþróunar og betra lífs.
Það eina sem við þurfum að gera er að
skilja þá stöðu sem við erum í, horfast í
augu við hana og þá opnast fyrir okkur
hugmyndir og tækifæri sem bera mann á
vit ævintýranna.“
Sofið á bílpallinum
Spurður um eftirlætisstaði sína á Íslandi
ranghvolfir Haraldur augunum. „Þeir eru
svo margir. Jökulsárlónið, Mývatns-
svæðið og Suðurlandið eins og það leggur
sig, þangað fer ég líklega oftast. Svona til
að nefna eitthvað.“
Haraldi finnst ekkert mál að flengjast
einn um landið, skemmtilegra sé þó að
vera í góðum félagsskap. Sambýliskona
hans er gjarnan með í för og ósjaldan koll-
egar eins og Ragnar Axelsson og Ragnar
Th. Sigurðsson. „Það er alltaf jafngaman
að ferðast með þessum mönnum, áhuginn
og stíllinn er svo ólíkur. Við Raxi höfum Holtsós undir Eyjafjöllum.